JAMII YATAKIWA KUWACHA TABIA YA KUWAFICHA WADHALILISHAJI

 


                            NA FATMA HAMAD,PEMBA

Mkuu wa wilaya ya Micheweni Mgeni Khatib Yahya ameitaka Jamii kuwa mstari wa mbele kutoa mashirikiano kwa  vyombo vya Sheria wakati kunapotokea vitendo vya udhalilishaji wa kijinsia Vijijini mwao.

Mkuu huyo ameyasema hayo wakati akifungua kongamano maalumu la kuadhimisha siku 16 za kupinga ukatili dhidi ya Wanawake na watoto, ambalo limeandaliwa na Jumuiya ya Sauti ya Vijana [Youth  Voice Oganization] lililofanyika Tumbe Mashariki wilaya ya Micheweni Pemba.

Amesema suala la udhalilishaji bado ni tatizo ambalo linaendelea kuiathiri Jamii, hivyo ni wakati kwa jamii kuacha muhali na kuvunja ukimwa kusimama kidete kutoa ushahidi ili kuona wahalifu wanaotenda makosa hayo wanatiwa hatiani jambo ambalo litaondosha vitendo hivyo viovu ndani ya jamii.

‘’Nashangaa sana eti unamuonea huruma mdhalilishaji kisa ni mtoto wa kaka yako, Dada yako, Mjomba wako, mbona yeye hakuona aibu kukudhalilishia mtoto wako,alisema.

Alisema katika wilaya ya Micheweni wamekua wakijitahidi kupambana na udhalilishaji ili kuona unaondoka, lakini bila ya kuwepo na  mashirikiano ya pamoja kati yao na jamii sio rahisi kufanikiwa, bali mutaendelea kuwatupia lawama Polisi na mahakama kila siku kwamba hawatendi haki.

Hata hivyo aliwataka wazazi na walezi kuwa karibu pamoja na kufuatilia nyendo za watoto wao ili, waweze kuwalinda na vitendo hivyo.

 Kwa upande wake Mwenyekiti wa Sauti ya Vijana Pemba Said Mussa Rashid alisema licha ya Elimu inayotolewa kisa siku kwa jamii juu ya madhara ya udhalilishaji, lakini bado jamii imegubikwa na jinamizi la Ruswa muhali, jambo ambalo linapelekea kesi nyingi za udhalilishaji kushindwa kupata hatia.

‘’Sababu kubwa inayokwamisha kesi za udhalilishaji zisiendelee ni rushwa muhali inayotawala katika jamiizetu, alieleza.

Aidha alieleza kuwa ni vyema jamii kubadilika na kila mmoja kuumwa na mtoto wa mwenzake  jambo ambalo  litasaidia kuwalinda na vitendo vya ubakaji.

 Nae Mkaguzi Msaidizi wa Jeshi la Polisi Haji Abasi alisema wapo baadhi ya wazazi wamekuwa wakiwafanya watoto wao kama ni vitega uchumi hali ambayo inapelekea udhalilishaji zaid kwa muathirika.

‘’Mtoto  ameshabakwa wazazi  mnadai pesa na kumnunulia kitu cha thamani, kufanya hivyo tunazidi kuwadhalilisha watoto wetu tuacheni hilo jamani, alisema.

Hivyo alitaka Jamii kuripoti katika vyombo vya Sheria vitendo vya udhalilishaji na sio kuzimalizia kifamilia.

 Katika madhimisho hayo kauli mbiyu ya mwaka huu inasema Wekeza kuzuia ukatili dhidi ya Wanawake na watoto.

 
 

 

 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more