MTAZAMO WA UISLAMU NA MICHEZO KWA MWANAMKE


-Kumbe haumjamkataza hata chembe na hasa akiyafuata haya

NA FATMA HAMAD, PEMBA

WATU wengi wamekua na mawazo kwamba, uislamu unakataza mwanamke asishiriki michezo, kwani wanahisi atavaa nguo zisizo sahihi (za uchi).

 Jambo linalowatia hofu wanajamii ya kiislamu na kupelekea ushiriki mdogo wa wanawake, pengine kwa dhana za kuwa michezo ni uhuni kwao.

 Na hili linaweza kuchangiwa na ushiriki mdogo kati yao na wanaume kwa michezo kadhaa ambayo mwanamke wa kiislamu alipaswa ashiriki kwa kuonesha kipaji chake.

 Ingawa historia ya uislamu, inaonesha michezo ilianza tokea  kipindi cha  MTUME MUHAMMAD (S,A,W), kwani Mtume alikua akicheza michezo kama vile ngware, Ngumi yeye na maswahaba zake, huku akiwa amefunga pazia na  mke wake Bibi Aisha (A,S) akiwa  anangalia na kushangilia.

Ukhti Amina Abdala Omar Katibu  wa Tasisi ya  Akinama ya Akhlasi L islamia (JAI) anasema mwanamke  wa kiislamu  ameruhusiwa kucheza michezo kama atavaa nguo zake za stara.

Kuna hadithi moja Omar Bin khatwab ( R,A) alimkuta Mtume (S,A,W) kakaa na wanawake wakiwa wanazungumza na wanacheza, akaghadhibika kwanini wanacheza na Mtume wakiwa hawakuvaa hijabu,

 Mtume akamuambia usiwe na munkari Omari, kwani yeye shetani wake kazuiwa kuangalia maaswi, kipindi hicho ilikua hakuja halalishwa vazi la hijabu.

Mwanamke anaruhusiwa kucheza michezo ambayo si ya nguvu, haitopelekea kuumizana mfano mchezo wa mpira wa mikono, kuogelea, Ngonjera.

 Ingawa kama watacheza michezo ambayo inashabihiana na wanaume kamavile mpira wa miguu, Kupanda Minazi basi wavae nguo zao kamaili anazostahiki kuvaa mwanamke wa kiislamu.

Hivyo ni dhahir kwamba, uislamu umerusuhu michezo kwa mwanamke kama atafuata masharti yaliowekwa.

WACHEZAJI WANAWAKE

Mchezaji wa Simba Queens Fatuma Issa 'Fetty Dansa', anasema yeye amejizolea umaarufu mkubwa si tu uwanjani, bali pia kutokana na uvaaji wake wa hijabu akiwa anatandaza soka dimbani.

‘Fetty Densa’ ambaye ni nahodha wa Simba Queens iliyopo mkoani Iringa, anasema awali alikuwa hachezi na hijabu na kwa  mara ya kwanza, alipoamua kuanza kuvaa ilikuwa shida, lakini kwa sasa haoni tatizo lolote.

 "Kwangu haina shida yoyote kucheza nikiwa nimevaa ushungi, ni kawaida na ninaamini kupitia mimi kuna watu wengine watajifunza kupitia hichi ninachokifanya kwa kuona ni kitu kizuri,"anasema.

 Kul -thum Ali Khamis mchezaji wa mpira wa miguu katika timu ya Wete Star (Women Club) anasema uislamu unakataza michezo pale ambapo mtakuwa hamvai nguo za kujistiri, wakati mnapokuwepo uwanjani.

 ‘’Sisi tunacheza tukiwa tumevaa suruali refu, Mashati makubwa pamoja na vilemba ili kutimiza matakwa na misingi ya dini ya kiislamu,’’anaeleza.

 Fatma Mkubwa Mussa mkaazi wa Mtuhaliwa Mkoani, anaecheza mpira wa mikono, anasema wanacheza wanawake watupu hawachanganyiki na wanaume huku wakiwa na nguo zao za stara.

 ‘’Tunacheza wanawake watupu, na tumekua tukivaa Mashungi, soksi pamoja na mabaibui, ili kukizi vigezo vya Imani yetu,’’anafafanua.

 

JAMII

Khadija Abdala Nuhu kutoka Wete, anasema uislamu haujakataza mwanamke asishiriki michezo, hiyo ni mitazamo tu ya watu kuitafsiri wapendavyo.

 ‘’Hivyo ni vikwazo tu vya binadamu kutuzuia wanawake tusishiriki michezo, kwani tunacheza tukiwa na nguo zetu za stara,’’anasema’.

 Anaeleza kuwa, ni vyema Wizara ya Michezo kutoa taaluma kwa viongozi wa dini pamoja na walimu Madrasa, ili kuona kwamba wanawapa fursa watoto wa kike, kushiriki michezo

 Abdalla Ali Abdalla wa Kiuyu Minungwini, anasema  dini ya kiislamu haijambagua mwanamke kwamba asishiriki michezo, kwani na yeye ni binadamu anastahili kupata fursa zilizomo.

 ‘’Uislamu haujamkataza mwanamke asishiriki michezo, isipokua tu wamewekewa masharti malum ikiwa ni pamoja kuvaa nguo za stara,’’anasema.

WANAHARAKATI

Fat-hya Mussa Said, ambae ni Mratibu wa Chama cha Waandishi wa habari wanawake Tanzania TAMWA-Zanzibar ofisi ya Pemba, anasema uislamu haujamkataza mwanamke asishiriki michezo, kwani historia  inaonesha kwamba hata mke wa Mtume Muhammad (S,A,W) Bi Khadija (A,S) alikua akicheza michezo na mumewe.

‘Watu wanaimani kwamba wanawake wanapocheza watavaa nguo ambazo ni kinyume na dini, ingawa sio hivyo tunaweza kuvaanguo zetu za kiislamu na tukaweza kufanya vizuri,’’anaeleza.

Amina Omar, Msellem anaeleza kuwa, wanawake wanaweza kucheza na huku wakiwa wamevaa mavazi yao ambayo yanaendana na dini yao bila ya tatizo lolote.

‘Sio lazima kwamba wanawake wavaenguo za michezo kama za wanaume, bali wao wana weza wakava hata mashungi mbaibui ama mashati makubwa na masuruali mapana ambayo haziwavunjii heshima,’’anaeleza.

OFISI YA MUFTI

Sheikh Said Ahmed Mohamed, kutoka Ofisi ya Mufti Pemba, anasema mwanamke wa kiislamu ameruhusiwa kushiriki michezo kadhaa ikiwa atakumbuka kujistiri na kuhifadhi maungo yake.

‘’Ni haramu kwa mwanamke kucheza michezo akiwa amechanganyika na mwanamme, wacheze wanawake watupu nao wakiwa wamejihifadhi,’’anafafanua.’

Anasema endapo mwanamke atacheza michezo akiwa amevaa nguo ambazo zimemsitiri hazioneshi maungo yake, basi si kharamu kwa wao  kushiriki michezo waitakayo.

‘’Uharamu haukuja kwenye michezo, bali umekuja pale ambapo atacheza akiwa hakuvaa nguo ambazo sio za kujisitiri,’’anaeleza.


Katiba ya Zanzibar ya mwaka 1984 kifungu cha 12 (1) kinafafanua kuwa, watu wote ni sawa mbele ya sheria, na wanayo haki bila ya ubaguzi wowote, kulindwa na kupata haki sawa.

Katika utekelezaji wa Sera ya michezo ya Zanzibar ya mwaka 2018, moja ya mkakati wa serikali, ni kuhakikisha mashindano yanayoandaliwa Zanzibar hayasababishi athari mbaya kwa mazingira ya nchi.


 

  


 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more