TIGO ZANTEL wautunisha mfuko wa fidia kwa wanaoanguka mkarafuu





                          NA FATMA HAMAD,PEMBA

Mtandao wa simu wa Tigo Zantel umechangia shilingi milioni 350 kwenye mfuko wa fidia kwa ajili ya watu wanaopata ajali ya kuanguka mkarafuu wakati wakiwa katika harakati za uchumaji wa zao hilo.

Akizungumza mara baada ya kukabidhi mfano wa hundi ya milioni 350, huko Makonyo Chake ghake  Pemba, Mkurugenzi wa mtandao wa Simu wa Tigo Zantel Azizi Said Ali alisema wameamua kuchangia fedha hizo, ili

kuuboresha mfuko huo ambao utawanufaisha wahanga.

‘’Kwa vile na sisi Tigo ni sehemu ya familia tumeamua kutoa mchango wetu ili kuona wanaopata ajali nawao wanaingizwa katika bima maalum,’’alisema.

Akifungua hafla hiyo ya ugawaji wa zawadi kwa washindi wa vuna na Tigo pesa, Waziri wa biashara na Viwanda Zanzibar Omar Said Shaban amewataka wakulima wa zao hilo kuendelea kutumia mfumo wa malipo wa Tigo pesa katika kuuza karafuu zao.

‘’Niwaombe wananchi wenzangu endelea kuunga mkono mfumo huo,msisikilize maneno ya wasiopenda maendeleo,’’alieleza.

Aidha aliutaka uongozi wa Tigo pesa katika msimu wa vuna na tigo pesa ujao, kuhakikisha wanatoa zawadi ya gari kwa wakulima watakaouza karafuu zao na kupokea malipo kupitia Tehama, ili kuwatia hamasa wananchi kuutumia mfumo huo.

Akiwasilisha mfumo huo wa Tehama Mkurugenzi mkuu wa Tehama kutoka shirika la Biashara la ZSTC Najma Nuhu alisema kuna hatua tano ambazo mkulima atazipitia kabla ya kupokea malipo yake.

Alisema miongoni mwa hatua hizo ni pamoja na Usajili, Kutoa daraja, Kuchunga ili kupata karafuu safi, Kupima na mwisho ni malipo.

Alifahamisha kwa kupitia mfumo huo mkulima atapokea ujumbe wake wa malipo kwenye simu yake kabla ya kuondoka kituo cha kuuzia karafuu.

‘’Mfumo wetu ni wa papo kwa papo mkulima atapokea malipo yake akiwa yupo pale pale kituoni,’’alisema.

Nao wakulima ambao wamepokea zawadi walisema utaratibu huo ambao wameufanya Tigo zantel wa kutoa zawadi, utawahamasisha wananchi kuuza karafuu zao kwa kutumia mfumo huo wa kisasa


Katika hafla hiyo jumla ya washindi 25 wa Vuna na Tigo pesa walizawadiwa zawadi, ambapo 20 wamezawadiwa simu janja, Watatu walipokea Baskeli na wawili walipatiwa Piki piki.  



 

 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more