WANDISHI WA HABARI ANDIKENI HABARI ZA UCHAMBUZI

 


NA FATMA HAMAD, PEMBA

 MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.

 Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.

 Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.

 ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka,’’alisema.

 Kwa upande wake Mkuu wa Kitengo cha Tafiti na Uratibu kutoka Tume ya Mipango Zanzibar Omar Juma Ali alisema, tafiti zinazofanywa zinamchango mkubwa wa kuwasaidia  wandishi wa habari kupata vyanzo sahihi vya  kuibua habari ambazo zitaleta maslahi bora kwa umma.

 Alisema, endapo waandishi wa habari watazitumia tafiti hizo kwa usahihi, zitasaidia kupatikana kwa taarifa na kufahamu matukio yaliyoibuliwa, kuifahamisha jamii na kusaidia kuchukua hatua juu ya jambo lililofanyiwa utafiti.

 ‘Ndugu zangu waandishi wa habari katika tafiti muna uwezo wa kupata vyanzo vya kuandika habari, hivyo mkizitumia kwa usahihi mtauwelewesha umma juu ya jambo lililoibualiwa baada ya utafiti,’’alisema.

 Alisema, imeonekana waandishi wa habari hawana uwelewa juu ya kuandika habari za tafiti, hivyo Tume ya Mipango Zanzibar kwa sasa imeweka mpango mkakati wa kuwaelimisha waandishi wa habari juu ya matumizi sahihi ya Takwimu kuzifahamu na kuzifanyia kazi, kwani kutasaidia kuibua kero zilizojificha, ambazo ni kikwazo kwa wananchi.

 Nao waandishi wa habari waliohudhuria mafunzo hayo walisema, mafunzo yamewafumbua macho huku wakiahidi kuyafanyia kazi kwa kuwandika vyema habari zinahusiana na takwimu na kuleta mafanikio kwa jamii yao.

  MWISHO.

 

   


Comments

Post a Comment

Popular posts from this blog

HOFU YA UDHALILISHAJI MTANDAONI INAVYOWANYAMAZISHA WANAWAKE

Image
NA FATMA HAMAD, PEMBA   Katika ulimwengu wa kidijitali, mitandao ya kijamii imekuwa sauti ya wengi, ni mahali ambapo watu hujadili siasa, biashara, elimu na masuala ya kijamii.   Ingawa kwa wanawake wengi, majukwaa haya yamekuwa pia uwanja wa matusi, vitisho na udhalilishaji unaowafanya waogope kujieleza hadharani. Mara nyingi mwanamke anapotoa maoni kuhusu suala la kijamii au kisiasa, hukumbana na mashambulizi yanayolenga jinsia yake badala ya hoja aliyoitoa. Matokeo yake, baadhi yao huamua kunyamaza, kufunga akaunti au kujiondoa kabisa kwenye mijadala ya umma.   Kwa sasa Tatizo hilo linaonekana kuwa changamoto kubwa ya haki za kidijitali na usawa wa kijinsia duniani.   Utafiti wa kimataifa uliofanywa na UNESCO kwa kushirikiana na International Center for Journalists (ICFJ) mwaka 2021, uliowahusisha wanawake wanahabari 901 kutoka nchi 125, ulibaini kuwa asilimia 73 walikuwa wamewahi kukumbana na vurugu au udhalilishaji mtandaoni kutokana na kazi zao.   Utafiti ...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more