DNA YA THIBITISHA, MTUHUMIWA NDIE BABA MZAZA WA MTOTO

 


                     NA FATMA HAMAD – PEMBA

SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka.

Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99

Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae amedaiwa kubakwa.

‘’Baada ya kufanya uchunguzi wa vinasaba vya mtuhumiwa, mtoto na mama kipimo chetu cha DNA kiligundua kwamba mtuhumiwa ndie baba mzazi wa mtoto, na yule binte ndie mama wa mtoto,’’alidai.

Alidai kuwa kwa mujibu wa majibu walioyagundua katika vipimo vyao ni wazi kwamba mtuhumiwa anaedaiwa kubaka  ndie baba mzazi wa mtoto.

 Baada ya kumaliza kutoa ushahidi wake huo shahidi huyo, Mwendesha Mashtaka wa Serikali kutoka Ofisi ya Mkurugenzi wa Mashtaka  (DPP )  Juma  Mussa   Omar  alidai  walikua wamebakiwa  na  shahidi  huyo  mmoja na wanafunga ushahidi  hivyo  alimtaka Hakimu anaendesha kesi hiyo kuighairisha na kuipanga siku nyengine kwa ajili ya kuendelea na hatua nyengine.

‘’Mheshimiwa Hakimu sisi tulikua tumebakiwa na shahidi huyo mmoja na leo tunafunga ushahidi, hivyo tunaomba uighairishe hadi sikunyengine,’’alidai.

Nae Hakimu wa Mahkama hiyo ya Mkoa ambae ndie anaeisikiliza kesi hiyo  Zuwena Mohamed Abdulkadir alikubaliana na ombi la upande wa mashataka, na aliighairisha hadi April 15 mwezi huu kwa hatua ya utetezi.

‘’Mtuhumiwa naipanga tarehe  hiyo  ya 15  ili  tuje  tuone  kama una  la  kujibu  ama  laa,’’alieleza.

Ilidaiwa Mahkamani hapo mtuhumiwa huyo baina ya mwezi wa Mei na Juni mwaka jana majira ya saa 12:00  za  usiku, katika kijiji cha Gando Chaoni Wete Pemba,  alimbaka msichana wa miaka 14.

 Ambapo kufanya kosa hilo ni kinyume na kifungu cha 108 (1) (2) (e) na 109 (1) vya sheria ya adhabu, nambari 6 ya mwaka 2018 sheria ya Zanzibar.

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more