WANANCHI WALIOCHUKULIWA ARDHI ZAO WAOMBA KULIPWA FIDIA ZAO

 WANANCHI KISIWANI Pemba ambao walichukuliwa Ardhi zao kwa ajili ya Ujenzi wa Miradi ya Maendeleo na Uwekezaji waliokua hawajalipwa fidia zao wameiomba Wizara ya Ardhi na Maendeleo ya Makaazi kuwasikiliza kilio chao na kuwafuatilia ili wapate haki zao serikalini.

 Akizungumza katika kikao cha Uwasilishaji wa Ripoti ya Uandaaji wa Sheria ya Sekta Miliki Zanzibar kilichofanyika Gombani Chakechake Pemba, Suleiman Mansur mwananchi wa Chakechake alisema tokea alipochukuliwa ardhi yake kwa ujenzi wa Skuli ya Uwandani bado hajalipwa fidia yake.

 Alisema kila siku amekua akihangaika kwa ajili ya kutafuta haki yake, lakini ameshindwa, hivyo  aliomba Wiazara ya Ardhi kuwafuatilia kero lao na kuwaonesha njia ya kupita, ili kuona wanapata haki zao,

 ‘’Kila siku nahangaishwa mara peleka barua kwa mkuu wa Wilaya mara Mkoa wala sjaona lolote, tunawaomba wenzetu wa wizara ardhi mtusaidie tupate fidia zetu,alisema.

‘’’alisema,

 Kwa upande wake wakili wa kujitegemea  kutoka Chake chake Zahran Mohammed Yussuf ambae alishiriki kikao hicho, alisema ni vyema kuwepo na Mamlaka moja tu ambayo inatoa hatimiliki kwa wananchi, jambo litalosaidia kupunguza migogoro ya Ardhi katika Jamii.

 ‘’Utakuta kuna BPR, Wokfu, Wizara ya Ardhi, zote zinatoa umiliki ardhi, hivyo kuepo kwa mlolongo wa Taasisi kunachangia migogoro, ni vyema serikali kuweka mamlaka moja tu,’’alisema.

 Mapema Muezeshaji wa kikao hicho Ali Ali Hassan alisema kwa mujibu wa kifungu cha 17 (C) cha Katiba ya Zanzibar yam waka 1984  kinasema mwananchi anatakiwa alipwe fidia  yake kabla ya ujenzi kuanza na inayolingana na mali yenyewe.

 Hivyo aliwataka wananchi hao ambao wanadai fidia zao kuenda Mahkamani na kudai haki zao.

 Afisa Mdhamini wizara ya Ardhi na Maendeleo ya Makaazi Bakar Ali Bakar, alisema kuepo kwa Sheria ya Sekta Miliki Zanzibar

kutasaidia kuondokana na migogoro ya ardhi Nchini.

 MWISHO.

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more