Wananchi wahimizwa kujiandikisha kwenye daftari la mpiga kura


 

                          NA FATMA HAMAD PEMBA.

Wananchi ambao wameshafikia sifa za kuwa wapiga kura wametakiwa kujitokeza kwa wingi kujiandikisha  katika uboreshaji wa Daftari la kudumu la mpiga kura linalotarajiwa kuanza hivi karibuni.

Wito huo  umetolewa na Makamo mwenyekiti wa Tume huru ya Taifa ya Uchaguzi Jaji mstafu wa Mahkama ya Rufaa  Mbarouk Salim Mbarouk katika mkutano wa wadau wa Uchaguzi kuhusu uboreshwaji wa Daftari la kudumu la mpiga kura, huko Makonyo Chake chake Pemba.

Amesema ili kufanikisha ipasavyo zoezi hilo ni vyema wananchi kushirikiana na tume huru ya uchaguzi,na kuhakikisha wenye sifa za kuwa wapiga kura wanajitokeza kujiorodhesha kwenye daftari hilo.

‘’Ndugu wananchi tufahamu Tume huru ya uchaguzi imeanza na zoezi la uboreshaji wa Daftari la kudumu la mpiga kura,hivyo tuhakikishe kila mwenye sifa anapata haki yake hiyo,’’alisema.

Alisema kwa mujibu wa kifungu cha 16 cha Sheria namba Moja ya mwaka 2024, Sheria ya Uchaguzi wa Rais, Madiwani na wabunge itahakikisha inamuandikisha  katika Daftari la kudumu la mpiga kura mwananchi yoyote wa Tanzania aliekosa sifa ya kujiandikisha kwenye Tume ya Uchaguzi ya Zanzibar.

Alieleza kuwa kwa upande wa Pemba Tume inatarajia kuandikisha wapiga kura wapya 8,162 ikiwa ni ongezeko la asilimia 18 ya wapiga kura wapya45,643waliopo kwenye Daftari la kudumu la wapiga Kura.

Aidha aliendelea kusema kuwa jumla ya vituo 40,126 vya kuandikisha wapiga kura vitatumika katika uboreshaji wa Daftari mwaka huu wa 2024.

Alieleza kuwa kwa upande wa Tanzania bara kuna jumla ya vituo 39,709, ikiwa Zanzibar ni 417, ambapo kuna ongezeko la vituo 2,312ikilinganishwa na vituo 37,814 vilivyotumika mwaka 2019/2020.

Aidha aliwasihi viongozi wa vyama vya siasa kuepuka kuingia katika  vituo vya kuandikisha ili kuepusha vurugu wakati wa zoezi hilo.

‘’Niwaombe ndugu viongozi kama kutatokezea tatizo basi ni vyema mkafuata njia sahihi kwa ajili ya kwenda kupeleka malalamiko yenu, na sio kuingia kwenye vituo ya uandikishaji,’’alieleza kwa msisitizo.


Mapema akiwasilisha mada ya uboreshaji wa Daftari la mpiga Kura Kaimu mkurugenzi wa Uchaguzi Giveness Nswile alisema kwa mujibu wa kifungu cha 10 cha sheria ya Uchaguzi wa Rais, Wabunge na Madiwani sheria namba moja ya mwaka 2024 miongoni mwa wananchi ambao hawana sifa za kuandikishwa katika Daftari hilo ni mtu asie na akili timamu, pamoja na asiekua raia wa Tanzania.

Kwa upande wake Balozi Omar Ramadhan Mapuri aliwasisitiza wadau walioshiriki mkutano huo kuwa mabalozi wa kuwaelimisha jamii kuhakikisha wanajitokeza kwenye  Daftari hilo ili waweze kuja kupata fursa yao ya kuwachaguwa Viongozi wanaowataka hapo mwakani.

Nao washiriki wa mkutano huo wameihakikishia Tume huru ya Taifa kutoa elimu kwa jamii na kuhakikisha kila mwenye sifa anapata haki yake hiyo.

Kauli mbiyu ya zoezi hilo la uboreshaji wa Daftari kujiandikisha  kuwa mpiga kura ni msingi wa Uchaguzi bora. 



     

 

 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more