‘’KATIBU MKUU ELIMU ‘’TOENI ELIMU YA MALEZI BORA’’

 


NA FATMA HAMAD, PEMBA

Katibu mkuu wizara ya  Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,  na kupatikana kizazi chenye afya njema.

Alisema katika visiwa vya Zanzibar bado kuna tatizo la udumavu kwa watoto  kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa  katika kipindi cha awali  cha  malezi,  makuzi na maendeleo ya mtoto.

Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam.

Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora.

‘’Ndugu zangu wandishi wa habari nyinyi  mnadhima kubwa katika jamii, hivyo ni wakati kuifahamisha ielewe dhana nzima ya malezi, makuzi na maendeleo ya awali ya mtoto,’’ alisema.

 Alisema kwa mujibu wa sayansi ya ECD katika kipindi cha awali cha siku 2000 ndicho kipindi pekee  ambacho mtoto anahitajika kupata huduma hizo, kwani ndipo akili ya mtoto  inatengenezwa, na anakua na uwezo wa kuchukua kwa haraka chochote  atakachokisikia.

Alisema serikali ya Mapinduzi Zanzibar, kupitia Wizara ya Elimu na Mafunzo ya amali, Wizara ya Afya na Wizara ya Maendeleo ya Jamii inaendelea kutoa kipaombele katika uwekezaji wa awali kwa mtoto, ili kutambua misingi bora ya malezi, makuzi, na maendeleo ya awali ya mtoto.


Mapema Meneja Huduma za Jamii (ZPDB)  Dk Ibrahim Byatike Kabole alisema endapo wandishi wa habari waitumia vyema taaluma walioipata kuwaelimisha Jamii juu ya umuhimu wa malezi, makuzi na maendeleo ya awali ya mtoto, tatizo la udumavu kwa watoto litaondoka Zanzibar.

‘’Zanzibar kuwa na watoto wenye afya bora inawezekana, endapo wandishi wa habari  kama mtaitumia vizuri taaluma mliyoipata,kuwaelimisha wazazi juu ya umuhimu wa malezi, makuzi na maendeleo  ya awali ya mtomto,’’alisema.

Kwa upande  wake  Mtaalamu wa Programu ya Malezi, Makuzi na Maendeleo ya awali ya mtoto  kutoka  UNSEF Alinune  Nsemwa, alisema kwa mujibu wa tafiti, katika visiwa vya  Zanzibar kuna  asilimia 47 tu ya watoto kuanzia miaka miwili hadi chini ya miaka mitano, ndio waliofikia ukamilifu wa ukuaji wao.

Alisema kutokana na takwimu hiyo ipo haja kwa wandishi wa habari kuhakikisha wanaielimisha jamii, kufahamu umuhimu wa malezi, makuzi na maendeleo ya awali ya mtoto, ili kupata kizazi chenye afya bora.

‘’Wandishi wa habari tuwafahamisheni wazazi, jinsi ya kulea watoto wao katika hatua za awali za makuzi na malezi bora,’’alisema.

Alisema wataendelea kushirikiana na  serikali ya Tanzania, ili kuona watoto wote wanaozaliwa ndani ya Nchi hii wanakua salama.


Nao wandishi walioshiriki mafunzo hayo walisema mafunzo yamewasaidia vyema, huku wakiahidi kuyafanyia kazi.

 

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more