Hemedi alitwisha mzigo shirika la Nyumba la Zanzibar

 


                         Na Fatma Hamad- Pemba

Makamo wa pili wa Rais wa Zanzibar  Hemed  Suleiman Abdulla ameliagiza Shirika la Nyumba  kuendelea kujenga majengo ya kisasa katika mji wa Chakechake, ili uweze kuendena na mazingira ya sasa.

Makamo huyo ameyasema hayo wakati akifungua Nyumba za biashara na maakazi huko Mkungumalofa Chakechake  Mkoa wa  Kusini  Pemba.

Amesema  Serikali  ya  awamu ya nane, imedhamiria kujenga  majengo ya kisasa  katika  miji  yote  ya Zanzibar, ili kuona wananchi wake wanaishi katika majumba zenye hadhi na zenye kuvutia.

‘’Chakechake  ndio mji mkuu wa Pemba, nikuombe waziri wa Ardhi  kuhakikisha Chakechake  imebadilika, nakua mji wa kisasa,’’ameagiza.

Amesema majengo hayo ya kisasa yatawanufaisha wananchi kupata makaazi bora, pamoja  na wafanyabiashara wote, hivyo ni budi jamii kutoa mashirikiano na Serikali ili kuona majengo hayo yamesimama.


Aidha amewataka wananchi kuendelea kudumisha amani na utulivu, ili Nchi izidi kupiga hatua kimaendele.


 Mapema  waziri wa  Ardhi  nyumba na makaazi Zanzibar  Rahma Kassim Ali amesema,  wataendelea  kujenga majengo ya kisasa,  kili kuona miji  yote  ya  Zanzibar  inakua na hadhi.

 Akitoa tarifa ya kitaalamu Katibu mkuu wizara  ya Ardhi na maakazi Zanzibar  Khadija  Khamis  Rjab  amesema,  Jumla  ya  shilingi  Bilioni  moja  ishirini na sita zimetumika  kwa  ajili  ya ujenzi  huo, ikiwa ni  pamoja na kulipwa  mjenzi  na mshauri elekezi.

Amesema nyumba hiyo  yenye  Gorofa  nne inanyumba nane za maakazi  zenye  vyumba  vitatu,  Maduka 20  ilijengwa na Mkandarasi  wa  kampuni  ya  Zanzibar  Hause Coporation kwa kupitia  mshauri  elekezi  wakala  wa  majengo  Zanzibar  ZBS.

Kwa upande wake Mkuu wa Mkoa wa Kusini Pemba Rashid Hadid Rashid amesema   Mkoa  wake  utaendelea  kuunga  mkono jitihada za Rais wa Zanzibar,  ili kuhakikisha  amani na maendeleo  yanaendelea  kupatikana  Mkoani  humo.







Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more