UTELEKEZWAJI WA WANAWAKE UNAVYOCHANGIA KUONGEZEKA KWA UDHALILISHAJI

 
 
 NA FATMA HAMAD,PEMBA

Utelekezwaji wa Wanawake na Watoto imedaiwa ni moja ya sababu inayo changia kutokea kwa vitendo vya udhalilishaji wa kijinsia  ikiwemo kubakwa, kulawitiwa, kwa watoto.

Hayo yamesemwa na hakimu wa Mahakama maalumu ya kupambana na Udhalilishaji iliyopo Wete, Muumin Ali Juma wakati akizungumza na Wananchi katika mkutano malumu wa kuwaelimisha Wananchi umuhimu wa kuripoti na kutoa ushahidi Mahakamani huko Chamboni wilaya ya Micheweni mkoa wa Kaskazini Pemba.

Alisema wilaya ya Micheweni ni moja  ya wilaya inayongoza kwa utelekezaji wa wanawake, katika mkoa wa Kaskazini Pemba  jambo ambalo  linachangia  watoto kudhalilishwa.

,,Unamuacha mwanamke na watoto humpi huduma yoyote jee umetegemea nini, niwaulize wanaume wenzangu kesho mbele ya Mungu tutakwenda kujibu nini,aliuliza.

Alisema  mara nyingi kesi  zinazofikishwa mahakamani  za waliofanyiwa udhalilishaji ni watoto ambao wamekosa malezi ya pamoja kati ya Baba na Mama, hivyo aliwataka wananchi hao kuwa na ustahamilivu katika ndoa zao ili waweze kuzilea familia zao, ambapo itakuwa ni muwarubaini wa vitendo hivyo.

 Kwa upande wake Asya Soud Mzee kutoka dawati la Polisi Micheweni aliwashauri Wananchi hao kuwapeleka vyombo vya sheria watoto wanapodhalilishwa ili waweze kufanyiwa uchunguzi na kupatiwa tiba.

‘’Mtoto akishakudhalilishwa musifiche ripotini Vituoni,kwani mkija nao tunawachunguza na tunawapa dawa za kinga ili kama huyo aliemfanyie kitendo kama anamaradhi asije akambukizwa na yeye,alisisitiza.

 Ali Khamis Faki ambae ni miongoni mwa walioshiriki mkutano huo alishauri Serikali kutoa adhabu kwa pande zote mbili baina ya mwanamme na mwanamke yoyote watakapokamatwa na kosa la udhalilishaji na sio kwa mwanamme pekee, jambo ambalo linaweza likapelekea kuondokana na udhalilishaji.

 Mkutano huo uliandaliwa na Jumuiya ya Wasaidizi wa sheria wilaya ya Micheweni [MIDIPAO] wakishirikiana na Idara ya Msaada wa Kisheria pamoja na Mahakama, ikiwa ni shamra shamra ya madhimisho ya siku ya sheria Duniani.


 

 

 

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more