Masheha watakiwa kuwashirikisha wanawake kwenye kamati zao

 

NA FATMA HAMAD, PEMBA

Sheha wa Sizini Suleiman Shaame Hamad, amewataka masheha wenzake kuhakikisha wanazingatia suala la usawa wa kijinsia katika Kamati zao, ili kuona wanawake nawao wanapata fursa kupitia kamati hizo.

Sheha huyo ametoa wito huo wakati akizungumza na mwandishi wa habari hizi huko kijijini kwake Sizini, amesema ni wakati sasa kwa masheha kuhakikisha wanatekeleza dhana ya Jinsia kwa kuwashirikisha wanawake katika Kamati zao, kwani kutawapa fursa ya kujiamini, na kua viongozi wazuri wa badae.

Amesema unapompa nafasi yoyote mwanamke ni rahisi,  kufanikiwa, kwani wao ni wachapakazi na ni washauri wazuri hasa katika nyanja za maendeleo.

‘’Binafsi nimeona nilipowashirikisha wanawake katika kamati yangu, maendeleo yamepatikana, ukilinganisha na hapo nyuma,’’amesema.

Amesema miongoni mwa faida ambazo amezipata baada ya kuwashirikisha wanawake katika Kamati yake, amefanikiwa kwa kiasi kikubwa kupunguza athari za mabadiliko ya tabianchi, kwani ameanzisha shughuli za uhifadhi wa Mikoko, na viumbe wa baharini.

‘’Tokea tuanze kuhifadhi Mikoko tumefanikiwa, kwani tumepunguza Maji ya Chumvi kuingia katika vipando vya wakulima, ambapo msimamizi mkuu wa shughuli  hizo ni wanawake,’’ameeleza.

Amefahamisha kuwa,  kamati yake ina wajummbe 10, wanawake na wanaume wakiwa idadi sawa.

Time Juma Hamad mwanakamati hiyo ya Sizini  amesema licha ya kamati yao kuwa na wajumbe wengi wanawake lakini haijawahi kupoteza kitu.

Amesema zamani kamati ilipokua na wajumbe wengi wanaume ilikua na matatizo mengi ikiwemo udhalilishaji ukilinganisha na sasa.

Omar Hamad ambae pia ni mwanakamati wa Shehia hiyo ya Sizini amesema mwanamke sikuzote ndio mchapakazi nzuri kuliko hata mwanamme.

Amina Ahmed Mohamed  kutoka Chama cha wandishi wa habari wanawake Tanzania Zanzibar –TAMWA Ofisi ya Pemba,  amesema licha ya kuwa hawana utafiti rasmi lakini bado Sera ya Maendeleo ya Jamii na Jinsia, haijatekelezeka ipasavyo.

Ameleza kuwa wanatamani Sera yengetekelezwa, kwani siku zote wanawake ni wapenda amani, wapenda maendeleo na waadilifu kwenye uongozi.

  ‘’Hata tukiangalia kwenye ngazi za shehia idadi ya masheha wanawake ni kidogo kwani ni 81 sawa na asilimi 20 kwenye shehia 388 ya masheha wote Zanzibar,’’amesema.

Mwanaisha Ali Masoud Mkuu wa Idara ya Maendeleo ya Jamii, Jinsia na watoto Pemba amesema utekelezwaji wa Sera unahitajika kuanzia hata kwenye ngazi ya familia.

‘’Tunataka kwamba kila alipo mwanamme na mwanamke awepo kwani shida za wanawake anazijua mwanamke,’’ameleza.




 

 

 

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more