ZAMECO YAITAKA SERIKALI KUHARAKISHA MSWADA WA SHERIA YA HUDUMA ZA HABARI ZANZIBAR


 NA FATMA HAMAD, PEMBA

Kamati ya Wataalamu wa Masuala ya Habari Zanzibar (ZAMECO) imeiomba Serikali ya Mapinduzi ya Zanzibar kuharakisha mchakato wa kuuwasilisha Barazani Mswada wa Sheria ya Huduma za Habari Zanzibar ili uweze kujadiliwa na hatimaye kuwa sheria, baada ya kusubiriwa kwa zaidi ya miaka kumi.

Kwa mujibu wa ZAMECO, sekta ya habari Zanzibar bado inasimamiwa na sheria mbalimbali zilizotungwa katika nyakati tofauti, hali inayosababisha kuwepo kwa mfumo wa kisheria usioendana kikamilifu na mahitaji ya sasa ya sekta hiyo pamoja na maendeleo ya teknolojia ya habari na mawasiliano.

Kamati hiyo imeeleza kuwa baadhi ya sheria zilizopo zimezipa mamlaka makubwa taasisi za Serikali katika kusajili na hata kufungia vyombo vya habari, jambo ambalo linaonekana kutokidhi kikamilifu misingi ya demokrasia, uwazi na utawala bora wa sheria.

Ahadi za Muda Mrefu

ZAMECO imekumbusha kuwa taarifa za kukamilika kwa Mswada huo zimekuwa zikitolewa na viongozi mbalimbali wa Serikali kwa nyakati tofauti. Mwaka 2015, aliyekuwa Waziri wa Habari, Balozi Mahmoud Thabit Kombo, alieleza kuwa mchakato wa sheria hiyo ulikuwa unaendelea.

Mwaka 2023, wakati wa maadhimisho ya Siku ya Uhuru wa Habari Duniani, aliyekuwa Waziri wa Habari Bi. Tabia Maulid Mwita alisema kuwa Mswada huo ulikuwa umekamilika kwa asilimia 80.

Hivi karibuni, Waziri wa Habari, Sanaa, Utamaduni na Michezo, Dkt. Riziki Pembe, alieleza katika kikao chake cha kwanza na wadau wa habari Januari 2026 kuwa anatarajia kuuwasilisha Mswada huo katika Baraza la Wawakilishi ifikapo Septemba mwaka huu.

Wawakilishi Wahoji Ucheleweshaji

Katika mjadala wa Bajeti ya Wizara ya Habari kwa mwaka wa fedha 2026/2027, Wawakilishi kadhaa walitaka Serikali kutoa maelezo ya wazi kuhusu hatma ya sheria hiyo.

Mwakilishi wa Jimbo la Paje, Mhe. Jaku Hashim Ayoub, alieleza kutoridhishwa kwake na ucheleweshaji wa muda mrefu wa Mswada huo huku akisema kuwa wadau wa habari wameendelea kupewa ahadi kwa miaka mingi bila kuona matokeo.

Kwa upande wake, Mwakilishi wa Jimbo la Pandani, Profesa Omar Fakih, alisisitiza umuhimu wa Serikali kueleza tarehe mahsusi ya kuwasilishwa kwa sheria hiyo ili wananchi na wadau wa habari waweze kupata uhakika badala ya kuendelea kusubiri ahadi zinazojirudia.

Sheria Itaimarisha Uhuru wa Habari

ZAMECO inaamini kuwa kupitishwa kwa Sheria ya Huduma za Habari kutasaidia kulinda haki za msingi za wananchi za kupata na kutoa taarifa pamoja na kuimarisha uhuru wa kujieleza.

Kamati hiyo imebainisha kuwa sheria hiyo itachangia kuimarisha uwajibikaji, uwazi, utawala bora, mapambano dhidi ya rushwa pamoja na maendeleo ya kijamii, kisiasa na kiuchumi nchini.

Aidha, wajumbe wa Baraza la Wawakilishi akiwemo Mhe. Seif Hamad wa Jimbo la Ole na Mhe. Said Ali Mbarouk wa Jimbo la Gando walisisitiza kuwa sheria zilizopo zimepitwa na wakati na zinahitaji kufanyiwa maboresho ya haraka ili kuendana na mazingira ya sasa ya sekta ya habari.

Changamoto za Waandishi wa Habari

Mbali na suala la sheria, ZAMECO imeeleza kuwepo kwa changamoto mbalimbali zinazowakabili waandishi wa habari wakati wa utekelezaji wa majukumu yao, ikiwemo mazingira yasiyoridhisha ya kufanyia kazi hususan kwa waandishi wanaoripoti shughuli za Baraza la Wawakilishi.

Kamati hiyo imeeleza kuwa kuboresha mazingira ya kazi kwa waandishi wa habari ni hatua muhimu katika kuongeza ubora wa taarifa zinazowafikia wananchi na kuimarisha utendaji wa vyombo vya habari.

Wito kwa Serikali na Waandishi wa Habari

ZAMECO imeendelea kuiomba Serikali kutekeleza ahadi yake ya kuuwasilisha Mswada wa Sheria ya Huduma za Habari Zanzibar ifikapo Septemba 2026 ili kuweka mfumo wa kisheria unaoendana na mabadiliko ya kidijitali na unaolinda uhuru wa habari.

Wakati huo huo, Kamati imewahimiza waandishi wa habari kuendelea kuzingatia maadili ya taaluma yao kwa kuzingatia uadilifu, usahihi, uwajibikaji na maslahi ya umma katika kazi zao za kila siku.

ZAMECO ni muungano wa mashirika na wadau wa sekta ya habari na haki za binadamu Zanzibar, ukiwemo Klabu ya Waandishi wa Habari Zanzibar (ZPC), Chama cha Waandishi wa Habari Wanawake Tanzania Zanzibar (TAMWA-ZNZ), Waandishi wa Habari za Maendeleo Zanzibar (WAHAMAZA), Baraza la Habari Tanzania Zanzibar (MCT-ZNZ) na Mtandao wa Watetezi wa Haki za Binadamu Tanzania Zanzibar (THRDC-ZNZ).

MWISHO


Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more