WAANDISHI WA HABARI MSHICHOKE KUDAI MABADILIKO YA SHERIA.

 

Na Fatma Hamad- Pemba

Waandishi wa habari wamehimizwa kuendelea kuzipigia kelele Sheria za habari ziweze kurekebishwa, jambo litalopelekea kuondosha khofu na woga kwa wanahabari hao.

Akizungumza katika mafunzo ya siku mbili ya kuwajengea uwezo juu ya kufanya ushawishi na utetezi kwa Sheria za habari, kwa wandishi wa vyombo mbalimbali vya habari, Afisa programu kutoka Chama cha wandishi wa habari wanawake Tanzania TAMWA Zanzibar Zaina Abdala Mzee, amesema ipo haja kwa wandishi wa habari kupaza sauti zao kwa kuzisemea Sheria hizo, ili kuona kilio chao kimepatiwa ufumbuzi.

Afisa huyo ameyasema hao huko ukumbi wa Tamwa Chake chake Pemba, ambapo amesema endapo kilio cha wandishi wa habari kitazingatiwa na kupatikana kwa Sheria mpya za habari,  kutasaidia wandishi wa habari kufanya majukumu yao bila ya khofu wala woga wowote.

‘’Kama kutapatikana Sheria mpya ambayo itakua haina vifungu vinavyokwaza uhuru wa habari, kutawasaidia wandishi kufanya kazi zao wakiwahuru,’’ameeleza.


Akitaja vifungu ambavyo vimekua ni kandamizi kwa wandishi wa habari, Mkufunzi wa Mafunzo hao Haura Shamte  kutoka Chama cha Wandishi wa Habari Wanawake Tanzania [TAMWA]  Zanzibar amesema ni kifungu cha 4, na kifungu cha 27[1] vya sheria ya Usajili wa wakala wa habari Magazeti na vitabu No 5 ya mwaka 1988 iliyo rekebishwa na sheria no. 8 ya mwaka 1997.

Ameendelea kusema kuwa vifungu vengine ambavyo vimekua ni kikwazo kwa wandishi wa habari pamoja na vyombo vya habari ni kifungu cha 27 (1) na 27 (2) vya sheria ya Tume ya Utangazaji No. 7 ya mwaka 1997 kama ilivyofanyiwa marekebisho na sheria No 1 ya mwaka 2010.

Aidha ameendelea kusema kuwa  wakati umefika kwa wanahabari  kufanya utetezi kwa kina juu ya Sheria hizo, ziweze kufanyiwa marekebisho na kuona zinaendana na wakati.

‘’Kwa kweli sheria yetu imeshapitwa na muda tunaomba ifanyiwe marekebisho ili kuondoa vifungu ambavyo vinakinzana na uhuru wa vyombo vya habari, amesema.



Nao waandishi waliopata mafunzo hayo wameahidi kuendeleza mapambano ya kufanya ushawishi, ili kuona mamlaka zinazohusika na masuala ya Sheria, zinatimiza azma ya wandishi wa habari ya kupata Sheria mpya ambayo itakua rafiki kwao.

                           

 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more