MKUGENZI WA CHAMA CHA WANDISHI WA HABARI WANAWAKE ATAKA KUWEPO NA USAWA WA KIJINSIA KATIKA NAFASI ZA UONGOZI
NA MADINA ISSA,UNGUJA
MKURUGEZI WA CHAMA CHA WAANDISHI WA HABARI WANAWAKE TANZANIA TAMWA ZANZIBAR DK MZURI ISSA AMESEMA IKIWA ZANZIBAR IMO NDANI YA TANZANIA INAWAJIBU KUTEKELEZA MAKUBALIANO YA KIMATAIFA YA KUWEPO USAWA WA KIJINSIA KWENYE NAFASI ZOTE ZA UONGOZI
AKIZUNGUMZA NA KATI FM HUKO OFISINI KWAKWE TUNGUU MKOA WA KUSINI UNGUJA AMESEMA LICHA YA SHERIA NA MATAMKO MBALIMBALI BADO HALI YA UTEKELEZAJI WA SERA NA SHERIA HIZO HAURIDHISHI NA NI KINYUME NA ILIVYORIDHIWA MIKATABA YA KIMATAIFA KWANI TAKWIMU ZA NAFASI YA MWANAMKE UONGOZI WA USHEHA KWA ZANZIBAR NZIMA UNGUJA NA PEMBA NI ASILIMIA 20 TU
AMESEMA UTAFITI UNAONESHA KUWA VIONGOZI WANAWAKE WANAFANYA KAZI VIZURI ZAIDI PINDI WAKIPATIWA NAFASI HIVYO NI VYEMA WANAOHUSIKA KATIKA UTEUZI WA NAFASI ZA USHEHA KUANGALIA WANAWAKE WANAOWEZA KUONGOZA NA UPATIKANE USAWA WA KIJINSIA KWA WOTE
KWA UPANDE WAKE MKURUGENZI IDARA YA URATIBU TAWALA ZA MIKOA SERIKALI ZA MITAA ZANZIBAR BI ZAINAB KHAMIS KIBWANA AMEKIRI UWEPO WA IDADI NDOGO YA SHEHA WANAWAKE NA KUSEMA KUWA INATOKANA NA SABABU MBALIMBALI HUKU AKIELEZA KUWA WANAJITAHIDI KUHAKIKISHA IDADI HIYO INAONGEZEKA SIKU HADI SIKU KUFIKIA USAWA WA KIJINSIA.
KWA MUJIBU WA SENSA YA MWAKA 2022 IDADI YA WATU ZANZIBAR JUMLA NI 1,889,773. WANAUME WAKIWA 915,492 SAWA NA 48% NA WANAWAKE 974,281. SAWA NA 52 % HUKU NAFASI YA UONGOZI WA USHEHA WANAUME NI 80 % NA WANAWAKE NI 20 %
Comments
Post a Comment