KUKIMBIA KWA WATUHUMIWA KUNACHANGIA KUONGEZEKA KWA UDHALILISHAJI

 

NA FATMA HAMAD, PEMBA

UKIMBIAJI wa watuhumiwa wa matukio ya udhalilishaji ni moja ya sababu inayokwamisha kesi za udhalilishaji zisiendelee na kushindwa kupata hatia.

Wakizungumza katika mkutano wa kuwasilisha ripoti za udhalilishaji za mwaka 2023,huko ofisi za Tamwa Chake chake, wanamtandao wa kupambana na udhalilishaji kisiwani Pemba wamesema jambo ambalo limeonekana ndio muaraubaini wa kumaliza kesi za udhalilishaji, ni kuwakimbiza watuhumiwa wa makosa hayo.

‘’Kesi zinakaa kwa muda merefu vituo vya Polisi ukiuliza unambiwa inafanyiwa uchunguzi, lakini ukiangalia huyo mtuhumiwa mwenyewe alishakimbia, sasa sjui anafanyiwa uchunguzi nani, kweli hivi tutafika wapi jamani,’’walisema.

Walieleza kuwa kuna mchezo maalumu umekuwa ukichezwa kwa makusudi wa kuwatorosha watuhumiwa,ili kesi zisiendelee katika vyombo vya kutolea haki.

Mapema mwanamtandao kutoka wilaya Wete Rashid Hassan Mshamata alisema kila mmoja kwa nafasi yake kuwa na umakini wa hali ya juu, kuepuka makosa madogo madogo, kuanzia vituo vya mkono kwa mkono hadi mahakamani, ili kukwepa mianya ya kutorosha na kuachiliwa huru kwa watuhumiwa.

 ‘’Kuna siku daktari alikosea kuandika tarehe tu, ya ile aliyo mhudumia muhanga, hapo wakili alipata njia na alin’gan’gania hapo hapo,’’alieleza Shamata.

Kwa upande wake mwanamtandao kutoka wilaya ya Mkoani Haji Shoka alieleza kuwa ili kuona kesi hizo zinamalizika na kupatikana kwa hatia ni vyema kila mmoja kwa nafasi yake kuwacha rushwa muhali.

 ‘’Unaweza ukampeleka muhanga Hospitali ukambiwa ni mzima hajafanyiwa lolote,lakini ukimuangalia hata kukaa kitako hawezi, tunakwenda wapi, turudini kwa mwezi Mungu janai,’’ alieleza Haji Shoka.

Nae Afisa msimamizi wa mradi wa Tumia jukwaa la habari kumaliza vitendo vya udhalilishaji Zaina Abdala Salim aliwapongeza wanamtandao hao kwa juhudi waliozichukua dhidi ya mapambano hayo, huku akiwataka kuendelza juhudi zao hizo, ili kuona udhalilishaji imekua historia Zanzibar.

Kwa mwaka 2023 Jumla ya kesi 27 zimeripotiwa katika wila ya Mkoani, ambapo 18 zipo Polisi,1 imepata hukumu na fine, 1 fine, 3 zimeondolewa mahakamani kwa kukosa ushahidi, 4 zinaendelea Mahakam.

kwa upande wa wilaya ya Micheweni kuliripotiwa jumla ya kesi 21, ikiwa kesi 3 zilimalizika kwa kutolewa fain pamoja na fidia kwa sababu ilikua ni za watoto,7 zipo upelelezi na watuhumiwa tayari walishakimbia,4 zinaendelea mahakamani, 1 inasubiri kipimo cha DNA, 2 zilifungwa kwa amri ya Dpp, 1 iliachiwa huru kutokana na kukosa ushahidi, na 1 inasubiri tathmini ya ustawi.

Na Wilaya ya Wete kuliripotiwa kesi 45, ambapo 25 zipo upelelezi, 5 zipo DPP, 9 zinaendelea  Mahakamani, 2 zilipata hukumu,na 2 zilifutwa kwa kukosa ushahidi.




Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more