WAFANYA BIASHARA TIBIRINZI WAMKABIDHI CHANGAMO ZAO MGOMBEA URAISI WA UDP

 


NA FATMA HAMAD, PEMBA
WAFANYABIAshara wa soko la Tibirinzi Chake chake Mkoa wa Kusini Pemba wamemtaka  Mgombea Urais  wa Jamuhuri ya Muungano wa Tanzania, kwa tiketi ya chama cha United Demokratik Pati UDP, Saumu Hussein Rashid wakati atakapoingia madarakani kuwapunguzia Kodi.

Wakizungumza na mgombea huyo baadhi ya wafanyabiashara hao akiwemo Kassim Kishuka, baada ya kuwatembelea katika biashara zao, walisema bei za vyakula ziko juu kutokana na ushuru mkubwa wanaotozwa, hivyo wamemtaka kulipa kipaumbele suala la kodi, ili bidhaa ziweze kushuka bei.

‘’Kwakweli bidhaa zimepanda bei mno, na hili ni kutokana na ushurumkubwa wa kodi, wafanyabiashara wenzetu wanashindwa kufanya  biashara, hivyo tunaomba suala la kodi uliangalie kwa hali ya juu pindi ukipata ridhaa ya kushika nafasi  hiyo.

Walisema uchumi wa wananchi wa Pemba ni mdogo, hivyo endapo suala la kodi kama halitoangaliwa, bidhaa zitaendelea kupanda bei na kupatikana kwa mlo mmoja, jambo litalopelekea tatizo la udumavu kwa wakaazi wa kisiwa hicho.

Aidha kwa upande wao Mohammed Juma Rehan na Omar  Mgando wamemtaka mgombea huyo kuhakikisha anawajengea soko la kisasa na lenye hadhi, ili wapate sehemu salama ya kufanyia biashara zao.

Walisema wamekua wakilipa kodi, lakini eneyo ambalo wanakaa na kufanyia biashara zao sio rafiki, kwani hata inaponyesha mvuainabidi wahame na kutafuta pahala pengine pa kujificha.

‘’Bado hatujakua na soko, unaona hapa tupo uwanjani na samaki wetu, sio mazingira rafiki kwetu, jee ikitokezea mvua unafkiri tunahangaika kiasi gani, tunaambiwa tukaingia ndani ya soko juu jee samaki tutauzaje uko juu gorofani, walisema.

Sambamba na hilo walisema wanahitaji kujengewa soko kubwa na lenye hadhi, wafanyabiashara wa aina zote wauze bidhaa zao humo, ili kuona bidhaa zote zinapatikana.

‘’Tutakapopata soko kubwa na kila bidhaa ikawepo hapa, wananchi watanunua vitu vyote humu, na sio nazi anunue hapa, samaki akanunue machomane,’’hiyo ni shida.

Nae Katibu wa wafanyabiashara wa Tibirinzi alisema atahakikisha wanampa kura za ndio kwa kwani ameonesha mwelekeo mzuri wa kuja kuwatatulia kero zao.

‘’Toka kampeni zilipoanza hatujawahi kumuona mgombea yoyote kuja na kutusikiliza shida zetu, wewe ndo wa mwanzo hivyo tunahakikisha tunakunga mkono wewe mwanamke kwani ulishaonesha mwelekeo mzuri kwetu,’’alisema.

Nae Mgombea huyo wa Urais Saum Hussein Rashid alisema lengo la kuwatembelea wajasiriamali hao ni kusikiliza changamoto ambazo zimekua zimekuwa zikiwakabili, aweze kuzifahamu, ili aje kuzitatua pindi akipata ridhaa.

Alisema sera ya Chama chao ni kuwainua wanchi kiuchumi, hivyo watahakikisha wanazitatua kero zinazowakwaza, ikiwemo kodi, na kuwapatia mitaji, waendeleze biashara zao, waweze kukuza kipato chao.

‘’Sisi sera yetu ni kuinua kipato cha wananchi, hivyo tutahakikisha kodi imepungua, na tutawapa mitaji wafanyabiashara waendeleze biashara zao, na wajiinue kiuchumi na kuondokana na umaskini,’’alieleza.

Aidha alisema kipaumbele chengine ni kuweka kiwanda kikubwa cha usindikaji wa Samaki, kuona soko linaimarika ndani na nje ya nchi, sambamba na kupatikana kwa kitoeleo cha kutosha.

Mgombea huyo aliwasili kisiwani Pemba leo asubuhi, ambapo mbali ya kuwatembelea wajasiriamali hao alitembelea kaburi la aliekuwa Makamo wa Rais wa Jamuhuri ya Muungano wa Tanzania Dokta Omar Ali Juma, na kuifariji familia yake.




Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more