MASHEHA WATAKIWA KUWACHUKULIA HATUA WANAOVURUGA AMANI NCHINI

 

NA FATMA HAMAD, PEMBA

Mwenyekiti wa kamati ya madili Zanzibar Abdala Mnubi Abasi amewataka Masheha kushirikiana na kamati hiyo kuondosha vitendo viovu vinavyofanywa na watu wasio kuwa na khofu ya Mungu katika jamii zao, ili kulinda amani na silka za kizanzibar.

Mwenye kiti huyo ameyasema hayo wakati akizungumza na Masheha wa wilaya ya Wete huko ofisi ya mkuu wa Wilaya Wete mkoa wa Kaskazini Pemba.

Alisema katika  Ramadhani ya mwakajana waligundua jumla ya vituo 14 ambavo vilikua vinapikwa mchana wa mwezi mtukufu wa ramadhani kisiwani Pemba.

‘’Hata kama mtu si muislamu lakini hatakiwi kupika na kula mchana hadharani, hivyo niwaombe Masheha kuchukuwa hatua watu ambao wanakula kinyume na taratibu zilizowekwa na Serikali,alisema.

Aidha alisema katika mji wa Wete kuna vibanda ambavyo vinatumiwa na Mama ntilie kwa ajili ya kuuzia biashara zao, lakini ikifika nyakati za usiku vibanda hivyo hutumika kama ni sehemu za starehe, hivyo aliwataka masheha kuweka ulinzi shirikishi katika maeneo hayo ili kuthibiti vitendo hivyo viovu ambavyo vimekuwa vikifanyika siku hadi siku.

 Kwa upande wake mwenyekiti wa Jumuia ya Ukuwem kisiwani Pemba Yussuf Ali Said amesema vitendo vya mmongonyoko wa madili vimekithiri  katika maeneo yetu, hivyo ni wakati masheha  kuzitumia vyema nafasi walizonazo ili kuona wanasimamia vyema madili na kuhakikisha kunakuepo na kizazi chenye tabia njema.

‘’Ndugu zangu masheha nyinyi ni viongozi hivyo mtakwenda kuulizwa kesho mbele ya mungu juu ya ulivyoitumia nafasi yako katika kuwaongoza watu,alieleza.

Alieleza kuwa Kunawimbi kubwa la watu wanaokuja kuishi chini kwetu kutoka kisiwa cha Tanga na Tanzania bara, tunapowakodisha majumba yetu wamekuwa wakiyafanya madanguro, na ukiangalia wanaowatumia ni watoto wazaliwa wa kisiwani humu, hivyo ni budi kazitumia nafasi walizo nazo kuliangalia hilo, ili kunusuru vijana na vitendo viovu wanavyofanyiwa.

Nao baadhi ya masheha waliohudhuria mkutano akiwemo akiwemo Asha Khamis Sheha wa shehia ya Piki na Othman Ali Khamis walisema bado jamii haijakuwa tayari kusimamia vyema suala la madili kwa watoto wao.

‘’Mimi binafsi nilishawahi kupigwa na kesi imeenda Polisi kwa sababu nilikwenda  kuvunja ngoma ambayo ilikua inapigwa usiku mkubwa ambapo niliamini haina usalama ngoma hiyo nilipigwa na kesi ikaenda hadi mahakamani, alisema Sheha wa Mtabwe kusini.

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more