TUNAANDAA SHERIA YA BIASHA KUPUNGUZA MIGOGORO YA ARDHI ''MDAMINI ANAESEMA



NA FATMA HAMAD, PEMBA

 Wizara ya Ardhi na Maendeleo ya Makaazi Zanziba imesema, imo kwenye mchakato wa  kuandaa Sheria ya Biashara ya Majengo na Ardhi kwa lengo la kuimarisha sekta ya uwekezaji wa majengo pamoja na usimamizi bora wa ardhi visiwani Zanzibar.

 Hayo yameelezwa na Afisa Mdhamini wizara ya Ardhi na Maendeleo ya Makaazi Bakar Ali Bakar katika kikao cha uwasilishaji wa ripoti ya uandaaji wa sheria ya sekta  miliki Zanzibar kilichofanyika ukumbi wa Wizara ya Fedha Gombani kisiwani Pemba.

 Afisa huyo alisema kwamba Hatua hiyo inalenga kuweka mfumo rasmi wa kusimamia biashara ya nyumba, viwanja, upangishaji wa nyumba pamoja na mauzo ya mali zisizohamishika, ili kuhakikisha shughuli hizo zinafanyika kwa uwazi na kwa kufuata sheria.

 ‘’Tunandaa sharia ya biashara ya Majengo na Ardhi ili kuepo na usimamizi mzuri wakati watu wanapouziana Ardhi ama kukodishana Majengo, ambapo kutaimarisha sekta ya uwekezaji Nchini,’’alisema.

 Kwa upande wake Muezeshaji wa kikao hicho Ali Ali Hassan alisema sheria hiyo itasaidia kupunguza migogoro ya ardhi pamoja na kuongeza uwazi katika shughuli za ununuzi, uuzaji na ukodishaji wa majengo na viwanja.

 ‘’Naamini kuwepo kwa Sheria hiyo itapunguza madalali matapeli ambao wanachangia kwa kiasi kikubwa kuzuka kwa migogoro ya ardhi katika jamii zetu,’’alisema.

 Alisema kumekuepo na madalali wengi wanaofanya shughuli za udalali bila ya kua na elimu ya kazi hiyo na bila ya utambulisho wowote, hivyo serikali imeamua kuweka sheria hiyo ambayo itakua ni chachu ya kupunguza mifarakano isiyoyalazima.

 Nao washiriki wa kikao hicho walisema kuwa kuwepo kwa sheria hiyo kutasaidia kulinda haki za wanunuzi, wauzaji pamoja na mawakala wa majengo, sambamba na kuimarisha mazingira salama ya uwekezaji Zanzibar.

 Uandaaji wa Sheria ya Biashara ya Majengo na Ardhi Zanzibar unatarajiwa kuwa hatua muhimu katika kuimarisha sekta ya uwekezaji, kuongeza mapato ya serikali, pamoja na kuleta maendeleo endelevu katika matumizi bora ya ardhi na majengo.

 MWISHO





 

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more