Mgombea Urais ADC Aahidi kupunguza kodi wakati akiingia madarakani.

 


            NA FATMA HAMAD,PEMBA

MGOMBEA Urais Zanziba kwa tiketi ya Chama cha Allance for Democratic Change ADC Hamad Rashid Muhamed amesema endapo atapata ridhaa ya kuchaguliwa na wananchi na kuwa Rais, atahakikisha anapunguza mtiririko wa kodi, ili kupunguza bei za bidhaa na kila mwananchi amudu kununua.

Mgombea huyo ameyasema hayo wakati akiwahutubia wananchi pamoja na wafuasi wa chama hicho katika mkutano wa kampeni uliofanyika Micheweni Kaskazini Pemba.

Alisema  ushuru  wa bidha umekua mkubwa, na kupelekea bidhaa kupanda bei, hali inayowakosesha baadhi ya wananchi wenye kipato cha chini kushindwa kupata chakula cha uhakika.

‘’Nitakapo kua Rais nitahakikisha napunguza asilimia 10 ya kodi, na kila mfanyabiashara atakua na tin namba yake ya kulipa, ili kupunuza mtiririko na ubadhilifu,  na  mapato  yaingie serikali moja kwa moja,’’alieleza.

Aidha kwa upande mwengine Mgombea huyo alisema atahakikisha analiboresha Mwani kwa kuweka  Viwanda vya kisasa vya kuchakatia mwani, ili kuona makampuni ya nchi za nje yanafika Zanziba kununua zao hilo.

‘’Kisiwa cha Pemba tu kunazalishwa tani zaidi ya tani elfu 11 za mwani, hivyo ndani ya siku 100 tukiingia madarakani, tutaweka viwanda vya kisasa, na tutakua tunauza mwani, unga wa mwani pamoja na bidhaa zinazotokana na mwani alisema.

Alisema atalifanya zao la mwani linalozalishwa Zanzibar kua zao kuu la Taifa, na liweze kuuzwa Duniani kote, ili wakulima wafaidike na kilimo hicho.

Kwa upande wake Katibu Mkuu wa Chama hicho Mwalim  Mohamed alisema endapo watachaguliwa na kuingia madarakani watatoa vifaa vya kisasa kama Maboti kwa ajili ya uvuvi, kwa wananchi wanafanya shughuli za uvuvi.

‘’Ndugu zangu wa Micheweni tunafahamu nyinyi uchumi wenu mmeuwelekeza zaidi baharini, hivyo endapo mtatuchagua, tutawapatia Boti za kisasa pamoja na elimu ya uvuvi wa kisasa, ili kupatikana kitoweyo cha kutosha.’’alisema.

Alisema ni vyema kwa mwaka huu wananchi wa Micheweni kura zao wakaziweka kwenye Chama hicho, ili kiweze kubadilisha maisha yao.

Mapema Mgombea Ubunge jimbo la Micheweni wa chama hicho Hamad Abdala Chande aliwataka wananchi wa Micheweni kuchagua viongozi ambao wanaumwa na wananchi na wenye sifa ya kua viongozi, na sio kuchagua kwa ajili ya chama Fulani.

Nao baadhi ya wananchi waliohudhuria mkutano huo walisema ADC ni chama ambacho kimeonesha muelekeo mzuri, hivyo haja kwa jamii kukipigia kura cjhama hicho ili kuleta mabadiliko ya kimaendeleo.


Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more