KITUO CHA AFYA CHA TAJWA NI CHANZO CHA WAJAWAZITO KUJIFUNGULIA MAJUMBANI

 

               NA FATMA HAMAD,

Wananchi wanaoishi kijiji cha Mjini Kuyu Wilaya ya Wete Mkoa wa Kaskazini Pemba,  wavunja ukimya na kutoa kilio chao  kutokana  baada ya kuwekeza nguvu na pesa zao kwa  ajili ya kujenga kituo cha afya, lakini kimeshindwa kutumika na kutoa huduma kwa sababu ya kukosekana kwa wahudumu wa Afya .

Akizungumza na mwandishi wa habari hizi huko kijijini kwao Mwananchi  khamis  Omar  alieleza kuwa walifanya mchango nyumba hadi nyumba  wa vifaa vya ujenzi pamoja na kushiriki katika ujenzi na kujenga kituo cha afya, na   Serikali ikawasaidia  katika kuwezeka kituo hicho. 

 Hata hivyo, tokea mwaka 2011  mpaka sasa kituo  hicho  hakitumiki  na  kimekuwa  gofu.  

‘’Kituo hicho tulikijenga  kwa nguvu zetu na pesa zetu, na Serikali ikaja ikatusaidia kuezeka,  ila tunashangaa  Serikali  yenyewe  imekitelekeza, kipotu kinaporomoka, hakitumiki,’’alifahamisha  Khamis.

Alisema huu ni mwaka wa 12 tokea kujengwa kwa kituo hicho, ambapo kilifunguliwa  na  mbio za mwenge kwa shangwe na nderemo, ili kuondosha shida za wananchi wa kijiji hicho.

 Alisema baada ya kuona wanapata tabu kwa kufuata huduma za afya masafa marefu, ndipo wakamua wao wenyewe  kujitolea kujenga ili waondokana na kadhya hiyo, lakini  bado wanaendelea tu kuteseka.

‘’Tunaiomba Serikali itujali na ituonee huruma, ituwekee  kituo wananchi wake tunateketea,’’ alieleza mwananchi.

Mapema mwanachi  Raya  Hassan  Alisema kukosekana kwa kituo cha afya karibu na makaazi yao wanapata shida hususan wanapopata mgonjwa wakati wa usiku.

Alisema wanachukua  masafa  kilo mita nne kufuata huduma ya afya, ambapo  wanalazimika kupita sehemu za vichaka na mabonde.

 ‘’Hospitali ipo mbali, na hatuna daktari kijiji kizima hichi, hivyo tunapopata mgonjwa  au mzazi wa ghafla hususan nyakati  za usiku inashindikana   kupata  huduma  kwa haraka,  sisi  hatujui  tumfanye nini,’’ alisema bi Raya.

Bikame  Bakar Darusi   alisema  kuwa kukosekana kwa kituo cha afya kunachangia  kwa kiasi kikubwa  wa mama wajawazito   kujifungulia majumbani.

‘’ Mimi binafsi  mtoto wangu alitaka kujifungulia   njiani, kwani  barabara yenyewe hatuna, usafiri ni boda boda tu, gari za abiria hazifiki hususan kipindi cha mvua, hivyo wazazi wengi huishia kujifungulia njiani,’’ aliseleza kwa masikitiko   Bikame.

‘’Tunaiomba Serikali ituonee huruma tunapata shida hususan sisi wazazi, tunaomba hichi kituo mutuekee kitoe huduma japo za zarura, japo huduma za mama na mtoto tu,’’ alisema Bi Kame.

Alisema kuwa uzazi wa sikuhizi ni mashaka, hivyo ni vyema kituo kiweze kutoa huduma ili kulinda usalama wa mama na mtoto.

Diwani wa wadi  hiyo Bi Nasra  alisema yeye pamoja na sheha tayari wameshafuatilia kila sehemu ili kuona kituo hicho kinatoa huduma, lakini imeshindikana.

 ‘’Ijapokuwa kinajengwa kituo katika eneo la kiuyu minungwini, lakini ni vvyema kuwangaliwe tena kwa jicho la pili, kwa vile kijiji cha mjini kiuyu ni kijiji cha ndani, na  hakuna  hata miundombinu  ya  barabara,’’ alieleza diwani.

Afisa mdhamini wizara ya Jinsia  na maendeleo ya jamii Khamis Bilal Ali  alifahamisha kuwa wanajenga Hospitali  katika eneo la kiuyu minungwini ambayo itawanufaisha wananchi wa Minungwini pamoja na wa  mjini kuyu.

Alisema kuwa  jingo hilo walilolijenga watalitumia kukiwa na kesi maalumu kama vile mripuko wa maradhi pamoja na kipindi cha utoaji wa chanjo za watoto.




 



Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more