UMGOMBEA URAIS WA MUUNGANO WA UDP AAHIDI NEEMA LUKUKI KWA WAPEMBA


 



NA FATMA HAMAD, PEMBA

MGOMBEA URAIS wa Jamuhuri ya Muungano wa Tanzania kwa Tiketi ya Chama cha United Demokratik Pati UDP Saum Hussein Rashid amesema endapo atachaguliwa na kupata ridhaa ya kuongoza atahakikisha anaboresha miundombinu ya afya, ili kuona huduma zote zinapatikana bure, ikiwemo huduma za mama na mtoto.

Mgombea huyo aliyasema hayo wakati akizungumza na wananchi na wanachama wa chama hicho, katika mkutano uliofanyika Shamiani Chake chake Mkoa wa Kusini Pemba.

Alisema endapo atapata ridhaa na kuwa Rais wanchi atahakikisha  huduma zote za afya Hospitalini zinapatikana bure, hususani za mama na mto, ili kuepusha vifo vitokanavyo na uzazi.

‘’Nikiwa Rais nitahakikisha vifaavyote ambavyo vya kujifungulia  vinapatikana bure, mama awe amejifungua kwa uperashini ama kwa njia ya kawaida, zote tutazigharamikia sisi,’’alieleza.

Aidha akitaja kipaumbele chengine atakuja na kilimo cha umwagiliaji, ambacho kitasaidia wananchi kupata chakula sambamba na kuzuia atahari za mabadiiko tabianchi.

Alisema suala la mabadiliko ya tabia ni tatizo ambalo limekua likiathiri kwa kiasi kikubwa jamii, hivyo pindi akichaguliwa, ataanzisha kilimo cha umwagiliaji, wananchi wazalishe mazao na kupatikana chakula cha kutosha, sambamba na kujiepusha na athari zitokanazo na mabadiliko ya tabianchi.

Kwa upande wake Mjumbe wa kamati kuu Taifa UDP Erasto Nyaga Suzan alisema endapo Chama chao kitapata ridhaa ya kuongoza nchi atahakikisha analipa kipaombele suala la ajira, kuona vijana wote wanaajiriwa.

‘’Tutakapoingia madarakani tutahakikisha tunaweka miradi mbalimbali ambayo itawawezesha vijana kupata ajira kwa wingi,’’alisema.

Mapema Mjumbe wa Mkutani Mkuu wa Chama hicho Abass Mohamed Khatib aliwataka wananchi wa Chake chake kukiunga mkono chama chao, ili kije kiwaletee mabadiliko.

Nae mgombea Ubunge wa jimbo la Wawi, wa chama hicho Asha Mohamed Ali aliwataka wananchi kuendeleza mshikamano na umoja walio nao, na sio kubaguana kwa ajili ya siasa.

Alisema suala la siasa sio ugomvi wala chuki, hivyo ipo haja wananchi kushikamana kwa pamoja katika shughuli zote za kimaisha na wasibaguane kwa sababu ya vyama vyao.




Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more