ZRA yafanya mabadiliko Sheria za Kodi

 


NA ZUHURA JUMA, PEMBA

SERIKALI ya Mapinduzi Zanzibar imekuwa ikifanya mabadiliko ya Sheria za kodi, ili kuleta unafuu kwa walipakodi sambamba na kupatikana kodi vizuri.

Akizungumzia Sheria zilizofanyiwa maboresho, Ofisa Kitengo cha Habari, Uhusiano na Huduma kwa Walipa Kodi, kutoka Mamlaka ya Mapato Zanzibar (ZRA), Makame Khamis Mohamed alisema, kabla ya kurekebishwa Sheria, Serikali hufanya utafiti kwanza ili zisimuathiri mlipakodi wala Serikali.

Alisema kuwa, hatua hiyo ya kuzifanyia maboresho Sheria za kodi ni katika kuwajali wananchi wake, kwani kuna baadhi ya vitu vimeondolewa ushuru na vyengine vimepunguzwa kwa asilimia 25, jambo ambalo litasaidia sana katika kuboresha utekelezaji wao wa majukumu, pamoja na kuleta unafuu kwa walipakodi.

“Mabadiliko haya yamekuja kuleta unafuu kwa walipakodi na wananchi kwa ujumla, hivyo kama waandishi wa habari tunapaswa kuuhabarisha umma, ili waelewe maboresho haya na kuyafanyia kazi,” alisema Makame.

Alieleza kuwa, lengo la kufanyia maboresho Sheria hizo ni kuimarisha ukusanyaji wa mapato, na kuhakikisha kodi hizo hazimkwazi mlipakodi, na ndio maana kabla ya maboresho hayo Serikali hufanya Tathmini.

Ofisa huyo alitaja Sheria zilizofanyiwa maboresho kuwa ni, Sheria ya Kodi ya Ongezeko la thamani nambari 4 ya mwaka 1998 kifungu cha 16 (a), Sheria ya Fedha ya mwaka 2015 (kodi ya Miundombinu) kifungu 20 (3), kipendele cha 2, 3 na 4.

Sheria nyengine ni ya Ushuru wa Stempu nambari 7 ya mwaka 2017 kifungu 65 (2) na kifungu 77 (3), Sheria ya ada za Bandari nambari 2 ya 1999, jedweli la pili (kipengele 1(a) na (c) na Sheria ya Ushuru wa bidhaa nambari 8 ya 2017 kifungu 18 kipya.

“Pia kuna Sheria ya Hoteli nambari 1 ya mwaka 1995 kifungu cha 3 (3) na Sheria ya Usimamizi wa kodi nambari 7 ya mwaka 2009,” alifafanua Ofisa huyo.

Kwa upande wake Mwanasheria Muandamizi kutoka ZRA, Maryam Ishau Abdalla aliwataka waandishi wa habari kuendelea kutoa elimu ya kodi kwa wananchi, ili wapate uelewa katika masuala ya kodi.

Alisema kuwa, hata wafanyabiasha wakubwa wa mtandaoni sasa wanatakiwa kulipa kodi, ambapo mwezi Julai mwaka jana walifanya mazungumzo ambayo yatasaidia walipe kodi kupitia mtandao.

Nao waandishi waliohudhuria mkutano huo waliahidi kuielimisha jamii juu masuala hayo ya kodi, kwani kuna baadhi ya wafanyabiashara hudhani kwamba, wanakatwa kodi mara mbili, jambo ambalo sio sahihi.

Akitoa neno la shukrani kwa niaba ya waandishi wa habari, Mkurugenzi Uratibu Shirika la Magazeti Pemba Haji Nassor Mohamed, aliahidi kuandika habari mbalimbali kwa ufanisi mkubwa, kwani maboresho hayo ni utekelezaji wa maagizo ya Dk. Mwinyi kwa ZRA.

                                       MWISHO.



Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

NAJIVUNIA KUONA WANANCHI WA MJINI KIUYU WAKIKANYAGA BARABARA YA LAMI

Image
                                          NA FATMA HAMAD, PEMBA                                                                                                                             ‘’Ama kweli mwenye kutafuta haachi kupata’’ Msemo huo umesadilifu kwa Nassra  Salim Mohamed Diwani mstaaf wa wadi ya Kiuyu Minungwini wilaya ya Wete mkoa wa Kaskazini Pemba. MAISHA YA NASRA Baada ya kuzaliwa  1969, Nasra alianza kuisaka haki ya elimu ya msingi mwaka 1976 katika skuli ya msingi Piki wilaya Wete. Akiwa darasani, Nasra hakuwa mtulivu na jinsia yake ya kike, wak...
Read more

HOFU YA UDHALILISHAJI MTANDAONI INAVYOWANYAMAZISHA WANAWAKE

Image
NA FATMA HAMAD, PEMBA   Katika ulimwengu wa kidijitali, mitandao ya kijamii imekuwa sauti ya wengi, ni mahali ambapo watu hujadili siasa, biashara, elimu na masuala ya kijamii.   Ingawa kwa wanawake wengi, majukwaa haya yamekuwa pia uwanja wa matusi, vitisho na udhalilishaji unaowafanya waogope kujieleza hadharani. Mara nyingi mwanamke anapotoa maoni kuhusu suala la kijamii au kisiasa, hukumbana na mashambulizi yanayolenga jinsia yake badala ya hoja aliyoitoa. Matokeo yake, baadhi yao huamua kunyamaza, kufunga akaunti au kujiondoa kabisa kwenye mijadala ya umma.   Kwa sasa Tatizo hilo linaonekana kuwa changamoto kubwa ya haki za kidijitali na usawa wa kijinsia duniani.   Utafiti wa kimataifa uliofanywa na UNESCO kwa kushirikiana na International Center for Journalists (ICFJ) mwaka 2021, uliowahusisha wanawake wanahabari 901 kutoka nchi 125, ulibaini kuwa asilimia 73 walikuwa wamewahi kukumbana na vurugu au udhalilishaji mtandaoni kutokana na kazi zao.   Utafiti ...
Read more