MARADI WA MALEZI,MAKUZI YA AWALI YA MTOTO ULIVOBADILISHA MITAZAMO KWA WAZAZI PEMBA

 


NA FATMA HAMAD, PEMBA

WAZAZI NA WALEZI kisiwani Pemba wamesema uwepo wa Mradi wa Malezi,Mkuzi na Maendeleo ya  awali ya mtoto umewasaidia, kwani wameelewa umuhumu wa kukaa karibu na watoto wao na kucheza nao.

Walisema mradi umewazesha kujua  kipindi cha siku 1000 ndicho kipindi pekee mtoto anachohitaji uangalizi zaidi na kuwandaliwa kuwa mtoto bora wa baadae.

Akizungumza katika kikao cha tathmini juu ya mradi huo mzazi Asha kutoka N’gambwa Chake, alisema baada ya kupata elimu ya malezi na makuzi ya awali ya mtoto amejenga ukaribu na watoto wake na wamekua na uthubutu wa kuiga baadhi ya mambo ambayo wanamuona akiyafanya.

‘’Kwa mfano wakati nikiwa jikoni nikipika nilikua mtoto namuweka mbali kwani nahisi ananikera, ila kwa sasa napika nae na nikimenya mbatata yeye anamenya vitunguu,’’alisema.

Kwa upande wake mzazi Kassim Masoud Hamad kutoka Piki Wete alisema zamani ilikua watoto wake hawakua na ukaribu  nawala hawakisubutu kumueleza shida zao, bali  wakimwambia  mama yao.

‘’Nashkuru elimu hii ya malezi ya makuzi na maendeleo ya mtoto yametubadilisha kwani kwa sasa ninakawaida ya kuwaita watoto wangu na wameondokana na woga wananieleza kila wanachokihitaji bila ya hofu,’’alisema.

Zulekha Othman Omar muhudumu wa afya ngazi ya Jamii kutoka Shungi Chakechake alisema mradi wa malezi, makuzi na maendeleo ya awali ya mtoto umeleta mapinduzim makubwa katika jamii, kwani wengi wameona ile thamani ya kuwa na ukaribu na watoto wao.

‘’Nilipokenda kwa mzazi Amina Ali (sio jina lake halisi) kwa mara ya kwanza mwenye mtoto wa miezi sita aliniambia hana tabia ya kukaa na kuzungumza wala kucheza nae yule mtoto wake kwani anahisi ni mchanga hafahamu chochote,’’alisema.

Alisema mara baada ya kurudi tena kwa ajili ya kujua maendeleo yao, alisema baada ya kupata elimu amekua akicheza ,nae na amemgundua kwamba anasikia, anafahamu na anafurahia kitendo hicho cha kucheza na mamayake.

Mapema Mratibu wa Madrasa Early childhildhood Programme Zanzibar upande wa Pemba Haji Ali Hamad alisema  kwa mujibu wa Sayansi ya ECD katika kipindi cha awali cha siku 1000 ndicho kipindi muhimu ambacho mtoto anahitajika kupata huduma hizo, kwani ndipo akili ya mtoto  inachukua  mambo kwa haraka.

 ‘’Wazazi niwambie kipindi hichi ndicho cha kuwekeza zaid, kwani akili yake haija beba mambo mengine utakachomfundisha anakishika, kuliko kupiga kelele na wa miaka 16,’’alisema.

Alisema ili mtoto akue akiwa vizuri kiakili anahitaji uangalizi wa hali ya juu kutoka kwa wazazi wake, hivyo ipo haja wazazi kuwakaribu na watoto wao, licha ya pirika za maisha walizonazo.

Mtaalamu kutoka wizara ya Afya Pemba Fadhila Abdulla Abdi alisema mtoto anahitaji kuzungumzishwa kuanzia tokea  akiwa tumboni kwa mama yake.

Alisema kiutaalamu mtoto alietumboni anasikia kila kitu kinachozungumzwa, hivyo ni vyema mama anapokua na ujauzito kuepuka migogoro na kuwa na mawazo mabaya, ili kuzaa mtoto mwenye akili timamu na mwenye afya bora.

‘’ Wazazi wenzangu tuzungumze na watoto wetu kuanzia wakiwa tumboni, na pia mama anapokua na ujauzito anahitajika uangalifu wa hali ya juu (STIRES),’’alisema.

Mradi huo wa Vroom unatekelezwa katika Visiwa vya Unguja na Pemba, ikiwa kwa Pemba ni wilaya ya Wete na Chakechake, unafadhiliwa na Shirika la Bezos Familiy Fondation, lengo lake ni kutoa uwelewa kwa wazazi na Wahudumu wa afya ngazi ya Jamii, juu ya malezi na makuzi ya awali ya mtoto.

Mradi huo ulianza mwakajana na unatarajiwa kumalizika mwishoni mwa mwaka huu.



MWISHO.

Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

HOFU YA UDHALILISHAJI MTANDAONI INAVYOWANYAMAZISHA WANAWAKE

Image
NA FATMA HAMAD, PEMBA   Katika ulimwengu wa kidijitali, mitandao ya kijamii imekuwa sauti ya wengi, ni mahali ambapo watu hujadili siasa, biashara, elimu na masuala ya kijamii.   Ingawa kwa wanawake wengi, majukwaa haya yamekuwa pia uwanja wa matusi, vitisho na udhalilishaji unaowafanya waogope kujieleza hadharani. Mara nyingi mwanamke anapotoa maoni kuhusu suala la kijamii au kisiasa, hukumbana na mashambulizi yanayolenga jinsia yake badala ya hoja aliyoitoa. Matokeo yake, baadhi yao huamua kunyamaza, kufunga akaunti au kujiondoa kabisa kwenye mijadala ya umma.   Kwa sasa Tatizo hilo linaonekana kuwa changamoto kubwa ya haki za kidijitali na usawa wa kijinsia duniani.   Utafiti wa kimataifa uliofanywa na UNESCO kwa kushirikiana na International Center for Journalists (ICFJ) mwaka 2021, uliowahusisha wanawake wanahabari 901 kutoka nchi 125, ulibaini kuwa asilimia 73 walikuwa wamewahi kukumbana na vurugu au udhalilishaji mtandaoni kutokana na kazi zao.   Utafiti ...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more