BANDA LA DHARURA LA KULALA WANAFUNZI LAUNGUA MOTO


NA FATMA HAMAD, PEMBA

 Banda la dharura la wanafunzi 80 wa Kiume katika  Skuli ya Sekondari ya Chwaka tumbe Wilaya ya Micheweni Mkoa wa Kaskazini Pemba, limeteketea kwa moto na kuunguza kila kitu kilichokuwemo katika jengo hilo.

 Akizungumzia kutokea kwa moto huo mmoja kati ya wanafunzi wa Skuli hiyo Ibrahim Bakar Hamad alisema moto huo ulitokea majira ya saa nne wao wakiwa madarasani na ndipo walipowapigia simu zimamoto kutoa taarifa ya moto huo .

 Alisema waliona moto unawaka  kwenye Banda hilo wakaanza kuitana na walimu wao na kuchukua hatua ya  kuwasilina na Kikosi Cha Zima Moto na Uokozi kuja kusaida kuuzima Moto huo.

 Mwalimu Mkuu wa Skuli ya Chwaka tumbe Abdalla Hamad   alisema banda hilo lilikuwa linatumika kwa dharura kama kambi kwa wananfuzi wanaotarajia kufanya mitihani na hadi moto huo unazimwa hakuna mwanafunzi aliyepata majereha.

 Alisema walikuwa watumia banda hilo kwa dharura kusubiri kumalizika kwa ujenzi wa Bweni unaoendelea  Skulini hapo lakini hatimaye Banda hilo limewaka moto.

 ‘’Tunashukru hadi sasa hakuna mwanafunzi aliyeathirika na tukio hilo ,Banda hili tulikuwa tunalitumia kwa wanafunzi kujiandaa na mitihani yao ya taifa wakati tukisubiri ujenzi wa Bweni letu kukamilika’’amesema Mwalimu Mkuu.

 Mkuu wa kituo cha Zimamoto na Uokozi Kituo cha Kijichame  Ali Khamis Mdungi alisema baada ya kupata taarifa walifika haraka kuzima lakini bado chanzo cha  kuzuka moto huo hakijajulikana .

 ‘’Tumepata taarifa majira ya Sanne  na tulipofika tukapambana kuzima moto huo tukafanikiwa lakini hadi sasa hatukufahamu chanzo Cha Moto huo’’amesema Kamanda huyo.

 katika tukio hilo Katibu Mkuu wa wizara ya Elimu na Mafunzo ya Aamali Zanzibar,Khamis Abdalla Said alisema tayari alishatoa maelekezo kwa uongozi wa Skuli kama hizo kuhakikisha wanafunzi wanakuwamakini kwa kuacha vitu wanavokatazwa ikiwemo kuchezea suwichi na kuunganisha Umeme kiholela ili kujiepusha na majanga yanayoweza kujitokeza.

 ‘’ Wizara ya Elimu itaendelea kuweka mazingira Rafiki kwa wanafunzi kuhakikisha wanakuwa salama na kuendeleza masomo yao kikubwa niwatake mujiepushe katika kuchezea suwichi za umeme pamoja na kuunga umeme’’amesema Abdalla.

 Aidha Katibu huo alisema atahakikisha wanafunzi wote waliounguliwa na vitu vyao ikiwemo sare watapatiwa vyengine, kuona wanaendelea na masomo yao bila usumbufu wowote.

Mkuu wa Mkoa wa Kaskazini Pemba Mgeni Khatib Yahya amewataka wanafunzi hao kua na subra katika kipindi hichi kigumu  huku akimtaka mkandarasi kuharakisha ujenzi wa Bweni unaoendelea kujengwa katika Skuli hio.

 ‘’Niwaombe wanafunzi,wanangu kuweni pole sisi Serikali tupo pamoja n ani mtake Mkandarasi ahakikishe anamaliza ujenzi wa Dakhalia kwa haraka liweze kutumika’’amesema Mgeni.

 MWISHO.

 

 

Comments

Post a Comment

Popular posts from this blog

WANDISHI WA HABARI ANDIKENI HABARI ZA UCHAMBUZI

Image
  NA FATMA HAMAD, PEMBA   MTAALAMU wa masuala ya Utafit kutoka Taasisi ya Utafiti wa Kiuchumi na Kijamii Tanzania (Economic and Social Research Foundation) Richard Ngilangwa  amewataka waandishi wa habari kuandika habari za uchunguzi na zenye ukweli ambazo zinazingatia takwimu na tafiti, ili zilete tija kwa umma.   Mtaalamu huyo aliyasema hayo wakati akizungumza na waandishi wa habari katika mafunzo ya habari za Utafiti yaliyofanyika katika Ukumbi wa Ofisi ya ZRA Gombani Chakechake Mkoa wa Kusini Pemba.   Alisema, Tafiti zinafaida kubwa kwa jamii, hivyo ni vyema kwa waandishi wa habari kujikita katika eneo hilo la uwandishi wa habari za utafiti na kuzichambua kwa ajili ya kufichua shida za wananchi ili zipatiwe kwa ufumbuzi.   ‘’Tafiti zinazofanywa ni haki ya kila mmoja na sio kubakia Makabatini, hivyo zichukueni mzichambue na mziandikie zipate kujulikana, ili kama kuna jambo linahitaji kufanyika basi lifanyiwe kazi kwa urahisi na kwa wakati muafaka...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more