WAJASIRIAMALI WAOMBA KUPATIWA ELIMU YA UTENGENEZAJI BIDHAA



          NA FATMA HAMAD, PEMBA

WAJASIRIAMALI kisiwani Pemba wameomba kupatiwa elimu ya usarifu wa bidhaa,  ili waweze kutengeneza bidhaa zenye ubora na zenye viwango, ambazo zitauzika katika Soko la ndani na nje  ya Pemba.

Wajasiriamali hao walitoa ombi hilo katika mafunzo ya ujuzi wa kidijitali yaliyofanyika kituo cha Uwalimu TC Wingwi wilaya ya Micheweni mkoa wa Kaskazini Pemba.

Biamu Omar Mbrouk mwanakikundi cha Hapa kazi kutoka Wingwi, ambacho kinajishughulisha na utengenezaji wa sabuni, mafuta, na unga wa mwani, alisema wamekua wakitengeneza bidhaa nyingi lakini zinashindwa kuuzwa hata Unguja, na huishia kuuzwa mitaani tu kutokana na kukosa ubora.

Alisema Mwani umebainika kuwa ni moja ya dawa inayotibu  magonjwa mengi katika mwili wa mwanadamu, hivyo ni vyema kupatiwa  elimu, ili wawe wazalishaji bora.

‘’Tunatamani siku moja kuona kwamba, na sisi tunaziuza Tanzania bara na hadi Nchi za nje bidhaa zetu, kwani kutatuwezesha tuweze kutambulika na pia kuinua uchumi wetu,’’alisema.

Ali Khatib Ali mjasiriamali wa kikundi cha Tumuombe Mola cha Makangale kinachojishughulisha na ufugaji wa Majongoo ya baharini, alisema wanahitaji kupatiwa elimu juu ya usarifu wa mazao hayo, ili waweze kuzalisha kwa kuzingatia viwango na kiutaalamu.

Alisema kuna utaalamu wa kulima na kuchakata wakati wanapovuna, ingawa wao bado wanafanya tu, jambo linalopelekea kukosa bei wanayoihitaji.

 ‘’Mukisha kuwavua wanautaalamu wake wa kuwachakata lakini sisi hatujui, bali tunawachemsha tu na badae ndo tnawauza, kikukweli tunahitaji kupewa elimu,’’alisema.

 Alisema endapo watapatiwa elimu kutawasaidia kufuga kwa uwelewa, na kupata bei nzuri inayolingana kilimo hicho, ambacho kitawawezesha kujikimu kimaisha.

Nae Abdala Salim Masoud mwanakikundi cha Ipo sababu ambacho kinajishughulisha na ukulima wa mwanai alisema wanahitaji kupatiwa elimu ya utengenezaji wa pagi za plastiki kwa ajili ya kufungia mwani wao, ili waondokane na na changamoto ya upatikanaji wa pegi hizo.

‘’Tunapokata pegi za mikanda au mibura haturuhusiwi, kwani tunaharibu mazingira, hivyo tunahitaji kupatiwa elimu tutengeneze pegi za plastiki, ili tuondokane na usumbufu na tuzalishe mwani kwa wingi,’’alieleza,’’

Alisema Kampuni ya mwani ya Sewedi Coporation walishawahi kwenda na kufanya utafiti wa kutengeneza pegi hizo, ingawa hadi sasa hawakurudi tena kwa ajili ya kuwapatia elimu hiyo.

Akifungua mafunzo hayo kwa niaba ya Mratibu wa Fawe Winnifred Yatuma Manawi Mjumbe wa bodi ya Fawe Zanzibar Biubwa Mohamed Mselem aliwataka  wajasiriamali hao, kuyatumia mafunzo watakayopewa, ili waweze kuleta mabadiliko katika vikundi vyao.

‘’Nyinyi wajasiriamali ambao mmebahatika kushiriki kwenye mafunzo haya, naomba muyachukue na muyafanyie kazi, ili muendeleze vikundi vyemu na muweze kuzalisha kwa mazao kwa wingi na kujingizia kipato,’’alisema.

Alisema lengo la FAWE ni kuwakomboa wanawake na vijana kiuchumi, hivyo ni vyema kuhakikisha wanayafanyia kazi, ili wawe wazalishaji na watengenezaji wa zuri wa bidhaa.

Mafunzo hayo ya sikumbili kwa vikundi vya wajasiriamali yameandaliwa na Jumuia inayoshughulikia na kutoa masuala ya wanawake na watoto, vijana na watu wenye ulemavu (FAWE)chini ya ufadhili wa UN WOMEN.




 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more