Mkakati wa Polisi kwa wagombea wanawake katika Uchaguzi wa 2025

 


NA FATMA HAMAD-PEMBA

Ni wakati sasa wa dunia kutambua umuhimu wa wanawake katika uongozi,  kwani wanapokua  katika  ngazi za maamuzi  ni chachu ya kuondosha ubaguzi wa kijinsia, na kuleta maendeleo  ya  kiuchumi,  kijamii  na  kisiasa.

Hata hivyo idadi ya ushiriki wa wanawake katika vyombo vya maamuzi bado ni mdogo, hivyo ipo haja kuwekwa mikakati madhubuti, ikiwemo kutekeleza sheria ambazo zinazingatia mazingira salama naya uwazi kwa wanawake kuweza kushiriki katika uongozi.

Na ndio maana  Serikali ya mapinduzi Zanziba ikafanya marekebisho  ya sheria ya  vyama vya siasa Zanzibar  ya mwaka 2024,  ili kuondosha baadhi ya vifungu ambavyo vimekua ni kandamizi kwa wagombea wanawake.

Kutokana  na  hayo  wenzetu   wa Jeshi  la  Polisi Zanzibar  likaja na mkakati  makhsusi kwa ajili ya kuwalinda wagombea wanawake dhidi ya vitendo vya udhalilishaji,  ili kuona wanakua salama katika kipindi chote cha uchaguzi mkuu wa mwaka huu 2025.

JESHI LA POLISI

Kamishna Msaidizi wa Polisi Cyprian Mushi  akizungumza kwa niaba ya Kamanda wa Polisi Mkoa wa Kusini Pemba Abdallah Moh’d,  anasema, watahakikisha wanaimarisha ulinzi kwa wagombea wanawake dhidi ya vitendo vya udhalilishaji, ikiwemo kupigwa, kutukanwa na kunyanyaswa katika kipindi chote cha uchaguzi mkuu unaotarajiwa kufanyika Oktoba mwaka huu.

Anasema wapo baadhi ya wanawake ambao wana nia ya kuingia majimboni kugombea uongozi  ingawa, wamekua na hofu ya kufanyiwa kwa vitendo vya udhalilishaji.

Anasema, suala la kuchagua na kuchaguliwa ni haki ya kila raia kwa mujibu wa Katiba ya Zanzibar ya mwaka 1984, hivyo ni wakati wa akinamama kuhakikisha wanaingia kwa wingi kwenye chaguzi, ili wawe wengi kwenye vyombo vya maamuzi.

‘’Suala la uongozi si kwa mwanamme pekee bali hata mwanamke, hivyo msiogope kuingia majimboni, kwa sababu ni haki yenu kikatiba, msiwaachie wanaume pekee,’’ameeleza.

Anaeleza kuwa, katika uchaguzi mkuu wa mwaka 2025 watahakikisha wanaimarisha ulinzi mkali hasa kwa wagombea wanawake, ili kuona wanamaliza uchaguzi katika hali ya amani na usalama bila ya kupatwa na madhara yoyote.

Sambamba na hayo,  anawasisitiza wanawake ambao wataingia kwenye mchakato wa uchaguzi, kuhakikisha waimarisha suala la amani na utulivu wakati wote wa kampeni, wakati wa uchaguzi na hata utakapomalizika.

WAGOMBEA WANAWAKE

 Tumu Mwalimu  Khamis aliegombea ubunge kupitia Chama cha Mapinduzi (CCM) Jimbo la Wingwi anasema, wanawake wengi ambao wanania ya kuingia katika chaguzi hasa wa vijijini, wamekua wakirudi nyuma, kutokana na kuwa na hofu ya kufanyiwa vitendo vya udhalilishaji.

Anasema, ni ukweli uliowazi kwamba baadhi ya wagombea wanawake wamekuwa wakidhalilishwa kwa kutukanwa, kuitwa majina mabaya, kupigwa n ahata udhlilishaji wa kingono, jambo ambalo limesababisha wengi kukata tamaa.

Batuli Mussa Sharif kutoka Chama cha ACT Wazalendo mkaazi wa Sizini Wilaya ya Micheweni Mkoa wa Kaskazini Pemba anasema Jeshi la Polisi litafanya jambo la msingi kwani kutapunguza vitendo vya udhalilishaji dhidi ya  wagombea wanawake.

Anasema  tunatamani sana mkakati huo ukafanyiwa kazi ipasavyo, kwani wanawake waliowengi wanarudi nyuma kujingiza majimboni kugombea, kwani wanaogopa vishindo ambavyo hujitokiza katika kipindi cha Uchaguzi mkuu.

‘’Kama kweli Jeshi la Polisi litatekeleza vyema mkakati  wao hu wa kuweka ulinzi kwa wagombea wanawake, itakua ni chachu ya ukuwaji wa harakati za kisiasa katika Nchi yetu,’’anasema.

Maryam Saleh Juma aliegombea Ubunge jimbo la Ole mwaka 2020, kupitia chama cha Ukombozi wa Uma (CHAUMA ) anasema, endapo wagombea wanawake watawekewa ulinzi madhubuti, kutasaidia kuwatoa hofu na kua na imani ya maisha yao wakati wote wa Uchaguzi.

JAMII

 Juma Kombo Hamad mkaazi wa wingwi Wilaya ya Micheweni Pemba anasema wakati wa Uchaguzi kumekua kukijitokeza vurugunyingi na kupelekea wanawake wengi kuogopa kugombea kwa kuhofia juu ya usalama wao.

‘’Ni jambo jema Jeshi la Polisi kuhakikisha linaimarisha ulinzi ili kuhakikisha wagombea wanawake wanaepukana na matatizo kwa wakati wote wa uchaguzi,’anasema

Faudhia Muhammed mkaazi wa Micheweni anasema kama Jeshi la Polisi litasimamia ipasavyo harakati za uchaguzi kutaepusha kutokea kwa vitendo hivyo vya udhalilishaji, kwa wagombea wanawake na hata jamii kiujumla.

‘’Tumekua tukishuhudia wakati wa Uchaguzi baadhi ya wagombea hususani wanawake wamekua wakikumbana na vitendo vya kikatili, jambo linalorejeshanyuma juhudi za wanawake katika kufikia ndoto zao,’’anaeleza.

 VIONGOZI WA VYAMA VYA SIASA

Habib  Ali Khamis  katibu wa  Chama cha  Democrasia na Maendeleo  (CHADEMA)  kanda  ya Pemba  anasema kama Jeshi la Polisi litasimama  kuwalinda  wagombea wanawake  katika kipindi chote cha Uchaguzi, itakua ni chachu  ya  wanawake  kugombea  kwa  wingi majimboni katika  uchaguzi  wa  mwaka  huu.

‘’Kama  watawalinda   wagombea   wanawake  wa vyama vyote,  kama  walivyoeka ulinzi kwa  wagombea wa Uraisi,  kwa  kipindi  chote  cha  uchaguzi kutawafanya wanawake  wasiogope kugombea,  kwani itakua wana ulinzi wa kutosha’’anaeleza.

Mwenyekiti wa Chama cha ACT Wazalendo Mkoa wa Micheweni kichama Rashid Khalid Salim , analipongeza Jeshi la Polisi kwa kuandaa mkakati huo wa kuwahakikishia wagombea wanawake usalama wao kwani kutatoa fursa zaidi kwa wanawake wengi kuingia majimboni kugombea nafasi mbali mbali za uongozi.

WANAHARAKATI

Mkurugenzi wa Chama cha Waandishi wa Habari Wanawake Tanzania (TAMWA) Zanzibar  Mzuri Ali Issa anasema, hofu ya usalama ni jambo linalozuia wanawake wengi kushiriki siasa.

“Wanawake hukumbwa na vitisho vya moja kwa moja vinavyohatarisha maisha yao na ya familia zao, hili huwatisha hata wale walio tayari kugombea,” anasema.

Anaeleza, kutokana na wanawake na makundi maalumu kuwa na wasi wasi na vurugu za uchaguzi, anapendekeza kifungu kipya kinachozungumzia ulinzi na usalama wakati wa uchaguzi ambacho kinaitaka Tume ya Uchaguzi kuwa na Polisi mahususi kwa ajili ya uchaguzi na kuwapangia majukumu kwa namna ambavyo itafaa.


Mshauri Elekezi na Mchambuzi Masuala ya Utawala Bora na Mtetezi wa Demokrasia, Almas Suleiman anasema, ili nchi iwe na demokrasia lazima isimamie yale ambayo wananchi wake wanayataka kwa mustakbali mzuri.

‘’Siasa safi kwa kila mmoja ni wajibu kusimama na kuwajibika kwa nafasi yake ikiwezekana demokrasia ya kweli, itachukua nafasi yake na sio kuilazimisha kwa nguvu”anamalizia.

MWANASHERIA

Mwanasheria wa kujitegemea kutoka wilaya  ya Chakechake Mkoa wa Kusini Pemba Khalfan Amour Mohamed anasema Jeshi la Polisi likisimamia sheria zao ipasavyo na wakaweza kuweka ulinzi wa hali ya juu kwa wagombea wanawake katika uchaguzi  wa mwaka huu, kutawafanya waondokane na woga na kupelekea kuingia  majimboni  kwa wingi.

‘’Endapo Jeshi la Polisi litasimamia ipasavyo wanawake watakua huru, na watagombea, na kuingia kwa wingi katika ngazi za maamuzi,’’anaeleza

Moja ya jukumu la  Sheria ya Tume Huru ya Taifa ya Uchaguzi ya Mwaka 2024, ni kuandaa na kusimamia Kanuni za Maadili ya Uchaguzi.

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more