JAMII YAHIMIZWA KUITUNZA AMANI ILIYOPO NCHINI

 


NA FATMA HAMAD, PEMBA

Viongozi wa kamati za  dini mbali mbali kisiwani Pemba (Pemba Interfaith Committee) wameipongeza jamii ya  wazanzibari kwa kuendelea kuishi kwa umoja na mshikamano, jambo lililoifanya Zanzibar kua mfano bora wa ustaarabu na utulivu.

Akitoa tamko la kamati hiyo katika kikao cha kufanya tathmini ya juhudi zilizofanywa na kamati hiyo za kushajihisha amani  kabla, wakati na baadhi ya uchaguzi mkuu uliofanyika Zanzibar mwenzi Oktaba mwaka huu, Mwenyekiti wa kamati ya dini mbali mbali kwa upande wa wanawake Amina Salim Ahmed  katika ukumbi wa mikutano wa Samail Gombani Pemba aliipongeza jamii ya kwa kuendelea kuishi kwa umoja na mshikamano jambo lililoifanya zanzibar kua mfano bora wa ustaarabu.

Alisema hali hiyo ilikuja kutokana na juhudi kubwa zinazofanywa na viongozi wa dini, Serikali, na wananchi katika kudumisha misingi ya maelewano ambayo imeijenga Zanzibar.

Alieleza tamko hili ni mwendelezo wa wito wa kila mara unaosisitiza kwamba amani tulionayo ni tunu na kial mmoja anapaswa kuithamini na kuilinda kwa matendo ya kheri na kauli zenye hekima.

Alifafanua kua dini zote upendo, ustahamilivu, na kuheshimu utu wa kila mwanadamu, hivyo ni vyema kila mmoja kuendeleza kuyaishi mafunzo haya katika maisha ya kila siku.

"Dini zote zinafundisha upendo, ustahamilivu na kuheshimu utu wa kila mmoja, hivyo ni vizuri muendelee kuyaishi mafunzo haya katika maisha ya kila siku" alieleza.

Aidha aliendelea kusisitiza juu ya umuhimu wa kuendelea kutumia marifa, busara na subira katika kushughulikia mambo mbali mbali ya kijamii na kifamilia ili kudumisha amani iliopo katika visiwa vya Zanzibar.

Aidha alisisitiza matumizi mazuri ya mitandao ya kijamii ikiwa ni pamoja na kuelimishana na kuhamasishana mambo yenye faida kwa jamii  pamoja na kuepuka taarifa zisizo za msingi au kauli zinazoweza kupunguza heshima baina ya watu.

Aidha taasisi hiyo ilitoa shukrani kwa taasisi zote zinazounga mkono juhudi za kukuza amani, kujenga uwezo wa vijana na kuimarisha huduma za kijamii.

Awali  akiizungumza katika mkutano huo Mratibu Ofisi ya Mufti Pemba Said Ahmad Mohamed aliwataka wajumbe wa kamati hiyo kuendelea kuhubiri amani katika maeneo yao, pamoja na kutoa taarifa za viashiria vya uvunjifu wa amani katika vyombo vya sheria.

"Endeleeni kuhubiri amani katika maeneo yenu kwa kutumia njia mbali mbali ili kuhakikisha amani iliopo inadumu toeni taarifa ya viashiria vya kuvunjwa kwake katika vyombo vya sheria ili hatua ziweze kuchukuliwa, " alieleza.

Akizungumza kwa niaba ya wajumbe wa kamati hiyo Fadhil Juma Mohamed  Naibu katibu wa Jumuiya ya walimu wa Madrasa Pemba alisema, wamekua wakifanya juhudi mbali mbali za kuelimisha jamii kwa kuwafikia watu wa makundi mbali mbali wakiwemo vijana na wanawake katiika kulinda amani kwa kujiepusha na vitendo vya uvunjifu wa amani katika kipindi chote cha uchaguzi mpaka kumalizika kwake.

Aidha waliahidi kuendeleza kutoa elimu hiyo kwa kila kundi lililopo katika jamii zao, ili kuona Zanzibar inaendelea kudumumu katika amani kwa maslahi ya nchi.

Kwa upande wake Afisa Mradi wa Swahili Coast wa kamati hiyo Khelef Nassor Rashid alisema, kamti hiyo inayojumuisha viongozi wa dini, Vijana na wanawake inalengo la kuhubiri amani pamoja na kushajihisha  maadili  ambayo yatawafanya vijana kuishi katika ustaarabu wa  jamii zao.

Kamati za dini mbali mbali imekua ikifanya kazi ya kutoa elimu ya utunzaji wa amani  kwa kushirikiana na shirika la Norway Church Aid (NCA) kupitia mradi wake wa Swahili Coast kwa mashirikiano ya ubalozi wa Norway nchini Tanzania.



                                                          

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more