ADAIWA KUMLAWITI MTOTO WA MIAKA MIWILI


NA FATMA HAMAD, PEMBA

KIJANA SHAAME Ali Hamad anaekadiriwa kuwa na umri wa miaka (38) mkaazi wa Mchangamdogo wilaya ya Wete Pemba, ashikiliwa na adaiwa za kumlawiti mtoto wa kiume mwenye umri wa miaka miwili na miezi mitatu.

Akizungumza na mwandishi wa habari hizi huko nyumbani kwake, mama wa mtoto huyo alisema mtoto wake alifanyiwa tukio hilo la kinyama akiwa nyumbani kwa jirani yake ambae ni mtuhumiwa.

Alisema, siku ya Ijumaa ya tarehe 26/06/2026 akiwa nyumbani kwake akifanya shughuli zake, mtoto wake alikuwa hajamuona muda mrefu, ndipo aliponza kumtafuta na kumuita kwa jina ingawa hakubahatika kumuona kwa wakati huo.

‘’Nilirudi nyumbani kuendelea kufua lakini nilifanya wasiwasi na nikaamua kwenda kumtafuta tena, ndipo nikamkuta amekaa nje ya mlango wa nyumba ya Shaame, akiwa na hali ya huzuni,’’ alisema.

Alisema, alimwambia asimame ili waondoke lakini mtoto huyo hakuweza kusimama na akambeba na kwenda nyumbani kwao na kumueka huku yeye akiendelea na shughuli zake.

Alisema, baada ya muda mfupi alimuona amelala kifudifudi huku suruali yake aliyokuwa amevaa ikiwa na uchafu.

 ‘’Hapo nilishtuka, nikaanza kumuangalia vizuri na nikaona sehemu zake za siri za nyuma haziko sawa, kwani zinatoka uchafu,’’alisema.

Mama huyo alieleza kuwa, baada ya kuona hali hiyo walikwenda kituo cha afya Kinyikani, na madaktari wakawapa barua ya kwenda kituo cha Polisi Mchangamdogo, na hapo wakapewa Pf 3 na kwenda hospitali ya wilaya Kinyasini Wete kwa ajili ya kufanyiwa uchunguzi.

‘’Tulipofika Kinyasini alifanyiwa uchughuzi na tukaambiwa   kwamba mtoto wetu alishafanyiwa kitendo cha udhalilishaji,’’ alifafanua mama huyo.

Baba mzazi wa mtoto alisema, tangu siku ya Ijumaa alipofanyiwa unyama huo, mtoto wake amekua akitokwa na uchafu, kinyesi bila kuzuilika, na kulazimika kuvalishwa pempasi muda wote.

‘’Kwakweli tokea alipopatwa na tukio hilo amekua choo chake hakizuiliki, ilibidi muda wote tuvalishe pempasi kutokana na athari aliyoipata,’’alisimulia.

Alisema, licha ya tukio hilo la kinyama bali kuna watu wamekua wakimuendea na kumtaka wafanye suluhu, ili kesi isiende kwenye vyombo vya Sheria.

 ‘’Wanakuja watu wasiopenda nguvu za wenzao na kunipa vitisho nikubali suluhu, ila kwa unyama aliofanyiwa mtoto wangu hilo silikubali, kama ni ujirani alishaupoteza yeye,’’alisema.

Hivyo aliiomba Serikali na wanaharakati kusimama imara kuhakikisha hatua kali za kisheria zinachukuliwa dhidi ya muhalifu huyo, na kuona haki inatendeka.

Sheha wa Mchangamdogo Assaa Makame Said alikiri kuepo kwa tukio hilo katika shehia yake na kusema, amelipokea kwa huzuni, huku akiwataka wazazi wa mtoto huyo kutosikiliza maneno ya jamii kwa ajili ya kuifanyia suluhu kesi hiyo.

Mratibu wa wanawake na watoto shehia ya Mchangamdogo Mbeu Makame Bakar alisema, amefurahishwa na kitendo cha wazazi wa mtoto huyo kuwa na mwamko wa kulipeleka katika mamlaka husika kwa ajili ya kuchukuliwa hatua.

Suleiman Hamoud Salim ambae daktari kutoka Spitali ya Kinyasini Wete alisema, siku ya ijumaa aliletewa mtoto huyo aliedaiwa kulawitiwa, na baada ya kumfanyia uchunguzi aligundua kwamba tupu yake ya nyuma haikua katika hali ya kawaida kwani alikuta michubuko na alikua akitoka kinyesi na uchafu.

‘’Baada ya kumfanyia uchunguzi nilikuta michubuko katika tupu yake ya nyuma na huku akiwa anatoka kinyesi,’’alisema.

Kamanda wa Polisi Mkoa wa Kaskazini Pemba, Kamishna Msaidizi Mwandamizi wa Polisi (SACP) William Mwampagale alisema kuwa, hajapokea taarifa za tukio hilo ingawa wanapopokea taarifa za matukio kama hayo wanafanya uchunguzi na kuyachukulia hatua za kisheria ikiwa ni pamoja na kuyafikisha mahakamni kwa ajili ya kuendelea na taratibu.

 "Baada ya kupokea taarifa ya tukio, huwa tunaliangalia ikiwa ni muhimu kujulikana kwenye jamii kwa faida yao, basi tunaita vyombo vya habari na kulitolea ufafanuzi lakini ikiwa kwenye umma hakuna umuhimu wa kulitoa kwa maslahi ya jamii, basi tunachukua tu hatua za kisheria tu na sio kutoa kwenye vyombo vya habari," alisema Kamanda huyo.

 

                                         MWISHO.

 

 

 

Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more