MAMA AJIFUNGUA NA KUMFUKIA MTOTO MCHANGA

 
 
PICHA NA MAKTABA

 

                   NA FATMA HAMAD, PEMBA

 

Mama mmoja anayefahamika kwa jina la Mchanga Omar Said anayekadiriwa kuwa na umri wa miaka 35 mkaazi wa Kijiji cha Sizini Wilaya ya Micheweni Mkoa wa Kaskazini Pemba,anadaiwa  kumfukia mtoto mchanga mara  baada ya kujifungua.  

 Mama huyo akiwa kwa sasa ni mjane akiwa na watoto saba ambaye alitengana na Mwenza wake kwa zaidi ya miaka miwili ambapo kwa sasa anashiliwa na Jeshi la Polisi.

 Akizungumza juu ya tukio hiilo Mkuu wa Wilaya ya Micheweni, Mgeni Khatib Yahya, alisema Jumamosi Mei 18 saa 5 asubuhi alipokea  taarifa za mama huyo kuwa alijifungua  na alichojifungua hakikuonekana,  Wananchi walifuatilia suala hilo na kugundua kuwa mama huyo alijifungua na kisha kumfukia mtoto kibandani mwake.

 

Mkuu huyo wa wilaya alisema alimwita mama huyo na kuzungumza naye ambaye alimueleza kuwa sababu kubwa ya kumfukia mtoto wake mchanga ni umasikini unaomkabili kwani hana mtu wa kumtegemea ndio maana akaamua kuchukua uamuzi huo.

 Mgeni alisema maamuzi aliyochukua mama huyo sio ya kiutu na ni kitendo cha jinai. Alichokifanya ni ukatili unaoangukia chini ya sheria ya mauaji, kwa hiyo  Serikali itamchukualia hatua stahiki kwa kitendo hicho.

 Hata hivyo alisema Mama huyo alihofia kupata aibu kwa jamaa na marafiki kwa kujifungua kichanga hicho Nje ya Ndoa na kukuamua kufanya umuamuzi huo.

 ‘’Juzi tarehe 18 mwezi huu nilipokea taarifa kutoka kwa wasamaria wema kwa walimuona mama huyo akiwa na ujauzito lakini mwisho wa siku wanamkuta hana tena ujauzito na wala hana mtoto,” alisema.

 Aidha alisema mama huyo hakupaswa kufanya kitendo hicho ilikuwa kama aliona hali sio mzuri angalikwenda kuripoti ofsini kwake kuangalia namna ya kumsaidia lakini hakufanya jambo hilo.

 

Akizungumza kwa niaba ya Mganga Mkuu wa Hospital ya Micheweni Daudi Rashid Mkasha, alisema walipofika eneo la tukio walikona eneo lililochimbwa na kufukiwa, wakafukua na kukuta mwili wa mtoto ukiwa tayari umeshaharibika.

 ‘’Tulifika kwenye tukio hilo tukaona kwenye jiko lake kafukia kisha juu kaweka kuni tukafukua tukakuta mtoto kashaharibika tukaona mifupa hali hiyo imetuhuzunisha sana kuona kichanga kimepoteza maisha’’alisema.

 Suleiman Shaame Hamad, ni Sheha wa Sizini alikiri kutokea kwa tukio hilo na kushangazwa kitendo cha mama huyo kuchukua hatua ya kukifukia kichanga kisichokuwa na hatia.

 Inasemekana baada ya mama huyo kugundua kuwa wananchi wameshapata taarifa za tukio alilolitenda alitaka kujinyonga lakini Jeshi la Polisi lilifanikiwa kumtia mbaroni.








 

 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more