UJASIRIAMALI UNAVYOINUA WANAWAKE KIUCHUMI


 NA ZUHURA JUMA, PEMBA

 WAJASIRIAMALI wa kikundi cha mboga na matunda cha ‘Hufedheheki’ kilichopo Kwale Mpona Finya wamesema, wanafurahia uongozi wa Katibu wao Subira Mkubwa Mohamed namna anavyopigania katika kuhakikisha kikundi hicho kinapata maendeleo.

 Walisema kuwa, amekuwa akiwashirikisha hatua kwa hatua katika masuala yote ya kikundi, jambo ambalo linawapa faraja kwani wanakuwa na uhuru wa kutoa maoni yao na baadae kuyafanyi kazi kadiri anavyoweza.

 Wakizungumza na mwandishi wa habari hizi wanakikundi hao walisema, Katibu wao huyo anapambania kwa hali na mali kuhakikisha kikundi kinazalisha zaidi na kujipatia kipato kitakachowakwamua kimaisha.

 Mwanakikundi Khamis Ali Khamis alisema, mama huyo ni kiongozi mchapa kazi na mchakarikaji kiasi ambacho na wao hupata nguvu ya kuzalisha zaidi bidhaa zao kwa lengo la kujipatia mafanikio.

 Alisema, wamepata manufaa mengi kupitia kiongozi huyo mwanamke kutokana na kuwa anawahamasisha kufanya kazi kwa bidi, ili kuondokana na hali ngumu ya maisha, ambapo wamefanikiwa kwa kiasi kikubwa katika uzalishaji.

      "Tumejifunza vitu vingi kupitia Katibu wetu huyu kwa sababu anapambana kuhakikisha tunazalisha bidhaa nyingi na zenye ubora ili kukuza soko,” alifafanua.

Nae mwanakikundi Salma Said Salim alieleza kuwa, mama huyo anaweza kugombea nafasi yoyote ya uongozi na akaitumikia vizuri jamii yake, kutokana na utendaji kazi wake ulio bora.

 "Jinsi anavyosimama imara kutatua changamoto zetu za kikundi, naamini atakapoingia jimboni na kushinda, basi ataibua matatizo yaliyomo ndani ya jamii na kuyatafutia njia mbadala ya kuyatatua,” alisema.

 Alisema kuwa, kikundi chao kinajishughulisha na mazao ya mapesheni, mananasi, ndimu, maparachichi, mchicha, pilipili boga, nyanya chungu, ndizi na malimau, ambacho kilianzishwa mwaka 2000.

 Katibu wa kikundi hicho Subira Mkubwa Mohamed alisema, walihama mjini Wete na kwenda kuhamia kijiji cha Kwale Mpona Finya kwa ajili ya kufanya shughuli za kilimo.

 Alisema kuwa, kwa sasa wamepiga hatua nzuri kwani walianza na robo ekari na sasa wana ekari sita na nusu, ambapo ekari nne na nusu zimejaa mazao mbali mbali.

 Alisema malengo yao, ni kuhakikisha wanazalisha zaidi ili kujinufaisha wao na kuongeza ajira kwa vijana katika kijiji na familia zao.

 Akizungumzia soko kiongozi huyo alisema ni zuri, isipokuwa kama ilivyo kawaida bei ya mazao siku za mvua hushuka kwa vile idadi ya wateja wao ambao huwafuata shambani nayo hupungua.

 Alisema kuwa, changamoto inayowakabili ni kukosa mtaji kwani wanataka wazalishe zaidi, lakini wanashindwa kutokana na kukosa fedha za kujiendeleza.

 ‘’Tumeshaomba mkopo lakini bado hatujapewa, ingawa tunatumai kwamba tutapata, huu utatusaidia kutatua changamoto zinazotukabili,’’ alisema mama huyo.

 Aliwaomba viongozi wa Serikali wafike kwenye shamba lao kukagua shughuli zao na kuona jinsi walivyoimarisha, ili wapatiwe mkopo utaowasaidia kujiendeleza.


 Kaimu Mratibu Wakala wa Uwezeshaji Wananchi Kiuchumi Pemba Haji Mohamed Haji alisema, ombi la mkopo la wakulima wa mboga na matunda Kwale Mpona lipo katika utaratibu na baada ya kumaliza watapatiwa.

 "Mkopo watapewa, lakini maombi ni mengi na wao wakati wanapeleka waliwakuta wenzao, hivyo mpaka wapewe aliowakuta ndipo na yeya apewe,’’ alieleza.

 Aliwataka wanakikundi hao kuwa wavumilivu kwani itakapofika zamu yao watapewa, kwa sababu wao ni walipaji wazuri na wala hawana matatizo yeyote katika urejeshaji wa fedha.

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more