Yafahamu madhara anayopata mwanamke wakati akijiwekea vitu katika sehemu zake za siri

 

                   NA FATMA HAMAD - PEMBA

 Wanawake wametakiwa kuacha tabia ya kuweka vitu kwenye sehemu za siri, kwani wanaweza kuathiri mfumo mzima wa viungo vya uzazi.

 Hayo yamesemwa na Mratibu wa Tume ya Ukimwi Pemba (ZAC) Ali Mbarouk Omar  wakati Akizungumza na waandishi wa habari katika Ukumbi wa chama cha Waandishi wa habari wanawake Tanzania (TAMWA) ZANZIBAR Ofisi  Pemba, alisema, wapo baadhi ya wanawake huweka vitu katika sehemu zao za siri, jambo ambalo ni hatari kwa afya ya uzazi.

 Alisema kuwa, ni vyema wakaenda  hospitalini na vituo vya afya kwa ajili ya kufanya uchunguzi wa mara kwa mara, endapo wamepata matatizo waweze ili waweze  kupatiwa matibabu na sio kuweka vitu ambavyo vinaweza kuwapatia madhara zaidi.

 "Kuna baadhi yao huweka vitu kama wanajitibu baada ya kupata magonjwa ya kujamiiana na kuna wengine wanaweka vitu hivyo kwa urembo, haya yote hayafai kwa sababu wanaweza kuathirika katika mfumo wa kizazi," alisema Katibu huyo.

 Aidha, akielezea kuhusu maambukizi ya magonjwa ya kujamiiana alisema, pia yanasababisha kuathiri kizazi cha mama na kupeleka mtoto anaezaliwa kupata madhara mbali mbali.

 "Maradhi ya kuambukiza ikiwemo ukimwi, saratani ya shingo ya kizazi, gonoria, pangusa, kisonono cha usaha ni hatari katika kuharibu mfumo mzima wa uzazi kwa mwanamke, hivyo waache tabia ya kufanya ngono zembe kuepuka magonjwa hayo," alieleza.


Akifungua mkutano huo Afisa Mawasiliano kutoka TAMWA Zanzibar Khairat Haji Ali alisema kuwa, elimu ya afya ya Uzazi ni muhimu  na inahitajika iwafikie wanajamii, hivyo ipo haja kwa waandishi wa habari kutumia kalamu zao katika kuielimisha jamii.

 Alisema kuwa, wameamua kuwajengea uwezo waandishi wa habari ili kusudi waelewe masuali ya afya ya uzazi, jambo ambalo litawasaidia kutoa elimu kwa jamii wakiwa na ujuzi wa hali ya juu.

 "Wanawake wanapata shida kubwa kwenye mfumo wa uzazi bila kujijua, hivyo iwapo waandishi tutaweza kutoa elimu, jamii itaelewa na watakuwa ni wenye kupima afya zao na kuacha Yale ambayo yatawasababishia matatizo," alisema.


Akitaja baadhi ya dalili za maradhi ya kujamiiana  Mratibu wa kituo cha Tiba na Kinga  Rahila Salim Omar, ni  maumivu chini ya kitovu, majeraha sehemu za siri, kuharibika kwa mimba, kutokwa na maji maji mazito sehemu za siri yenye rangi na harufu.

 "Kuweka vitu sehemu za siri pia kunasababisha saratani ya shingo ya kizazi, hivyo waandishi nijitahidi kuielimisha jamii yetu," alifahamisha.


Kwa upande wao washiriki wa mkutano huo walisema kuwa, watahalikisha wanaibadilisha jamii kwa kuwapa elimu ya afya ya uzazi, ili kuondosha madhara yanayowapata wanawake na watoto.

 "Tumejifunza mambo mengi ya afya ya uzazi, hivyo kupitia elimu hii, itatusaidia kuielewesha jamii ili wajitunze na kuepuka madhara mbali mbali," anaeleza.


Mafunzo hayo ya siku mbili  waandishi wa vyombo vya habari mbali mbali kisiwani Pemba  yameandaliwa na Chama cha Wandishi wa Habari Wanawake Tanzania  TAMWA   Zanzibar.

 

                       

 

 

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more