Mdhamini Sheria ; ‘’Wasaidizi wa Sheria ifahamisheni jamii viashiria vinavyosababisha udhalilishaji’’.

 


                   Na Fatma Hamad, Pemba

AFISA MDHAMINI wizara ya Katiba Sheria na Utawala bora Halima Khamis Ali amewahimiza watoa msaada wa kisheria kuielimisha jamii, kufahamu mbinu za kuzuia vitendo vya udhalilishaji wa kijinsia, ambavyo vinaonekana kujitokeza siku hadi siku, ili waweze kujiepusha navyo

Mdhamini huyo aliyasema hayo wakati akifungua mafunzo ya siku moja ya kuwajengea uwezo watoa msaada wa kisheria juu kujikinga na vitendo vya udhalilishaji yaliofanyika ukumbi wa Katiba na Sheria Gombani Chakechake Pemba.

Alisema vitendo vya udhalilisha bado vinaendelea kujitokeza na kuiathiri jamii, hivyo watoa msaada wanadhima kubwa ya kuwafahamisha wanajamii jinsi ya kujizuia na vitendo hivyo, ambavyo vimekua vikiwakosesha amani.

‘’Hata ukimshauri, ukimuelimisha aliepata hayo matatizo basi kunahitaji utaalamu, hivyo basi tuendeleeni kuisaidia jamii yetu ili kupata kizazi kilichosalama,’’alisema.

 Aidha aliwasisitiza watoa msada hao kuyafanyia kazi mafunzo hayo, kuhakikisha wanawajenga wanajamii, ili waweze kuleta mabadiliko  juu ya masuala hayo.

Alisema ipo haja kwa wasaidizi wa Sheria kuhakikisha wanazingatia takwimu katika ripoti zao, jambo ambalo litasaidia kujulikana ni kundigani zaidi ambalo limekua likiathirika na udhalilishaji.

‘’Takwimu ndio kila kitu mtakapoweka katika ripoti zenu, mfano wanawake wangapi, watoto wangapi au wanaume wangapi itaweza kujulikana shida ipo wapi na ikaweza kufanyiwa kazi ,’alifahamisha.

Mapema Mkurugenzi kutoka Idara ya Katiba na  Msaada wa kisheria Zanziba Hanifa Said Ramadhan alisema Lengo la mafunzo hayo ni kuwajengea uwezo watoa msaada waweze, kuisaidia jamii iweze kuchukua hatua za makusudi juu ya kujikinga na kujiepusha na  udhalilishaji.

‘’Tunawapa mafunzo haya ili wakaisaidie jamii kufahamu viashiria vyinavyopelekea udhalilishaji, ili waweze kupambana navyo,’’alisema.

Alisema kinga ni bora kuliko tiba, hivyo ipo haja wananchi kupatiwa elimu ya kufahamu viashiria ambavyo vinaweza kupelekea kutokea kwa vitendo vya udhalilishaji, katika maeneo yao wanayoishi.

Akiwasilisha mada juu ya hatua ya kuzuia vitendo vya udhalilishaji Mwendesha Mashtaka kutoka Ofisi ya Mkurugenzi wa Mashataka Juma Ali Juma alisema ili kuhakikisha matendo hayo yameondoka ni lazima kurejeshwa kwa malezi ya pamoja, na isiwe kwa kila mzazi na mtoto wake.

‘’Endapo tutarudisha malezi ya zamani mtoto akilelewa na kila mzazi tunaweza tukafika tutakapo,’’alieleza. 

Nao washiriki wa mafunzo hayo wameahidi kuyafanyia kazi kwa vitendo mafunzo waliyoyapata, na kuhakikisha wameleta mabadiliko katika Shehia zao.

Mafunzo hayo ya kuwajengea uwezo watoa msaada hao wa kisheria kupitia mradi wa Shirika la UN Wemen ni muendelezo wa mafunzo ambayo hupatiwa wasaidizi wa Sheria kila baada ya muda.



Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more