Wakulima waikumbusha jambo Serikali


NA FATMA HAMAD, PEMBA

Wananchi kisiwani Pemba ambao walikatiwa mikarafuu yao kwa ajili ya kupisha miundombinu ya umeme wameiomba Serikali ya Mapinduzi kuwalipa fidia zao wakulima hao.

Wakizungumza katika hafla ya ugawaji wa zawadi kwa washindi wa Vuna na Tigo pesa mkulima Khamis Juma Khamis na Halima Mohamed Seif huko Makonyo Chake chake Pemba walisema walikatiwa mikarafuu yao na kuahidiwa kulipya ila hadi leo hakuna chochote walichokipata.

Walisema kuwa karafuu ndio zao kuu wanalolitegemea kujipatia kipato, hivyo ni vyema Serikali kulikalia kitako na kuhakikisha wanalipatia ufumbuzi suala hilo.

‘’Tulikatiwa Mikarafuu yetu na tukaahidiwa tutalipwa ila hadi sasa hakuna lolote tulilolipata’’,walisema.

Mapema mkulima Ali Kombo Hamad alisema katika msimu wa karafuu ujao ni vyema shirika la biashara la ZSTC kuboresha miundombinu ya kiwanda cha kununulia Makonyo kilichopo wawi, kuhakikisha kinafanya kazi ili kuwaondoshea usumbufu wananchi wanao kuja kuuza makonyo yao.

‘’Tulichukuliwa viwanja vyetu kwa ajili ya kujengewa kiwanda cha kuzalishia Mafuta ya Makonyo ila tunaona hakina faida yoyote, tunahangaika,’’pakuzia makonyo yetu,’’alisema.

Kwa upande wake Ali Juma Ali alilitaka shirika la Biashara la ZSTC kuhakikisha wanapogawa Mikarafuu kwa wakulima kuwapatia miche ya kutosha ambayo itawafanya waweze kuotesha na kuzalisha kwa wingi.

‘’Unaweza ukapanda mashina 15 ikaweza kuota  mitatu, hivyo tunaomba mnapotoa msitupe miche kidogo,’’alidai


Nae waziri wa Biashara na Viwanda Zanzibar Omar Said Shaban aliwatoa hofu  wakulima hao huku akiwahidi kulipwa fidia zao ndani ya mwaka huu wa 2024.



  

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more