Wandishi wa habari watakiwa kuielimisha jamii juu ya mabadiliko ya tabianchi

 


                    NA FATMA HAMAD, PEMBA

AFISA ELIMU kutoka Idara ya Mazingira Ofisi ya Pemba Nassor Ali Salim, amesema endapo kama, hakutochukuliwa hatua za makusudi za kukabiliana na athari zinazotokana na  Mabadiliko ya Tabianchi, baada ya miaka 100 kisiwa cha Pemba kitabakia historia, kutokana na maji ya bahari kuingia Nchi kavu.

Alisema kufuatia tatizo hilo la Majichumvi kuingia katika Nchikavu,  kunauwezekano mkubwa wa kupoteza Kilomita za mraba 286, sawa na asilimia 28 ya eneo lote la Pemba.

Alisema watu wanaongezeka na Ardhi inaendelea kupungua, hivyo endapo kama hakutochukuliwa jitihada za ziada, juu ya kupambana na mabadiliko ya tabianchi, kisiwa cha Pemba kitakua kiko hatarini zaid, na watu wanaweza kuja kukosa maeneo ya kuishi.

Alisema yapo maeneo yasiyopungua  123 yakiwemo  makaazi ya watu pamoja na mashamba yanayotumika kwa ajili ya kilimo, yameathirika kutokana na uingiaji wa majichumvi.

‘’Tuna maeneo mengi yameathiwa na mabadiliko ya Tabianchi kama vile Kojani, Mjini kiuyu, Mkoani pamoja na Micheweni na hayawezi kutumika kwa sasa,’’alisema.

Afisa huyo aliyasema hayo wakati akizungumza na wandishi wa habari katika mafunzo ya kuwajengea uwezo wa kuandika habari za utetezi juu ya masuala ya mabadiliko ya Tabianchi, yaliofanyika Ofisi za Chama cha wandishi wa habari wanawake TAMWA Zanzibar, zilizopo Mkanjuni wilaya ya Chakechake Mkoa wa Kusini Pemba.

Alisema kufuatia tatizo hilo ambalolimeonekana kua ni tishio kwa wakaazi wa kisiwa cha Pemba, ipo haja kwa wandishi wa habari kuielimisha Jamii, kwani kutapelekea kuzifahamu athari za mabadiliko ya tabianchi na kuchukua tahadhari mapema.

Kwa upande wake Mkuu wa kitengo cha  mawasiliano kutoka Chama cha wandishi wa habari wanawake TAMWA Zanzibar, Sofia Ngalapi alisema kufuatia tatizo hilo  wameamua kuleta mradi wa kuwawezesha wanawake kutunza mazingira, kwa ushirikiano wao na Jumuia ya Uhifadhi wa misitu Pemba CFP na  Jumuia ya uhifadhi wa misitu CFI kutoka Canada ili kujiinua kiuchumi na kuepukana na athari  hizo.  

Alisema wanawake wamekua ndio wathirika wakubwa wa mabadiliko ya tabianchi kwani, wao ndio wanaotumia muda mkubwa kuingia maporini na kutafuta kuni kwa ajili ya kupikia.

 ‘’Bado wanawake wanaachwa nyuma juu ya kukabiliana na mabadiliko ya Tabianchi, kwani hawana maeneo ya kuhifadhia, waweze kuepukana na athari hizo’’,.alisema.

Alisema ni vyema kwa wandishi wa habari kuielimisha Jamii kuwapa fursa wanawake waweze kufanya shughuli za utunzaji wa mazingira, ili waweze kukabiliana na athari za mabadiliko ya tabianchi.



Nae Sada Juma Segenya mtetezi wa masuala ya wanawake kutoka Jumuia ya Uhifadhi wa misitu kisiwani Pemba CFP, alisema  moja ya changamoto inayowakabili  katika mradi huo ni baadhi ya wanawake kukosa rasilimali Ardhi, kwa ajili ya kufanyia shughuli hizo za uhifadhi.

Kwa upande wao wandishi wa habari ambao walipatiwa mafunzo hayo, walisema watahakikisha wanawaelimisha wananjamii kufahamu athari za mabadiliko ya tabianchi, ili kuwaungamkono wanawake juu ya uhifadhi wa mazingira.

Uchunguzi wa hali mwaka inaonesha kuwa idadi ya watu wanaoenda Mahkamani kukabiliana na janga la mabadiliko ya tabianchi inaongezeka.

Hadi kufikia Disemba mwaka 2022, kumekuwa na kesi 2,180 zinazohusiana na mazingira, zilizowasilishwa kwa taasisi za Sheria 65 kote duniani.

Ripoti ya Benki ya Dunia inasisitiza umuhimu wa kuunganisha masuala ya tabianchi katika mipango ya maendeleo ya Tanzania kupitia Dira ya Taifa ya Maendeleo 2050.

Ambapo moja ya mkakati wa ripoti hiyo ni kusaidia jamii zilizohatarini, kuwa na uwezo wa kuhimili mishituko ya tabianchi.

Pia ripoti hiyo imeeleza kuwa kushindwa kuchukuliwa hatua za mabadiliko ya tabianchi, kunaweza kupunguza ukuaji wa uchumi wa Tanzania, kwa asilimia nne ifikapo mwaka 2050.

Aidha kunaweza kusababisha watu Milioni 20.6 kuingia kwenye umasikini, na wengine Milioni 13 kulazimika kuhama makazi yao Nchini.


 

 

Comments

Post a Comment

Popular posts from this blog

KERO YA MAJI, TATIZO KWA WANAKIJIJI CHA GOMBEUME

Image
                        NA  FATMA HAMAD- PEMBA WANANCHI WA KIJIJI cha Gombeume Shehia ya Mchangamdogo   Wilaya  ya  Wete  Mkoa wa Kaskazini  Pemba,  wamelalamikia  juu  ya  ukosefu  wa  huduma  ya  Maji  safi  na  salama   kijijini hapo. Wakizungumza na mwandishi wa habari hizi huko kijijini kwao Gombeume mwananchi Bishamba Suleiman Ali na  Fatma Said Haji wamesema huu ni zaidi ya mwaka wa tatu hawapati huduma ya maji katika kijiji chao. Walisema wamechoka na kadhiya hiyo ambayo inawafanya waende  mabondeni  kufuata huduma ya maji,  kwa  ajili  ya  matumizi  ya  majumbani  mwao. ‘’Kwakweli tuna shida kubwa wananchi wa gombeume, tunakwenda mabondeni kwenye visima vya zamani kuchota maji,  tunaumia na tumechoshwa na shida hiyo,’’walisema. Walisema wanahofu ya kujakupata  m...
Read more

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

DNA YA THIBITISHA, MTUHUMIWA NDIE BABA MZAZA WA MTOTO

Image
                       NA FATMA HAMAD – PEMBA SHAHIDI  BASHE  MAKAME  Khamis  ambae  ni Afisa kutoka Maabara ya Mkemia mkuu wa Serikali  Zanzibar ameiambia Mahkama ya Mkoa iliyopo Wete  Kaskazi Pemba, k baada ya kufanya uchunguzi wa vinasaba katika Mashine ya DNA vipimo vimengudua kwamba mtuhumiwa Bahati  Mashauri ndie baba mzazi wa mtoto aliezaliwa na binti aliembaka. Akitoa ushahidi wake  mbele ya Mahkama hiyo ya Mkoa  Bashe alidai kuwa baada ya kupokea vinasaba vya mtoto aliezaliwa na vya mtuhumiwa  pamoja na mama aliezaa baada ya kubakwa, alianza kufanya uchunguzi wa  vinasaba  vya mtoto na mtuhumiwa  na kugudua kwamba mtuhumiwa  ndie baba  mzazi wa mtoto kwa asilimia 9.99 Aidha alidai kuwa  aliendelea  kufanya vipimo  vya  vinasaba vya mtoto na mama yake  pia aligundua kwamba  mtoto ndie mama yake mzazi binti ambae...
Read more