‘’TUTAHAKIKISHA TUNAULINDA UTAMADUNI WA ZANZIBAR’’ANASEMA HEMED

 


NA FATMA HAMAD, PEMBA

 SERIKALI ya Mapinduzi ya Zanzibar imesema itahakikisha inafanya juhudi mbalimbali kuona utamaduni wa mzanzibari unadumu, ili uweze kuinua uchumi wa vijana wa kizanzibari.

 Hayo yalisemwa na Makamo wa pili wa Rais wa Zanzibar Hemedi Suleiman Abdulla kwa niaba ya Rais wa Zanzibar Ali Hassan Mwinyi, wakati akizindua Tamasha la 31 la Utamaduni wa Mzanzibar, huko Gombani wilaya ya Chakechake Mkoa wa Kusini Pemba.

 Alisema Utamaduni wa kizanzibar ni moja ya jambo linalochangia uchumi wa Nchi, hiivyo ipo haja kuendeleza Utamaduni huo ili kuleta ajira kwa vijana wa Zanzibar.

 ‘’Tutahakikisha tunaulinda utamaduni wetu uweze kudumu, na kuwa kivutio kwa wageni wanaoingia Zanzibar,'alisema.

Alisema Serikali imeshetenga Bilioni 40 kwaajili ya kujenga kijiji cha utamaduni ili wazanzibari wakuze bidhaa zao za kiutamaduni kamavile mapishi ya asili, ikiwemo Vitobwesha, Mkate wa gae, Ugali wa muhogo pamoja na Msambwija ( muhogo wa ndizi).

 Aidha Hemed aliwataka Wajasiriamali na Wasanii kuzitumia fursa zilizomo katika Afcon 2027 waweze kujiajiri na kujipatia kipato kitakachoinua Uchumi wao.

 Sambamba na hilo aliiagiza Wizara ya Habari Sanaa Utamaduni na Michezo kushirikiana na Wizara ya Elimu,na kujifunza mbinu zitakazosaidia kuibua vipaji vya kisanii vitakavyosaidia kulinda Utamaduni huo.

 Kwa upande wake Waziri wa Habari Sanaa Utamaduni na Michezo Riziki Pembe Juma alisema serikali itahakikisha inashirikiana na wadau mbalimbali kuona wanauenzi na kuudumisha utamaduni wa kizanzibari, ili uendelee kubaki kwa wenyewe Wazanzibari.

 Nae Katibu Mkuu wizara ya Habari Sanaa na Utamaduni na Michezo Mattar Zahor Massoud  alisema Serikali itahakikisha inapiga vita vitendo viovu ambambavyo haviendani na maadili ya kizanzibari

 "Tutahakikisha tunapinga vitendo viovu vya mporomoko wa maadili,  vinavyoenda kinyume na tamaduni zetu alisema,'

 Alisema Tamasha hilo la 31 litatoa fursa kubwa kwa wajasiriamali na wasanii pamoja na vijana wa kizanzibari.

 Kauli mbiyu ya Tamasha la mwaa huu Utamaduni wetu urithi kwa vizazi vyetu, tumia fursa za Utamaduni kwenye Afcon 2027.

 


MWISHO

 

Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

NAJIVUNIA KUONA WANANCHI WA MJINI KIUYU WAKIKANYAGA BARABARA YA LAMI

Image
                                          NA FATMA HAMAD, PEMBA                                                                                                                             ‘’Ama kweli mwenye kutafuta haachi kupata’’ Msemo huo umesadilifu kwa Nassra  Salim Mohamed Diwani mstaaf wa wadi ya Kiuyu Minungwini wilaya ya Wete mkoa wa Kaskazini Pemba. MAISHA YA NASRA Baada ya kuzaliwa  1969, Nasra alianza kuisaka haki ya elimu ya msingi mwaka 1976 katika skuli ya msingi Piki wilaya Wete. Akiwa darasani, Nasra hakuwa mtulivu na jinsia yake ya kike, wak...
Read more

HOFU YA UDHALILISHAJI MTANDAONI INAVYOWANYAMAZISHA WANAWAKE

Image
NA FATMA HAMAD, PEMBA   Katika ulimwengu wa kidijitali, mitandao ya kijamii imekuwa sauti ya wengi, ni mahali ambapo watu hujadili siasa, biashara, elimu na masuala ya kijamii.   Ingawa kwa wanawake wengi, majukwaa haya yamekuwa pia uwanja wa matusi, vitisho na udhalilishaji unaowafanya waogope kujieleza hadharani. Mara nyingi mwanamke anapotoa maoni kuhusu suala la kijamii au kisiasa, hukumbana na mashambulizi yanayolenga jinsia yake badala ya hoja aliyoitoa. Matokeo yake, baadhi yao huamua kunyamaza, kufunga akaunti au kujiondoa kabisa kwenye mijadala ya umma.   Kwa sasa Tatizo hilo linaonekana kuwa changamoto kubwa ya haki za kidijitali na usawa wa kijinsia duniani.   Utafiti wa kimataifa uliofanywa na UNESCO kwa kushirikiana na International Center for Journalists (ICFJ) mwaka 2021, uliowahusisha wanawake wanahabari 901 kutoka nchi 125, ulibaini kuwa asilimia 73 walikuwa wamewahi kukumbana na vurugu au udhalilishaji mtandaoni kutokana na kazi zao.   Utafiti ...
Read more