Gharama za Chaguzi bado kikwazo kwa wanawake wanaotaka kugombea

 


NA FATMA HAMAD,PEMBA

Wanawake Kisiwani Pemba ambao wanania ya kugombea wameitaka Tume ya Uchaguzi ya Zanzibar pamoja naya Mungano kuhakikisha wanapunguza vikwazo ikiwemo gharama  za uchaguzi, ili kuona nawao wanaingia kwa wingi majimboni na kugombea nafasi mbalimbali za uongozi.

Wakizungumza kwa nyakati tofauti baaadhi ya wanawake ambao waligombea Uchaguzi uliopita wa 2020,walisema ili kuona wanawake wanajitokeza kwa wingi kuchukua fomu za uongozi ni vyema kupunguza vikwazo ambavyo vinawafanya washindwe kugombea.

Tumu Mwalimu mkaazi wa Wingwi ambae aligombea Ubunge jimbo la Wingwi  kupitia Chama cha Mapinduzi CCM alisema bado suala la uchukuaji wa fomu za kugombea ni gharama kubwa, hali inayopelekea wanawake wasio na uwezo kushindwa kujitokeza majimboni, jambo linalopelekea wenye pesa zao kuyahodhi majimbo.

Amesema Kwa mujibu wa utaratibu ulivyo, anaetaka kugombea uwakilishi anatakiwa alipie chamani shilingi laki 100,000 kwa kuchukua fomu.

Pia ameeleza kua anatakiwa kulipa Tume ya uchaguzi shilingi laki 200,000, wakati huo huo ukitakiwa kuchukua fomu ya pingamizi ambayo ni shilingi 300,000.

Amesema Licha ya gharama hizo za kununua fomu ya uwakilishi ili uweze kugombea na kutambulika kuna mambo ya lazima mgombea anatakiwa ayafanye ambayo yanawakwaza.

Amesema kua miongoni mwa mambo hayo ni kuprinti picha kwa ajili ya kupachika kwenye kuta katika jimbo lako, kuwalipa viongozi siku ambayo wanakwenda kupiga kampeni ya nyumba kwa nyumba.

Ziada Khalfan Saleh  miaka (48) mkaazi wa Machomane Wilaya ya Chake Chake yeye ameshagombea ubunge Jimbo la Ziwani zaidi ya mara tatu kupitia Chama Cha Tanzania Labour Party (TLP)  amesema amekua akishindwa kufanya mikutano kutokana na ukosefu wa fedha.

‘’Ninachokifanya mimi ni kupiga hodi nyumba baada ya nyumba na kuomba kura, kweli kwa hali hii nitalipataje Jimbo wakati nyumba siwezi kuzimaliza na sina uwezo wa kufanya mikutano ya kampeni,’’ ameeleza.

Amesema, ni wakati sasa Serikali kutoa ruzuku kwa vyama vyote na sio tu kwa vyama vikubwa, ili ziwawezeshe wanawake kwenye kampeni ambapo itakuwa ni sababu ya wao kufanikiwa kuwa viongozi.

Juma Kombo Hamad mwanachama wa Chama cha Alliance for Change and Transpareny (ACT WAZALENDO) mkaazi wa Wingwi Micheweni, amesema suala la uchaguzi linahitaji gharama, kwani wanawake wengi wanaogombea hawana ajira rasmi.

‘’Kama Serikali hawajalikalia kitako, hio 50 kwa 50 ya usawa wa kijinsia kwenye ngazi ya mamuzi haitofikiwa,’’anasema.

Mapema Abass Mohamed Khatib Mratibu wa Chama cha Demokrasia Makini (DP) kisiwani Pemba ameeleza kuwa, mara nyingi chama chao kimekua kikiwasaidia wagombea wanawake gharama za uchukuaji wa fomu tu na sio kwenye kampeni.

‘’Hatuna ruzuku yoyote tunayoipata kutoka Serikalini, hivyo hatuna msaada wowote wa kuwasaidia ili waweze kujigharamia kwenye kampeni wakati wa uchaguzi,” amekiri Abass.

Mohamed Haji Kombo ambae ni Katibu wa Chama cha Wananchi (CUF) Wilaya ya Chake Chake amesema, umasikini ni kilio kikubwa kinachowakosesha nafasi wanawake waliopo kwenye siasa kupata nafasi za uongozi.

 ‘’Tume ya Uchaguzi Zanzibar ni chombo kinachoendeshwa na Serikali, kwanini kishindwe kuwasaidia wanawake na kuonekana wameingia kwa wingi kwenye nafasi za Uongozi,’’ ameuliza.

Kwa upande wake Afisa Mkuu wa Mahusiano kutoka chama cha Wandishi wa Habari Wanawake Tanzania (TAMWA) kwa upande wa Zanzibar Sophia Ngalapi amesemakuwa , wamekua wakitoa elimu kwa wanawake ili waweze kuingia majimboni kugombea.

‘’Ndoto zetu ni kuona wanawake wanaingia kwa wingi kwenye vyombo vya maamuzi, lakini gharama za uchaguzi bado zimekua zikiwakosesha kufikia malengo yao,’’amesema. 

Nae Abdul-Razak Said Ali ambae ni Afisa Sheria kutoka Ofisi ya Msajili wa Vyama vya Siasa Zanzibar amekiri kuwepo kwa gharama katika chaguzi na kusema, kwasasa baadhi ya kanuni zinazoonekana kuwa zina ukakasi  tayari zipo katika mchakato wa kufanyiwa marekebisho.

‘’Sasa hivi kanuni zipo katika hatua za mwisho za kufanyiwa marekebisho, hivyo tusubirie mabadiliko vipi Sheria itatoa kipaombele katika suala la gharama kwa wanawake,’’amefahamisha.


Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more