RUSHWA BADO NI JINAMIZI LINALOWAKUMBA WANAWAKE

 


 NA FATMA HAMAD, PEMBA

KUWEPO KWA rushwa ya pesa imetajwa kwamba ni moja ya sababu inayowakosesha wanawake wanaogombea nafasi za uongozi kushindwa kuyakamata majimbo.

Hayo yamesema na baadhi ya viongozi wa vyama  vya siasa na wanaharakati wa wanawake na watoto wakati wakiwa katika kikao cha tathmini juu ya Mradi wa SWIL, kilichofanyika Ofisi Tamwa  Chakechake Pemba.

Walisema licha ya mikakati mbalimbali inayochukuliwa na serikali na wadau wengine kuona wanawake wanashika nafasi za uongozi, bado  kunachangamoto ya rushwa ambayo inapelekea wanawake kushindwa na kupelekea wenye pesa zao kuyahodhi majimbo.

Walisema katika uchaguzi uliopita wa 2025 wanawake walionekana kujitokeza kwa wingi kugombea,lakini kwenye majimbo walirudi ni kidogo.

‘’Jamani tuseme ukweli uchaguzi sasahivi umekua kama ni biashara, kama huna pesa basi huwezi kufanikiwa , wanarudi majimboni walewale viongozi wa zamani ama wenye pesa zao,’’wanasema.

Mapema Salma Omar  kutoka chama cha Wanasheria wanawake Zanziba (Zafela) anasema ili kupunguza malalamiko hayo ipo haja kuwekwa sheria  itakayomlinda mtoa taarifa, sambamba na kuwekwa kwa dawati maalumu la upokeaji wa taarifa za vitendo vya rushwa wakati inapofika  kipindi cha chaguzi.

‘’Ifike wakati na sisi Zanzibar tuwe na sheria itakayo mlinda mtoa taarifa ya vitendo vya rushwa, kwani itasaidia kupunguza rushwa na wanawake wanyonge wapate nafasi,’alisema.

Kwa upande wake Afisa kutoka Ofisi ya Mtakwimu mkuu wa serikali Hadid Rashid Hadid alisema kwa mujibu wa tafiti mbalimbali ambazo wamekua wakizifanya zimeonesha kwamba familia ambazo zinaongozwa na wanawake, ama wanawake wanashirikishwa juu ya mambo yao, zinakua ziko juu kimaendeleo.

‘’Niseme wanawake wakiondoshewa vikwazo na wakapata nafasi wanafanya viruzi, mfano tafiti tunazo zifanya tunagundua kwamba familia ambazo wanawake wanakua na maamuzi zinamaendeleo,’’alifahamisha.

Sabah Ali Mzee Mkurugenzi mtendaji wa Jumuia ya wanawake wenye ulemavu upande wa Unguja (JUWAUZ) alisema lengo la mradi wa Swil ni kuja kuwakomboa wanawake wote waondokane na vizigiti mbalimbali ambavyo vitawazuia kuingia katika maamuzi.

‘’Tunawasaidia vikundi vya wanawake hasa wenye ulemavu kuona wanafanya shughuli zinazowaingizia kipato kitakachowasaidia kuingia kwenye kinya’nganyiro cha uchaguzi,’’alisema.

Mkurugenzi wa Chama cha Wandishi wa Habari wanawake TAMWA Zanzibar Nairat Ali alisema katika Uchaguzi uliopita ilionekana idadi ya wanawake na hasa wenye ulemavu walijitokeza kwa wingi ukilinganisha na miaka ya nyuma.

‘’Tumeona Uchaguzi uliopita wanawake walijitokeza wengi, na ni mara ya kwanza kujitokeza mgombea Uraisi mwanamke, hivyo japo kuna changamo, bado tuendeleeni kutetea, ili kuona lile tunalolitaka la hamsini kwa hamsini katika uongozi limefikiwa,’’alishauri.

Nae Afisa Programu kutoka Tamwa Zanzibar Sabrina Yussuf Mwintanga alisema lengo la mradi wa SWIL ni kuwawezesha wanawake hata walioko vijijini kuhakikisha wanashirika katika harakati za uchaguzi, na kuingia kwenye maamuzi.

Alisema SWIL imeanza kuzaa kuleta mabadiliko kwani, katika serikali ya awamu ya nane, imeonekana idadi ya madiwani wanawake imeongezeka kwani ni 27 ukilinganisha na kipindi kilichopita, ilikua ni 25 kwa Zanzibar.

MWISHO.

 

 

 


Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

HOFU YA UDHALILISHAJI MTANDAONI INAVYOWANYAMAZISHA WANAWAKE

Image
NA FATMA HAMAD, PEMBA   Katika ulimwengu wa kidijitali, mitandao ya kijamii imekuwa sauti ya wengi, ni mahali ambapo watu hujadili siasa, biashara, elimu na masuala ya kijamii.   Ingawa kwa wanawake wengi, majukwaa haya yamekuwa pia uwanja wa matusi, vitisho na udhalilishaji unaowafanya waogope kujieleza hadharani. Mara nyingi mwanamke anapotoa maoni kuhusu suala la kijamii au kisiasa, hukumbana na mashambulizi yanayolenga jinsia yake badala ya hoja aliyoitoa. Matokeo yake, baadhi yao huamua kunyamaza, kufunga akaunti au kujiondoa kabisa kwenye mijadala ya umma.   Kwa sasa Tatizo hilo linaonekana kuwa changamoto kubwa ya haki za kidijitali na usawa wa kijinsia duniani.   Utafiti wa kimataifa uliofanywa na UNESCO kwa kushirikiana na International Center for Journalists (ICFJ) mwaka 2021, uliowahusisha wanawake wanahabari 901 kutoka nchi 125, ulibaini kuwa asilimia 73 walikuwa wamewahi kukumbana na vurugu au udhalilishaji mtandaoni kutokana na kazi zao.   Utafiti ...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more