Mchango wa wanaume juu ya michezo kwa mtoto wa kike



 


NA FATMA HAMAD, Pemba

Watoto wa kike nao wana haki ya kupata fursa mbali mbali zitokanazo  na sekta ya michezo, kama wanavyopata watoto wa kiume.

Katika ulimwengu wa sasa michezo imekua na fursa nyingi, kama vile ajira, kupata kutembea nchi tofauti tofauti na pia kupata afya bora.

Hata Katiba ya Zanzibar ya 1984 katika kifungu cha 6 (2) kinaeleza kuwa, kila mzanzibari kwa misingi ya Katiba hii, ataweza kufaidi haki na fursa zote anazostahiki mzanzibari.

Hivyo, ipo haja kwa wanaume kuamka na kutoa fursa kwa watoto wa kike washiriki michezo, ili waweze kujichukulia fursa zitokanazo na michezo.

Na hii ilionekana tangu miaka ya zamani ambapo mtoto wa kike alikua akiachwa nyuma katika suala zima la michezo.

Katika makala yetu hii, tutaangalia mchango wa wazazi wa kiume katika kuwahamasisha  watoto wa kike kushiriki michezo.

JAMII

Ali Khamis Kombo mwenye miaka 60 mkaazi wa Sizini Wilya ya Micheweni Mkoa wa Kaskazi Pemba, anasema tangu alipotia fahamu hakuwahi kuona hata siku moja katika vijiji vyao wanamke kushiriki michezo.

‘’Tangu enzi za zamani wanawake waliachwa nyuma, katika suala zima la michezo,’’anasema.

Mkaazu wa Gombani Chake Chake Khatib Iddi Mwalim anasema, wanaume wawaruhusu watoto wao wa kike kujiunga kwenye michezo kwani, michezo ni moja njia inayoweza kuwapatia ajira.

‘’Tumekua tukishuhudia vijana wengi wakipata ajira kama vile vikosi, hivyo wazazi wa kiume msiwazuie watoto wa kike kujiunga na michezo na wao wanayo haki ya kupata hizo ajira,’’ anaeleza.

Bimkubwa Mohamed mkaazi wa Tumbe Mashariki wilaya ya Micheweni Mkoa wa Kaskazini Pemba anasema, michezo huimarisha afya, hivyo ni vyema  wanaume   kutoa fursa kwa watoto wa kike kujiunga na michezo, ili kuwakinga na maradhi.

‘’Wazazi wa kiume wapeni nafasi watoto wa kike wajiunga kwenye michezo, kwani kufanya hivyo, kutawasaidia kuwa na afya njema,’’ anaeleza.

Juma Kombo Hija mkaazi wa Micheweni Pemba anasema, ni vyema wanaume kuwa na imani juu ya watoto wao wa kike kushiriki kwenye michezo, ili na wao wajione kama ni sehemu ya jamii ambayo inahitaji kupata fursa za maendeleo, ambazo zipo nchini.

WANAMICHEZO WA KIKE

Kul-thum Ali Khamis ambae ni mchezaji wa mpira wa miguu katika timu ya Wete Star (Women Club) anasema, wanaume wana nafasi kubwa ya kuhakikisha wanatoa fursa kwa watoto wao wa kike kushiriki kwenye michezo.

Anasema, wazazi wa kiume waliowengi bado hawajawa na imani ya kutosha juu ya kuwaruhusu watoto wao wa kike kushiriki michezo, kwani wanahisi ni uhuni.

‘’Akinababa wengi bado hawajawa na imani juu ya mtoto wa kike kushiriki kwenye michezo kumbe anaweza kujipatia kipato kupitia michezo,’’ anaeleza.

Anasema, ipo haja kwa wazazi wa kiume kuondosha mawazo finyu na badala yake wawape fursa watoto wao wa kike kushiriki kwenye michezo, ili nawao waweze kujipatia fursa za kimaendeleo ambazo zinatokana na sekta hiyo.

Kul-thum anatamani siku moja awe miongoni mwa wachezaji wakubwa wa mpira wa miguu duniani, ili aipatie sifa nzuri familia yake ambayo imemunga mkono na hata Taifa lake.

Aisha Ali mwenye umri wa miaka 17 mkaazi wa Sizini anasema, anapenda mchezo wa riadha pamoja na mpira wa miguu, ingawa aliishia kucheza akiwa skuli tu, kwa sababu familia yake haimruhusu tena kutokana na kile kilichoonekana kuwa akiendelea atakuwa muhuni.

‘’Nilitamani siku moja nije niwe mwanamichezo maarufu duniani, lakini kipaji changu kimedumaa kwa sababu sikupata kuendelezwa,’’ anasema.

Mtoto Fatma Mkubwa mwenye umri wa miaka 15 mkaazi wa Mkoani anawashauri wazazi wawaruhusu washiriki michezo, kwani wanatamani kufika mbali.

‘’Nasisi tuna uwezo wa kucheza na tukafanya vizuri, hivyo wazazi musituzuie, michezo itasaidia kukuza vipaji vyetu,’’anasema.

Anasema, anacheza mpira wa mikono katika timu ya watoto wenye ulemavu huku ndoto yake siku moja ni kuona amefika nchi za Ulaya kwa ajili ya mchezo huo.


                            VIONGOZI WA SERIKALI

Afisa Mdhamini wizara ya Habari, Vijana, Utamaduni na Michezo Mfamau Lali Mfamau anasema, bado wananchi hususani Pemba, hawajawa na mwamko juu ya la michezo kwa mtoto wa kike, kwani wanahisi ni kitendo kinachokwenda kinyume na madili yao.

‘’Tukiangalia vipaji vya michezo kwa watoto wa kike tunavyo mitaani, lakini wazazi hawawaruhusu,’’ anaeleza.

Anasema, Idara ya Michezo imekuwa ikitoa fursa mbali mbali kupitia michezo, hivyo ni wakati kwa wazazi wa kiume  na wa kike kuamka na kuwahamasisha watoto wao wa kike kujiunga kwenye michezo, ili wafaidike na fursa zilizopo.


Khamis Hamad Juma ambae ni Naibu Katibu Mkuu wa Shirikisho la Mpira wa Miguu Zanzibar (ZFF) Ofisi ya Pemba, anasema ipo haja kwa Serikali, pamoja na wadau wa michezo kuwaelimisha wazazi hasa wa kiume juu ya  umuhimu wa michezo.

Anasema, ni vyema wakawaruhusu watoto wao wa kike kwenye michezo, kwani siku moja inaweza kuwa mkombozi wa maisha yao.

WANAHARAKATI

Amina Ahmed Mohamed kutoka Chama cha Waandishi wa Habari Wanawake Tanzania (TAMWA) kwa upande Pemba anasema, wazazi wa kiume wanahitaji kupewa elimu, ili waweze kufahamu umuhimu wa michezo kwa mtoto wa kike na wawaunge mkono.

Anasema, kutokana na itikadi potofu zinazojengeka katika jamii kwamba michezo kwa mwanamke  ni uhuni, wazazi wa kiume wanashindwa kuwapa nafasi watoto wao wenye vipaji vya michezo.

‘’Utakuta watoto wa kike wengi wanaishia kucheza michezo wakiwa skuli tu, wakimaliza vipaji hivyo vinakufa, kwa sababu imejengeka katika jamii kuwa michezo ni kwa wanaume tu,’’ anaeleza.


                    

                    

 

 

 

 

 

 



Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more