Wanawake wanaolima kilimo msitu Mchanga mdogo walia kukosa ardhi

 


                 NA FATMA HAMAD, PEMBA

WANAWAKE ambao ni wakulima wa kilimo msitu, shehia ya Mchanga mdogo wilaya ya Wete Pemba, wamesema wanakabiliwa na changamoto ya umiliki wa ardhi, jambo linalowalazimu kuzitumia za wenzao wao.

Walisema hawana mashamba yao,  na badalayake hulima katika ardhi za waume zao, jambo linalowapa hofu juu  ya kuendeleza kilimo chao hicho ama kinyume chake.

Wakizungumza na mwandishi wa habazri hizi kwa nyakati tofauti juu ya maendeleo ya kilimo chao, walisema hilo haliwapi uhakika wa kilimo hicho, kutokana na hofu ya kibinaadamu.

 Walisema licha ya matamko mbalimbali za kisheria na  kidini, kuelezea haki zao juu ya umiliki wa ardhi, lakini bado jamii hawajalipa kipaumbele na kuendelea kutumia ardhi za watu wingine.

Mmoja kati ya wakulima hao,  Fatma Hamad Bakar, alisema kwa mwaka wa pili sasa, anaendeshe kilimo hicho, katika shamba la aliyekuwa muume wake, ambae hadi sasa hawajarithi.

Nae Zaituni Khamis, alisema kwa hakika ndoto za maisha yao kwenye kilimo msitu, huwa hazifikiwi kutokana na kutokuwa na ardhi ya uhakika.

Alifafanua kuwa, umaskini wa kipato ni moja ya jambo linalochochea kukosa aradhi, na kuwaacha kwenye njia ya panda ya ndoto zao za kufanikiwa kimaisha.

‘’Lakini jingine ambalo linatukosesha ardhi, ni baadhi ya wanaume kuendelea kuzikalia mali za urithi, na kuwa wazito kutekeleza sheria hiyo,’’alifafanua.

kwa upande wake Asha Khamis mkaazi wa Gombeume Mchanga mdogo, alisema yeye alifanikiwa kununua ardhi miaka mitatu iliyopita, baada ya kujichanga kidogo kidogo.

Alisema, ijapokuwa lipo shamba la familia na anaweza kuendesha kilimo msitu, lakini aliona njia ya kufikia ndoto zake ni kujipanga na kununua ardhi yake.

‘’Kwa sasa naendesha kilimo cha msitu chenye miti mchanganyiko kama mparachichi, michungwa, migomba pamoja na minanasi, nikiwa kwenye shamba langu bila ya hofu,’’alisema.

Mpema mtetezi wa masuala ya wanawake kutoka Jumuia ya Uhifadhi wa misitu kisiwani Pemba ‘CFP’ Sada Juma Segenya , alisema  bado umiliki wa ardhi kwa wanawake ni tatizo ndani ya jamii.

Alieleza moja ya changamoto inayowakabili katika mradi wao wa uhifadhi mazingira, ni baadhi ya wanawake kutomiliki ardhi, kwa ajili ya kuendeshea shughuli hizo za uhifadhi na kuongeza kipato.

‘’Mradi wetu wa uhifadhi wa mazingira, ambao tunautekeleza katika shehia za Chwale, Mchanga mdogo, Kambini na Mjini kiuyu, changamoto kubwa ni baadhi ya wanawake kukosa ardhi, na badalayake hutumia za waume zao,’’alisema.

Mkuu wa kitengo cha  mawasiliano kutoka Chama cha Wandishi wa Habari Wanawake Tanzania -TAMWA Zanzibar, Sofia Ngalapi, alisema kufuatia changamoto ya mabadiliko ya tabianchi, wameamua kuleta mradi wa kuwawezesha wanawake, kutunza mazingira na kuingiza kipato.

Alieleza kua mradi huo ni ushirikiano wao na Jumuia ya Uhifadhi wa Misitu Pemba ‘CFP’ na Jumuia ya uhifadhi wa Misitu ‘CFI’ kutoka Canada, ukiwa na lengo la kuwainua kiuchumi na kuepukana na athari za mabadiliko ya tabianchi. 

‘’Bado wanawake wanaachwa nyuma juu ya kukabiliana na mabadiliko ya tabianchi, kwani hawana maeneo ya kuhifadhia, na kuepukana na athari hizo,’’alifafanua.

 Naibu Mrajisi kutoka Kamisheni ya ardhi Pemba Asha  Suleiman Said alisema kwa mujibu wa Sheria ya Ardhi namba 12 ya mwaka 1992, inaeleza kuwa ardhi ya Zanzibar ni mali ya umma, hivyo kila mwananchi anahaki ya kutumia ardhi.

Alisema katika Kifungu cha 7 cha sheria hiyo, kinaeleza wazi, kwamba haki ya kutumia ardhi ya Zanziba ni kwa wazanzibari wote.

Akitaja moja ya njia ambayo mtu anaweza kupata ardhi ni kurithi, kununua, kupewa kama zawadi na kuiomba serikalini.

Amirati kutoka Jumuia ya wanawae wa kiislamu Pemba (JUMA WA KIPE), Asya Amour Abrahman alisema, uislamu umemnyanyua mwanamke, na anayo haki ya kumiliki ardhi.

‘’Mwanamke ana haki ya kumiliki ardhi na akaweza kuitumia kwa shughuli za kilimo, maana sio kosa kuwa na uwezo na kipato,’’alifafanua.

Kiongozi wa Kanisa Katoliki lililopo Mkungu Malofa Chake chake, Robert Miguwa Ndalami, alisema mwanamke anahaki ya kumiliki ardhi, kama mwanamme.






 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more