KILIMO MSITU TARAJIO LA KUJIKOMBOA NA UMSKINI

 


NA FATMA HAMAD, PEMBA

MKURUGENZI WA Jumuia ya uhifadhi Mazingira Pemba CFP Mbarouk Mussa Omar  amezitaka kamati zinazosimamia masuala ya uhifadhi wa mazingira kuhakikisha wanaendeleza shughuli hizo ikiwemo kilimo msitu, ili kuona wanajipatia kipato.

Mkurugenzi huyo ameyasema hayo wakati akizungumza na wanakamati hao ambao ni kutoka shehia za Chwale, Kambini kichokochwe, Kiuyu na Mchangamdogo katika mafunzo ya siku mbili ya kuweka mikakati madhubuti ya kuendeleza shughuli za uhifadhi mazingira,yaliofanyika Ofisi za CFP huko Minyenyeni mkoa wa Kaskazini Pemba.

 Alisema kilimo ndio tegemeo kubwa la Taifa, hivyo ni vyema wanakamati hao kuendelea kulima kilimo msitu, waweze kuzalisha mazao ambayo yatawasaidia kupata chakula pamoja na pesa ambazo  zitaendesha maisha yao.

‘’Ndugu zangu shughuli hizi za kulima kilimo msitu msifanye kwa sababu tu ya mradi, bali ifanyeni  kama ni kazi yenu ya kila siku, kwani mukifanya hivyo mtapata mazao mtakula nyumbani na mengine mtauza mtapata pesa mtasomeshea watoto wenu,’’aliwanasihi.

Aidha alisema endapo watajiendeleza na shughuli hizo wataondokana na utegemezi sambamba kujipatia kipato na sio kukaa na kusubiri ajira serikalini.

Kwa upande wake Afisa kilimo Msitu na usawa wa kijinsia Sada Juma Segeja alisema lengo la mafunzo hayo kwa kamati hizo ni kuwahamasisha suala zima la usawa wa kijinsia katika masuala uhifadhi wa mazingira.

Alisema wanaiwezesha kamati hiyo kutoa elimu kwa jamii kuona mwanamke anamiliki ardhi yake mwenyewe, aweze kulima kilimo msitu apate mazao ambayo yatamuezesha kuendesha maisha yake bila kumtegemea mtu.

‘’Kwa kweli lengo hasa la kuundwa kwa kamati hizi ni kwenda kuibadilisha jamii kuacha fikra potofu na kumpa fursa mwanamke aweze kumiliki adhi ili weze kutunza mazingira kama anavyofanya mwanamme,’’alisema.

Nao baadhi ya wanakamati hao walisema watahakikisha elimu hiyo wanaifikisha katika jamii zao na kuona wanawake wanapata fursa mbalimbali ikiwemo uongozi, kumiliki ardhi sambamba na kutunza mazingira.

MWISHO.



Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more