WANANCHI WAHIMIZWA KUJITOKEZA KUPATA MATIBABU





                                 NA FATMA HAMAD,PEMBA

Wananchi wa mkoa wa Kaskazini Pemba wametakiwa kujitokeza kwa wingi katika kambi ya uchunguzi na matibabu iliyopo Micheweni uwanja wa kwa mshaame mata, ili waweze kuchunguzwa na kujulikana matatizo yao na kupatiwa tiba.

Wito huo umetolewa na mkuu wa mkoa wa Kaskazini Pemba Salama Mbarouk Khatib wakati akizungumza na wananchi wa mkoa  huo katika uzinduzi wa kambi ya Uchunguzi na Matibabu iliyoandaliwa na tasisi ya Zanzibar Maisha bora Fondation huko Micheweni Pemba alisema matibabu hayo yatatolewa bure kwa wanachi wote.

Alisema lengo la Serikali  ya Mapinduzi ni kuona wananchi  wanaishi wakiwa na afya njema, hivyo ni vyema kila mwenye matatizo kufika katika kambi hiyo ili aweze kuchunguzwa na kupatiwa huduma bora za afya.

‘’Taifa bora linajengwa na jamii iliyo bora, hivyo msione tabu kuja kupata tiba kwani ni bure,’’alisema

Alisema endapo kama kutakuwa na wagonjwa watashindikana kupatiwa matibabu, katika kambi hiyo watapewa rufaa na kwenda kutibiwa sehemu nyengine.

Aidha kwa upande mwengine aliwataka wananchi hao kufanya mazoezi kwa wingi ili waimarishe afya zao, na waondokane na maradhi nyemalezi.




Kwa upande wake Afisa mtendaji mkuu wa tasisi ya Zanzibar Maisha bora Fondation Fatma Fungo alisema katika mikoa ya Kaskazini ya visiwa vya Zanzibar  imegundulika kuwa takriban asilimia 48 ya  wanawake  wenye umri wa kubeba ujauzito wamekuwa  wakikabiliwa na changamoto ya lishe duni, hali ambayo inaleta athari kwa mtoto anaezaliwa.

‘’Kambi hizi tumeziweka zaidi katika mikowa ya kaskazini ili kutatua tatizo hilo la lishe katika mikoa hiyo,’’alisema

Alisema mwenyekiti wa tasisi hiyo Maryam Mwinyi alisema atahakikisha anapambana na changamoto hiyo ya lishe ili kuona hakuna  mtoto anaezaliwa na udumavu.


Afisa mdhamini wizara ya afya Pemba Khamis Bilali Ali alisema katika kipaombele cha wizara ya afya ni kuona wanaboresha huduma za afya ya msingi kwa wananchi wote.

‘’Tumejipanga, Kutoa huduma bure, kuanzia kwenye vipimo na madawa,’’alisema.

Aidha aliwata wananchi kujitokeza kwa wingi katika uchangiaji wa damu sama, kwa ajili ya kuisaidia jamii.

Katika  kambi hiyo jumla ya watu 50 wanatarajiwa kupatiwa matibabu ya maradhi mbali mbali ikiwemo Saratani ya shingo ya mlango wa kizazi, Saratani ya matiti, huduma za afya ya mama na mtoto, macho, Koo, Pua, upimaji wa vipimo vya kimaabara, huduma rafiki kwa vijana pamoja na chanjo ya Uviko 19. 


   

 

  

 


 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more