SERIKALI YAAHIDI KUWEKA MAZINGIRA RAFIKI KWA MTOTO



 NA FATMA HAMAD, PEMBA

 Naibu waziri wa wizara ya Maendeleo ya Jamii Jinsia Wazee na Watoto Zawad Amour Nassor,  amesema Serikali ya Mapinduzi ya Zanzibar  kupitia Wizara hiyo  imeendelea kuchukua hatua mbalimbali za kuimarisha ustawi na ulinzi wa watoto.

 

Naibu waziri huyo ameyasema hayo wakati  akifungua Kongamano la Maadhimisho ya siku ya Mtoto wa Afirika lililofanyika Viwanja vya kufurahishia watoto Tibirinzi Chkachake mkoa wa Kusini Pemba.

 Alisema Hatua hizo ni pamoja na kuimarisha mifumo ya ulinzi wa mtoto katika ngazi zote, kuendeleza kampeni za kupinga ukatili dhidi ya watoto, kuimarisha huduma za afya na lishe, kuhamasisha malezi chanya pamoja na kuendeleza ushiriki wa watoto katika masuala yanayowahusu.

 ‘’Maisha bila udhalilishaji yanamaanisha mtoto kulindwa dhidi ya ukatili wa kimwili, kihisia, kingono, kutelekezwa, unyanyasaji mtandaoni, ajira za watoto na mila au desturi zinazoweza kuathiri ustawi wake,’’alisema.

 Alisema Pamoja na mafanikio yaliyopo, bado kuna  changamoto  mbalimbali  ambazo zimekua zikiwakumba Watoto kama vile matukio ya ukatili na udhalilishaji na baadhi ya watoto kukosa malezi stahiki.

Alisema kila Mtoto anastahiki kupata haki muhimu kama vile kulindwa, kuishi, kushiriki katika shughuli na kuwendelezwa, hivyo ni jukumu la kila mtu kuona haachwi mtoto nyuma hasa katika fursa za maendeleo.

Aidha aliisisitiza serikali kuhakikisha sera,Sheria,  Bajeti zinazingatia na kulinda  masuala ya mtoto na kudhibiti haki zao.

Mapema Afisa Mdhamini wa wizara hiyo Hafidhi Ali Mohamed alisema siku hii ya Mtoto wa Afrika inatoa fursa ya kujadili ni namna gani watoto wataishi bila ya udhalilishaji, na kupata haki zao za msingi.

‘’Ndugu mgeni rasmi sikuhii inatufanya tujadili ni kwa kiasi gani tunaweza kuwalinda watoto dhidi ya ukatili, na kuishi kwa Amani,’’alisema.

Mkurugenzi wa wizara ya Maendeleo ya Jamii Jinsia Wazee na Watoto Siti Abass Ali alisema Serikali ya Mapinduzi itahakikisha inashirikiana na watoto, na kwa mwaka huu wa 2026/2027 imetenga bajeti maalumu kwa ajili ya masuala ya watoto.

Akitoa salamu kwa niaba ya Watoto wa Zanzibar Mwenyekiti wa Baraza la Watoto Taifa Khamis Abdalah Mbarouk, aliipongeza serikali pamoja na wadau wengine kuweka siku hii maalumu ya kuwaunganisha watoto wote, na kupewa somo ni namna gani kufahamu udhalilishaji na kujua wajibu wao pamoja na haki zao stahiki.

Kila mwaka tarehe 16 Juni, nchi za Afrika huwa zinaadhimisha Siku ya Mtoto wa Afrika, ambapo Siku hii ilianzishwa na Baraza la Wakuu wa Nchi na Serikali wa Umoja wa Afrika mwaka 1991.

 Ikiwa  lengo lake hasa ni  kuwakumbuka watoto waliopoteza maisha yao katika maandamano ya Soweto nchini Afrika Kusini tarehe 16 Juni 1976, ambapo Watoto hao walikuwa wakipinga mfumo wa ubaguzi wa rangi uliowanyima haki yao ya kupata elimu bora na yenye usawa.


 Kauli mbiyu ya mwaka huu ni mtoto mwenye afya bora na anayeishi katika mazingira salama yasiyo na aina yoyote ya udhalilishaji ana nafasi kubwa ya kukua, kujifunza, kufanikiwa na kuchangia maendeleo ya taifa pamoja na familia kwa ujumla. 

 MWISHO.



 

Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more