RUSHWA MUHALI YATAJWA NI CHANZO CHA KUONGEZEKA KWA UDHALILISHAJI

 
 
 

                                              NA FATMA HAMAD, PEMBA

RUSHWA muhali katika jamii bado ni kilio kikubwa kinachosababisha kesi za udhalilishaji kushindwa kufikishwa mahakamani kwa ajili ya kupata hatia.

Akizungumza katika kikao maalumu, Mkurugenzi wa Chama cha Waandishi wa Habari Wanawake Tanzania (TAMWA) Dk. Mzuri Ali Issa amesema licha ya elimu inayotolewa kwenye jamii lakini bado suala la muhali halijaondoka, jambo ambalo linachangia kwa kiasi kikubwa ongezeko la udhalilishaji.

Alisema, bado jamii inaendelea na tabia ya kuzikalia kitako na kuzifanyia suluhu kesi za udhalilishaji, jambo ambalo linapelekea kuongezeka kwa matendo hayo siku hadi siku.

‘’Linapotokea tukio la udhalilishaji turipotini kwenye vyombo vya Sheria na sio  kusizifanyia suluhu, kwani kufanya hivyo tunazidi kupalilia udhalilishaji na kuwaumiza watoto wetu," alieleza.

Aidha Dk. Mzuri alisema, jambo jengine linalokwamisha ushahidi wa kesi mahakamani ni kukosekana kwa utumiaji wa ushahidi kwa njia ya kielektroniki, hali ambayo inaleta usumbufu kwa watoa ushahidi hasa kwa watoto na watu wenye ulemavu.

Sambamba na hilo, alivitaka vyombo vya Sheria kuongeza nguvu zaidi na kuwa makini kwenye suala la upelelezi wa kesi pamoja na kutumia vifaa vya teknolojia, ili kuhakikisha kwamba ushahidi unapatikana kwa haraka na mtuhumiwa kutiwa hatiani.

 

Kwa upande mwengine aliwataka Vijana kujishughukisha na shughuli mbali mbali ambazo zitawaletea maendeleo ikiwemo ujasiriamali, na sio kukaa katika vigenge viovu.

‘Jiepusheni  na vikundi viovu,fanyeni biashara hata kama ni kuza Karanga, alisema

 Kwa mujibu wa ripoti ya Mtakwimu Mkuu Zanzibar ndani ya mwezi wa Novemba mwaka huu kumeripotiwa jumla ya matukio 172 ya udhalilishaji wa kijinsia, ambapo tukio moja tu ndilo lililofikishwa mahakamani kati ya matukio hayo yaliyoripotiwa.

 

              

 

 




 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more