Wananchi nendeni mkaripoti kero zenu


 

                               NA FATMA HAMAD PEMBA.

Mkuu wa wilaya ya  Wete Hamad Omar Hamad amewataka wananchi wa mkoa wa Kaskazini Pemba kujitokeza kwa wingi katika kambi ya utoaji wa huduma ya Msaada wa kisheria ili waweze kupeleka matatizo yao na kupatiwa ufumbuzi.

Mkuu huyo ameyasema hayo huko Micheweni wakati wa uzinduzi wa Kampeni ya  Msaada wa kisheria ya Mama Samia kwa niaba ya Mkuu wa Mkoa wa Kusini Pemba Mattar Zahor Masoud amesema Kambi hiyo ya siku tatu itawasaidia Wananchi kupata huduma na pia kujua wapi waripoti malalamiko yao.

Amesema Jamii imekua ikikabiliwa na matatizo mbali mbali ikiwemo ya Ndoa, Ardhi,Mirathi, na Udhalilishaji hivyo ni wakati wananchi kuitumia fursa hiyo ili kuweza kupatiwa msada wa kisheria.

‘’Kambi hiyo itajumuisha Wanasheria, watoa huduma ya msaada wa kisheria hivyo tuwatumieni  kwani ni bure hakuna malipo yoyote,’’alisema.

Kwa upande mwengine Hamad amewataka Wandishiwa Habari kutumia kalamu zao kwa kuwafahamisha wananchi ili waweze kufahamu na kujitokeza kwenye kambi hiyo.


Mapema akitoa salamu kutoka UN WOMEN Recho Goma amesema takriban wanawake Bilioni 2.5  dunia wanakabiliwa na changamoto ya upatikanaji wa huduma za kisheria.

Amesema uwepo wa Mswaada  wa kisheria ni suala mtambuka kwani kutasaidia upatikanaji wa huduma za kisheria kwa Jamii.


Afisa mdhamini wizara ya Katiba, Sheria, Utumishi wa Umma na Utawala bora Halima Khamis Ali amesema wameamua kueka kambi hiyo Micheweni kwa makusudi ili kuona wananchi wasio na uwezo na wao wanafaidika msaada huo.

‘’Tunafahamu kuna watu hawajui hata pakukimbilia wala pakuanzia wakiwa na matatizo, hivyo kambi ii itakuwa ni Faraja kwao,’’ anasema.


Nae Mkurugenzi wa Idara ya Katiba na Msaada wa Kisheria Hanifa Ramadhan Said amesema lengo la kampeni hiyo  ni kuona kila mwananchi anapata haki ya sheria.

‘’Hakuna kuachwa mtu nyuma tutahakikisha kila mzanzibari anapata haki ya kisheria na anazimtambua sheria,ameeleza.



Kambi hiyo ya utoaji wa huduma ya Msaada wa kisheria imenza October 17  hadi 19, ambapo Wanasheria, Pamoja na Mamlaka zote zinazohusika na masuala ya kisheria watapatikana katika kambi hiyo.

 


Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more