Wanawake wenye ulemavu ambao waligombea na kukosa waomba kuangaliwa

 

NA FATMA HAMAD, PEMBA

WANAWAKE Wenye Ulemavu kisiwani Pemba ambao waliingia kwenye kinyan’ganyiro kugombea, katika  Uchaguzi mkuu 2025, wamemtaka Rais wa Zanzibar na Mwenyekiti wa Baraza la Mapinduzi Hussein Ali Mwinyi kuwangalia kwa jichola huruma kwa kuwapa nafasi mbalimbali, ili walete mabadiliko kwa Taifa na kwa wenzao wenye Ulemavu.

Akizungumza na mwandishi wa habari  hizi huko nyumbani kwao Katija Mbarouk Ali mwenye Ulemavu wa Viungo ambae aligombea Uwakilishi Jimbo la Kojani ingawa hakufanikiwa, alisema wamekua wakiingia kwenye kinyan’ganyiro ili kuona nawao wanaingia kwenye maamuzi.

Alisema wakati kunapokuepo na nafasi za uteuzi kuwapa kipaombele wale ambao walijitokeza kugombea, ili kuwatia hamasa na moyo wa kuingia kwenye kinyan’ganyiro kwa wanawake hao wenye Ulemavu.

‘’Tumejitoa tumedharauliwa kwa sababbu tunapambana na watu wenye pesa na vyeo vyao, hivyo ipo haja Rais utuone, ili kufuta nguvu zetu ambazo tumezipoteza,’’alisema.

Alisema watuWenye Ulemavu maranyingi wamekua wakisahauliwa katika fursa mabalimbali ambazo zimekua zikitokezea, hivyo ipo haja serikali kuwaona ili wafaidike na fursa hizo ambazo zimo katika serikali yao.

Halima Suleiman Ali mkazi wa Mtambile aliejitosa kuania udiwani Wadi ya Mtambile alisema wakati wa wanawake wenye ulemavu kuwekwa nyuma katika fursa za maamuzi  umepitwa na muda, hivyo ni wakati kupewa nafasi, hivyo ni vyema kupewa nafasi ili kuonesha uthubutu na uwezo walionao wa kutumikia taifa lao.

‘’Wanawake wenyeulemavu hatutaki tena kuekwa nyuma, tunaomba tuangaliwe hususani wale ambao tumeonesha uthubutu wetu tokea kwenye Uchaguzi Mkuu,’’alisema.

 Nasra Fakih Hassan mwenye ulemavu wa viungo  mzaliwa wa Kangagani Wete Pemba , ambaye alijitosa kugombea nafasi ya uwakilishi viti maalumu kupitia Chama cha Mapinduzi  (CCM) alisema katika nafasi za wanawake za Wilaya na za mkoa kuhakikisha watu wenyeulemavu wanazipata nafasi hizo.

‘’Makundi yote ikiwemo Vijana, Wanawake kila mkoa na wilaya zinakua ni mbili mbli, iweje kundi la watu wenye ulemavu iwe ni nafasi moja mkoa mzima ama Pemba mzima, tunaomba tuangaliwe tuwemo kila sehemu,’alisema.

 Mratib wa Jumuia ya Wanawake Wenye Ulemavu Zanzibar (JUWAUZA) Pemba Juma Kombo Hija, aliema katika Uchaguzi wa 2025, Wanawake Wenye Ulemavu walihamasika kuingia kwa wingi majimboni kuania uongozi ikiwa walikua ni 12, kwa Pemba pee ambapo haijawahi kutokea kwa chaguzi zilizopita.

Alisema ni vyema serikali kuwatupia jichowanawake hao ambao walionesha uthubutu wao kwa kuwapatia nafasi waweze kufikisha mchango wao katika serikali yao, sambamba na kutoa hamasa kwa wanawake wenzao wenyeulemavu wa kushiriki harakati za kimaendele, zilizomo katika Taifa lao.

Kaimu Mratibu wa Chama cha Wandishi wa Habari Wanawake Tanzania TAMWA Zanziba  Ofisi ya Pemba Amina Ahmed Mohamed alisema wamekua wakifanya jitihada  mbali mbali, kuona wanawake wenyeulemavu wanaingia katika nafasi za maamuzi.

‘’Huu ni mwaka wa mabadiliko tumechoka kuona wanawake wenye ulemavu wakitazamwa kama wakulima, tunatamani kuona wanaigia kila sehemu,’’alisema.

Nao baadhi ya viongozi wa vyama vya siasa akiwemo Hamad Rashid Mohamed wa chama cha Alliance for  Democratic  Change (ADC)  Maryam Saleh Juma kutoka  chama cha Ukombozi wa Umma (Chauma) walisema wanawake wenye ulemavu wanamchango mkubw, hivyo ipo haja kupewa kipaombele na kuona wanashiriki kwa wingi katika nafasi mbali mbali za maamuzi.

Sheria ya watu enye ulemavu namba 8 ya mwaka 2022, kifungu cha 29 kinaeleza, umuhimu wa watu wenye ulemavu kufikia miundombinu pamoja na taarifa, mawasiliano na haki zote za kibinadamu.

Katika programu za uchumi nchini Tanzania, hata pale ambapo watu wenye ulemavu wanashirikishwa, mara nyingi katika harakati za kijamii, bado nafasi za uongozi ni chache.


Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more