Wananchi wa Njuguni wampa tano sheha wao

 


NA FATMA HAMAD, PEMBA

WANANCHI wa shehia ya Wingwi Njuguni Wilaya ya Micheweni Mkoa wa Kaskazini Pemba wamesema, kuwepo kwa sheha mwanamke katika shehia yao kumewasaidia kupata mambo mbali mbali ya kimaendeleo, ikiwemo huduma za maji safi na salama.

 Wakizungumza na mwandishi wa habari hizi kijijini kwao Njuguni wamesema, kupata sheha mwanamke katika shehia yao wameimarika kiuchumi na kimaendeleo, kwani wamepata huduma ambazo ilikua ni kilio cha muda mrefu.

Wamesema wakati wa uongozi wa sheha aliepita, vijiji vingi vilikua havina huduma ya maji safi kama vile Pwana, Mtemani, lakini ndani ya mwaka mmoja baada ya kukaa sheha mwanamke, vijiji vingi ambavyo vilikua havina maji vimefikishwa huduma hiyo.

‘’Kwa kweli sheha wetu huyu tunajivunia sana, maana amekuwa mtetezi wa hali ya juu ya mambo mbali mbali ambayo yamekuwa yakitukwaza,’’wameeleza.

Aidha, wamesema kwamba pia katika shehia yao kumeanzishwa timu malumu ya mpira wa miguu, ikiwa na lengo la kuinua vipaji vya vijana katikamichezo, ili kujiepusha na vitendo viovu, ikiwemo udhalilishaji, wizi na uvutaji wa sigara na dawa za kulevya.

Kwa upande wake mwananchi Abdulkadir Amour Rubea (Kidundo) amesema, ipo haja kwa jamii kubadilika na kuondokana na dhana potofu juu ya uongozi kwa mwanamke, kwani siku zote yeye ndie anaejua shida za wanawake wenzake na hata kwa jamii kiujumla.

‘’Mwanamke ni mama na siku zote mama anakua na huruma zaidi kwa watoto wake, hivyo tuwapeni nafasi ili waweze kutuletea mabadiliko vijijini kwetu,’’ameeleza.

Nae sheha huyo, Hadia Omar Dadi amesema, amekua akichukua jitahada mbali mbali ili kuona wananchi wake wanapata mabadiliko baada ya kuondokana na changamoto zinazowakabili.

Sambamba na hilo amewataka wananchi wa kuendelea kumpa mashirikiano, ili aendelea kuwatumikia zaidi kwa maslahi yao na Taifa kwa ujumla.


Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more