TAMWA YAWAFUMBUA MACHO WANAWAKE, WANAWAKE VIJANA NA WANAWAKE WENYE ULEMAVU

 

NA FATMA HAMAD, PEMBA

CHAMA CHA Wandishi wa Habari Wanawake Tanzania, Zanzibar (TAMWA ZANZIBAR ), kimezindua mradi wa Wanawake Viongozi kwa ajili Usawa, Uwajibikaji na  Demokrasia( W-LEAD) unaolenga kuimarisha nafasi za uongozi na ushiriki wa wanawake, hususan wanawake vijana na wanawake wenye ulemavu, katika mifumo ya kidemokrasia na kushika nafasi mbalimbali za maamuzi.

Akizungumza katika uzinduzi huo kwa wanawake vijana na wanawake wenye ulemavu  katika ukumbi wa Ofisi za Tamwa Mkanjuni Chakechake Pemba,  Afisa Tathmini na ufatiliaji Mohammed Khatib Mohammed alisema mradi huo utaimarisha uongozi wa wanawake , wanawake wenye ulemavu na wanawake  vijana Zanzibar.

Alisema kwa  mujibu wa Sensa ya watu na makazi ya mwaka 2022 wanawake wako  asilimia 51 ambao ni wengi ulkilinganisha na wanaume,  lakini katika nafasi za uongozi wanawake  ni asilimia 38 tu  idadi ambayo bado haijaridhisha ipasavyo.

Alisema kwa sasa Zanzibar idadi ya wanawake viongozi ni ndogo kwani ni  asilimia 38 tu ukilinganisha na wanaume.

‘’ Sensa ya watu na makazi ya mwaka 2022 inaonesha wanawake wako wengi ni asilimia 51, hivyo Tamwa tumekuja , na mradi huo kuona wanawake, wanawake vijana na wanawake wenye ulemavu wanahamasika kushiriki na kushika nafasi mbalimbali za uongozi,’’alisema.

Alisema kwamba miaka ya zamani Zanzibar ilikua imetawaliwa na mfume dume, hivyo kufuatia mradi huo utahakikisha  inaondoa mawazo  mgando kwa wanawake na wanajamii  juu ya mfumo huo.

Aliendelea kusema kuwa  Tanzania na Zanzibar zimeridhia kuendeleza usawa wa kijinsia na uwezeshaji wa wanawake, hivyo  mradi utasaidia kufikiwa kwa lengo la asilimia ya 50 kwa 50 katika maamuzi.

‘Baada ya mafunzo hayo wanawake vijana 60 wataunganishwa na taasisi mbalimbali za umma, sekta binafsi na asasi za kiraia kwa ajili ya kujifunza kwa vitendo masuala ya uongozi, wajiamini na kujiandaa kuchukua nafasi za uongozi, ili kufikiwa kwa lengo hilo la 50 kwa 50 katika uongozi,’alisema.

Kwa upande wa Mkuu wa Kitengo cha Mawasiliano kutoka TAMWA Zanzibar  Sofia Ngalapi alisema  lengo hasa  ni kuwawezesha wanawake,  wanawake vijana na wanawake wenye ulemavu, kwa kuwajengea uwezo ili waweze  wajiamini  na  kushiriki kikamilifu katika mifumo ya kidemokrasia na nafasi za maamuzi  huku wakiongeza   ajira kwa vijana.

Alisema Zaidi ya wananchi 100,000 wanatarajiwa kunufaika na mradi huo, huku watetezi wa haki za wanawake 60 wakijengewa uwezo wa kufuatilia,kuripoti na kushughulikia vitendo vya ukatili kwa wanawake.

Nae Afisa kutoka kituo cha Utafiti na Uchambuzi wa sera za kijamii Zanzibar Mohamed Salum Ali amewataka wanawake kuhakikisha wanajitokeza kugombania nafasi mbalimbali za uongozi, ili kuleta mabadiliko katika jamii zao.

Mradi huo wa kuimarisha uongozi wa wanawake Vijana Zanzibar ( W-LEAD ) unatekelezwa na TAMWA Zanzibar kwa ushirikiano na Jumuia ya wasiona (ZANAB), chuo kikuu cha  Taifa cha  Zanzibar (suza) na Zanzibar Univesity (ZU)  chini ya ufadhili wa   Umoja wa Ulaya kupitia mpango wa Ushiriki wa wanawake na Vijana katika Demokrasia na kuanza  utatekelezwa wake  kuanzia mwaka huu  2026 hadi 2027.

Kauli mbiu ya mradi huo  ni  Kujenga Zanzibar ambayo wanawake na wanaume wanashiriki kwa usawa katika kuunda na kuendeleza jamii zenye demokrasia na ujumuishi kwa wote.

MWISHO.


Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more