‘’Wandishi wa Habari msiandike habari, zenye kuleta migongano’’

 

NA FATMA HAMAD, PEMBA

Mkuu wa Mkoa wa Kusini Pemba Rashid Hadid Rashid amewataka wandishi wa habari kuandika habari zenye ukweli na zenye kuzingatia maadili, ambazo hazitosababisha uvunjifu wa amani Nchini.

Mkuu huyo ameyasema hayo  wakati akifungua  Kongamano  la wadau wa Habari,  lililoandaliwa na Ofisi ya Rais Ikulu huko ukumbi wa ZRA Chakechake Pemba.

Alisema vyombo vya Habari ndivyo ambavyo vinaweza vikaiweka Nchi katika hali ya Amani, ama kwenye migogoro, hivyo ni vyema wandishi mkatumia maadili yenu na kuandika habari zenye ukweli na zenye kuleta maendeleo,ili kuibakisha Nchi katika hali Utulivu.

Alisema Serikali ya awamu ya nane imefanikiwa kuweka mambo mbalimbali ya maendeleo mjini na vijijini, hivyo ni jukumu lenu wandishi wa habari kuyandikia maendeleo hayo.

‘’Yapo mambo mengi ya maendeleo ambayo yamefanywa na Serikali yetu, hivyo yaandikeni hayo, ili yapate kufahamika, msiandike mambo ambayo yataleta uchochezi,’alieleza.



Kwa upande wake Mkuu wa Wilaya ya Micheweni Khatib Juma Mjaja aliwasisitiza wandishi wa habari kuzingatia takwimu wakati wanapoandika habari zao.

‘’Ili uwe mwandishi mzuri na kazi zako ziwe zinavutia na zinasomwa na watu wengi, ni lazima uwe unatumia takwimu katika Makala yako ama kipindi chako,’’alisisitiza.

 Mapema  Afisamdhamini kutoka Tume ya Mipango Pemba Khamis Issa alisema wandishi wa Habari wananafasi kubwa, hivyo ipo haja kuibua kero na changamoto zilizoko, zieze kufahamika Ili Serikali iweze kuzitatua.

‘’Juzi wakati mheshimiwa Rais akiwa kule uwekezaji Micheweni alisema sasa ni zamu ya Pemba, jee kama wandishi wa habari mnafanyanini, kuona mnayaibua hayo maeneo ambayo bado  kuna changamoto ili mkaisaidia Serikali,’’alisema.

Nao wandishi wa Habari walioshiriki Kongamano hilo wamesema ni vyema kufanyiwa marekebisho baadhi ya Sheria ambazo zinakwaza uhuru wa utekelezaji wa majukumu yao.



Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more