WAANDISHI WA HABARI WATAKIWA KUANDIKA HABARI ZILIZOJIFICHA

 

Waandishi wa habari Pemba wametakia kuibua na kuandika habari zinazochangia kufanyika kwa vitendo vya udhalilishaji katika maeneo yasio maarufu (yasio tambulika).

 Agizo hilo  limetolewa na Mratibu wa Mradi wa Tunaweza pamoja kutoka Tamwa Zanzibar Asya Hakim Makame  katika mafunzo ya siku mbili kwa waandishi wa habari  wa vyombo mbalimbali,yaliyofanyika Ofisi za TAMWA Chakechake Mkoa wa Kusini Pemba.

 Alisema yapomaeneo kadhaa ambayo wanawake na watoto wamekua wakidhalilishwa kama vile kwenye usafiri wa Umma, Bandarini, Masokoni na hata katika mitandao ya kijamii, na hata kwenye viwanja vya Skukuu za Iddi.

 Alisema licha ya udhalilishaji unaofanywa katika sehemu hizo, lakini bado wandishi wa habari hawaripoti, hivyo ipo haja kwa sasa kutupa jicho lao na kuibua kesi hizo, ili kuona usalama unatawala ndani ya maeneo hayo ambayo sio rasmi.

 ‘’Wandishi wa habari msiishie tu kuandika udhalilishaji unaofanywa  Madrsa, Mitaani,amma Maskulini, bali jikiteni  masokono, bandarini, kwenye daladala na hata katika mitandao ya kijamii ili nako huko kubaki salama,’’alisema. 

 Kwa upande wake Mkufunzi wa mafunzo hayo toa  Haji Nassor Moh’d alisema miongoni mwa vitendo hivyo vya udhalilishaji ambavyo vimekua vikifanyika ni pamoja na usafirishaji haramu wa binaadamu.

 Aidha alisema bado takwimu zinaonesha kuongezeka kwa  matukio ya udhalilishaji kwa wanawake na watoto visiwani Zanziba.

 Alisema Takwimu kutoka Ofisi ya Mtakuimu mkuu wa serikali ya Zanziba Machi 2026 kuliripotiwa matukio 103 ya ukatili na udhalilishaji, ambapo watoto ilikua ni 84 sawa na asilimia 81.6 wanawake wakiwa ni 17 sawa na asilimia 16.5.

 Baadhi ya washiriki wa mafunzo hayo walisema mafunzo  yatawasaidia katika majukumu yao kwani watatumia kalamu zao kuelimisha jamii juu ya vitendo vya udhalilishaji vinavyoendelea kutokea kwenye maeneo hayo ambayo sio rasmi.

 Mafunzo hayo kwa waandishi wa habari ni sehemu ya utekelezaji wa mradi wa "Tunaweza Pamoja" unaotekelezwa ma UN Women kwa kushirikiana na TAMWA Zanzibar kwa ufadhili wa Serikali ya Norway chini ya mpango wa Umoja wa Mataifa unaolenga kujenga jamii salama dhidi ya vitendo vya udhalilishaji kwa wanawake na wasichana.

 Mradi huo wa Tunaweza pamoja unatekelezwa katika Mikoa ya Kaskazini mwa Pemba na Unguja, ambao unalengo la kuondosha vitendo vya udhalilishaji kwa wanawake na wasichana.

 MWISHO.

 


Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more