Wasaidizi wa sheria wapewa mbinu

 

                 NA FATMA HAMAD- PEMBA

Wasaidizi wa Sheria  wametakiwa kuendelea  kutoa elimu kwa jamii juu ya masuala ya udhalilishaji, ili kuona inaondokana na vitendo  hivyo viovu ambavyo  vimekua  vikijitokeza siku  hadi  siku.

Akizungumza katika mafunzo ya kuwajengea uwezo wasaidizi wa sheria wa wilaya ya Micheweni  Muhasibu wa Jumuia ya Wasaidizi wa Sheria Wilaya hiyo  Riziki Ali Hamad juu ya masuala ya udhalilishaji, huko Tumbe wilaya ya Micheweni Mkoa wa Kaskazini Pemba.

Alisema katika wilaya ya Micheweni  bado kumekua kukijitokeza masuala ya ubakaji na ulawiti  kwa watoto, hivyo ipohaja kwa wasaidizi wa sheria kuisaidia jamii kwa kuwaelimisha madhara yatokanayo na  masuala hayo,  ili kuona yameondoka.

Akitaja  sababu inayopelekea kujitokeza kwa masuala hayo ya ubakaji na ulawiti  katika wilaya hiyo ni utelekezwaji uliokithiri wa wanawake na watoto.

Alisema wapo baadhi ya wazazi wa Micheweni huondoka vijijini mwao  na kwenda kufanya shughuli zao za uvuvi katika maeneo mengine kama vile Tanga, Mombasa, Mafia,  ambapo mwisho wa siku huziacha familia zao na kuzitelekeza.

‘’Mababa wengi wanapondoka na kwenda kufanya shughuli zao za uvuvi maeneo mengine, huzitelekeza familia zao, na  badalayake hutafuta wanawake wengine  na kuanza nao maisha,’ alisema.

Alisema kutokana na hilo ipo haja  kwa wasaidizi wa Sheria kukaza kamba  kuwaelimisha wanajamii, ili kuona kila mzazi analea na kutunza familia  yake, jambo litalopelekea kuwa muarubaini wa masula hayo ambayo imeonekana ni kero kubwa kwa wanawake na watoto, hususani wanaoishi katika maeneo ya bahari.

Alisema kwa sasa wanatekeleza mradi wa sauti ya mwanamke ambao unalengo la kuwasaidia wanawake na wasichana na jamii kwa ujumla juu ya masuala ya udhalilishaji, ili kuona wanaondokana na tatizohilo.

 Mapema mkufunzi wa mafunzo hayo Suleiman Hemed alisema lengo hasa la kutoa mafunzo kwa wasaidizi wa sheria ni kuhakikisha wanafika kila shehia na kutoa msaada  wa kisheria kwa jamii, ili kuona  wanakua na uwelewa juu ya masuala hayo na kuripoti katika vyombo vinavyo husika wakati vinapotokea vitendo hivyo na kupata haki zao.

Nao wasaidizi hao wa Sheria akiwemo Othman Juma Nahoda na Ziada Ali Hamad walisema watahakikisha wanatekeleza majukumu yao  ipasavyo na kwa mujibu wa Sheria ilivoelekeza, ili kuona jamii imeilimika na kuwa mstari wa mbele kutokomeza udhalilishaji.

Katika Mradi huo wa Sauti ya mwanamke ambao unatekelezwa na Jumuia ya wasaidizi wa Sheria Wilaya ya Micheweni ni ufadhili wa Shirika  la Msaada wa kisheria LSF na Umoja wa Ulaya (ENABLE)




Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more